సామ్‌సంగ్, ఎల్‌జి స్మార్ట్‌వాచ్‌లను విడుదల చేసిన గూగుల్

తన సరికొత్త గూగుల్ ఆండ్రాయిడ్ వేర్ ప్లాట్‌ఫామ్ పై రూపకల్పన చేయబడిన సామ్‌సంగ్ గేర్ లైవ్, ఎల్‌జి జి స్మార్ట్‌వాచ్‌లను సెర్చ్ ఇంజన్ దిగ్గజం గూగుల్ బుధవారం శాన్‌ఫ్రాన్సిస్కోలో ప్రారంభమైన గూగుల్ ఐ/ఓ డెవలపర్స్ కాన్ఫిరెన్స్ (Google I/O developer conference) కీలక ప్రసంగంలో భాగంగా ఆవిష్కరించింది. ఈ రెండు స్మార్ట్‌వాచ్‌లకు సంబంధించిన విక్రయాలు వివరాలను గూగుల్ తన ప్లే స్టోర్‌లో అందుబాటులో ఉంచింది.

మరో ఆండ్రాయిడ్ వేర్ స్మార్ట్‌వాచ్ మోటరోలా మోటో360ని త్వరలో విడుదల చేస్తామని గూగుల్ ఈ సందర్భంగా పేర్కొంది. ఇండియన్ యూజర్లు ఎల్‌జి జి స్మార్ట్‌వాచ్‌ను గూగుల్ ప్లే స్టోర్ ద్వారా సొంతం చేసుకోవచ్చు. ధర రూ.14,999. మరో స్మార్ట్‌వాచ్ సామ్‌సంగ్ గెలాక్సీ గేర్ లైవ్ ఇండియన్ మార్కెట్ ధర రూ.15,900గా గూగుల్ ప్లేస్టోర్‌లో పేర్కొనటం జరిగింది. మార్కెట్లో ఈ వాచ్ అందుబాటుకు సంబంధించి పూర్తి వివరాలు వెల్లడికావల్సి ఉంది.

1.65 అంగుళాల ఐపీఎస్ ఎల్‌సీడీ డిస్‌ప్లే (రిసల్యూషన్ 280 x 280పిక్సల్స్), గూగుల్ ఆండ్రాయిడ్ వేర్ ప్లాట్‌ఫామ్, 1.2గిగాహెట్జ్ ప్రాసెసర్, 512ఎంబి ర్యామ్, 4జీబి ఇంటర్నల్ మెమెరీ, బ్లూటూత్ 4.0 ఎల్ఈ కనెక్టువిటీ, యాక్సిలరోమీటర్, డిజిటల్ కంపాస్, గైరో స్కాపో, వాటర్ ఇంకా డస్ట్ రెస్టిస్టెంట్, స్మార్ట్‌వాచ్ పరిమాణం 37.9 x 46.5 x 9.95మిల్లీమీటర్లు. ఆండ్రాయిడ్ 4.3 ఆపై వర్షన్ స్మార్ట్‌ఫోన్‌లను ఈ వాచ్ సపోర్ట్ చేస్తుంది.

సామ్‌సంగ్ గేర్ లైవ్ స్మార్ట్‌వాచ్ కీలక స్పెసిఫికేషన్‌లు:

1.63 అంగుళాల సూపర్ అమోల్డ్ టచ్‌స్ర్కీన్ (రిసల్యూషన్ 320 x 320పిక్సల్స్),
గూగుల్ ఆండ్రాయిడ్ వేర్‌ప్లాట్ ఫామ్,
1.2గిగాహెట్జ్ ప్రాసెసర్, 512ఎంబి ర్యామ్,
4.జీబి ఇంటర్నల్ మెమెరీ,
బ్లూటూత్ 4.0 ఎల్ఈ కనెక్టువిటీ,
యాక్సిలరోమీటర్, డిజిటల్ కంపాస్, గైరోస్కోప్, హార్ట్ రేట్ మానిటర్,
వాటర్ ఇంకా డస్ట్ రెసిస్టెంట్ ఫీచర్.