ఈ టాప్ 5 గూగుల్ యాప్స్‌తో ఫుట్‌బాల్ పండగ చేస్కోండి..

 

గూగుల్ సెర్చ్..

గూగుల్ సెర్చ్ కాలమ్ లో లైవ్ సాకర్ బగ్ ను ఏర్పాటు చేశారు. ఇది ఆటోమేటిగ్గా అప్ డేట్ అవుతోంది. తద్వారా లైవ్ స్కోర్స్ తెలుసుకోవచ్చు. అలాగే సెర్చ్ లో ట్రెండింగ్ ఇమేజెస్, టేబుల్స్, ట్వీట్స్, ఇమేజెస్, వీడియో క్లిప్స్ కూడా అందుబాటులో ఉన్నాయి. ఇక గూగుల్ ఫిఫా వరల్డ్ కప్ ను చాలా ప్రతిష్టాత్మకంగా సర్వీసెస్ అందించేందుకు ముందుకు వచ్చింది.

పిన్ లైవ్ స్కోర్స్ ఆన్ యాండ్రాయిడ్..

మీ స్మార్ట్ ఫోన్ ఓఎస్ యాండ్రాయిడ్ కూడా ఫుట్‌బాల్ మ్యాచులకు సంబంధించిన అప్ డేట్స్ అందించేందుకు ఇంట్రెస్టింగ్ ఫీచర్ తో ముందుకు వచ్చింది. ఇందులో భాగంగా మీరు ఎంపిక చేసుకున్న మ్యాచులను వాల్‌పేపర్‌లపై అప్ డేట్స్ ను డ్రాగ్ అండ్ డ్రాప్ ద్వారా చూసే వీలుంది. ఆటో అప్ డేట్ ద్వారా ఇవి పనిచేస్తాయి.

గూగుల్ న్యూస్...

ఇక గూగుల్ న్యూస్ సైతం ఫిఫా వరల్డ్ కప్ కు సంబంధించిన న్యూస్ స్టోరీస్, లైవ్ అప్ డేట్స్, ఇమేజీలు, ట్వీట్ లు, కాలమ్స్, రాబోయే మ్యాచుల వివరాలు, జట్టు బలాబలాలకు సంబంధించిన వివిధ హైలైటెడ్ న్యూస్ లను ఒకే పేజ్ లో అందిస్తోంది.

 

గూగుల్ అసిస్టెంట్..

ఇక గూగుల్ అసిస్టెంట్ సైతం వాయిస్ కమాండ్స్ ద్వారా ఎప్పటికప్పుడు అప్ డేట్స్ తో పాటు, స్కోర్స్, రానున్న మ్యాచ్ షెడ్యూల్స్, న్యూస్ అందించేందుకు సిద్ధంగా ఉంది. ఒక డెడికేటెడ్ ఫుట్‌బాల్ ట్రాకర్ ను గూగుల్ సెట్ చేసింది.

గూగుల్ మ్యాప్స్...

ఇక ఫుట్‌బాల్ మ్యాచులను ఎంజాయ్ చేసేందుకు గూగుల్ మ్యాప్స్ మరో సరికొత్త ఫీచర్ తో ముందుకు వచ్చింది. ఇందులో భాగంగా మ్యాచ్ జరుగుతున్నప్పడు మీ సమీపంలోని బార్లు, రెస్టారెంట్లు, ఈవెంట్ల వివరాలను అందిస్తుంది. అప్పుడు ఎంచక్కా మ్యాచ్ మజా మీ స్నేహితులతో పొందే అవకాశం ఉంది.