Saavn, Gaanaలకు షాక్, అమెజాన్ ప్రైమ్ మ్యూజిక్ వచ్చేసింది, వారికి ఉచితం

అమెజాన్ ప్రైమ్ కస్టమర్లు

అమెజాన్ ప్రైమ్ కస్టమర్లు కాని వారు రూ.999 చెల్లించి ఏడాది పాటు అమెజాన్ ప్రైమ్ మెంబర్‌షిప్ పొందితే అందులో అమెజాన్ ప్రైమ్ వీడియో, అమెజాన్ ప్రైమ్ మ్యూజిక్ సేవలను పొందవచ్చు. అలాగే అమెజాన్ సైట్‌లో ప్రత్యేక సేల్‌లు నిర్వహించినప్పుడు ప్రైమ్ మెంబర్లకు 12 గంటల ముందుగా సేల్ అందుబాటులోకి వస్తుంది. దీంతోపాటు అమెజాన్‌లో కొనే పలు వస్తువులకు ఉచిత డెలివరీని అందిస్తారు.

అంత‌ర్జాతీయ ఆల్బ‌మ్స్ ..

కాగా అమెజాన్ ప్రైమ్ మ్యూజిక్‌లో హిందీ, ఇంగ్లిష్, పంజాబీ, త‌మిళ్, తెలుగు, క‌న్న‌డ‌, మ‌ళ‌యాళం, మ‌రాఠీ, బెంగాలీ, భోజ్‌పురి, గుజ‌రాతీ, రాజ‌స్థానీ భాష‌ల‌కు చెందిన కొన్ని ల‌క్ష‌ల పాట‌లు అందుబాటులో ఉన్నాయి. అంత‌ర్జాతీయ ఆల్బ‌మ్స్ కూడా ల‌భిస్తున్నాయి.

త‌మ‌కిష్ట‌మైన ప్లే లిస్ట్‌ల‌ను

వీటికి గాను యూజ‌ర్లు త‌మ‌కిష్ట‌మైన ప్లే లిస్ట్‌ల‌ను పాట‌ల జ‌న‌ర్‌ను బ‌ట్టి క్రియేట్ చేసుకోవ‌చ్చు. అమెజాన్ ప్రైమ్ మ్యూజిక్ యాప్‌లో ల‌భించే ప‌లు పాట‌ల‌ను యూజ‌ర్లు డౌన్ లోడ్ చేసుకోవచ్చు. దీంతో డివైస్‌లో ఇంట‌ర్నెట్ క‌నెక్ష‌న్ లేకపోయినా ఆ పాట‌ల‌ను వినేందుకు అవ‌కాశం ఉంటుంది. అలాగే ఈ యాప్‌లో మ్యూజిక్‌ను సెర్చ్ చేసుకునేందుకు గాను అలెక్సా వాయిస్ స‌పోర్ట్‌ను కూడా అందిస్తున్నారు.

2020 నాటికి

2020 నాటికి ఇండియా డిజిటల్ మ్యూజిక్ ఇండస్ట్రీ రూ. 3100 కోట్లను ఆర్జించే అవకాశం ఉందని అంచనాలు వెలువడుతున్నాయి. ఈ విషయాన్ని Deloitte గతేడాది రిపోర్ట్ చేసింది. కాగా ఇండియాలో 273 మిలియన్ల మంది ఆన్ లైన్ మ్యూజిక్ యూజర్లు ఉన్నారు.

Gaana జనవరిలో ..

కాగా Gaana జనవరిలో 60 మిలియన్ల యూజర్లను, Saavn 22 మిలియన్ల యూజర్లను సొంతం చేసుకున్నట్లుగా ఆ కంపెనీలు రిపోర్ట్ చేశాయి. కాగా అమెజాన్ కు ఇండియాలో 10 మిలియన్ల మంది ఉన్నారని అంచనా.