రోబోలతో క్యూట్ డెలివరీకి శ్రీకారం చుట్టిన అమెజాన్

తోడుగా అమెజాన్ స్కౌట్ అంబాసిడర్లు

కాగా అడోరా బాట్స్ ప్రస్తుతం కస్టమర్లకు అమెజాన్ నుంచి ప్యాకేజీలను డెలివరీ చేస్తున్నప్పటికీ వాటికి తోడుగా అమెజాన్ స్కౌట్ అంబాసిడర్లు వెంట వెళ్తున్నారు. వీరు ఆ రోబోట్లను పర్యవేక్షించడంతోపాటు వాటి పనితీరుపై కస్టమర్లకు వచ్చే సందేహాలను తీరుస్తూ వారి నుంచి ఫీడ్‌బ్యాక్ తీసుకుంటున్నారు.

రాత్రి పూట కూడా డెలివరీ:

ఇక ఈ రోబోట్లతో కేవలం పగటి పూట మాత్రమే కాకుండా, రాత్రి పూట, భిన్నమైన వాతావరణ పరిస్థితుల్లోనూ ప్యాకేజీలను డెలివరీ చేయిస్తున్నారు. వాటి పనితీరును అమెజాన్ ప్రతినిధులు పర్యవేక్షిస్తున్నారు. ఈ క్రమంలోనే అమెజాన్ త్వరలోనే పెద్ద ఎత్తున రోబోట్ల ద్వారా కస్టమర్లకు ప్రొడక్ట్స్‌ను డెలివరీ చేయాలని చూస్తోంది.

రోబోట్ల మీద అనేక ప్రయోగాలు:

కాగా ఈ ఏడాది జనవరి నుంచి ఈ రోబోట్లను ల్యాబ్‌లలో పరీక్షించిన అమెజాన్ స్కౌట్స్ ఇప్పుడు వాటిని వీధుల్లో నడిపిస్తూ వాటితో ప్యాకేజీలను డెలివరీ చేయిస్తున్నారు. ఈ రోబోట్లను Amazon's Seattle labs డెవలప్ చేసింది. ఈ ఏడాది జనవరి నుంచి ఈ రోబోట్ల మీద అనేక ప్రయోగాలు జరుగుతన్నాయి. ఈ రోబోట్లు అన్ని రకాల ఉత్పత్తులను డెలివరీ చేసే విధంగా ప్లాన్ చేస్తున్నారు. ఈ ప్రాజెక్ట్ విజయవంతమయితే అన్ని దేశాలకు విస్తరించే అవకాశం ఉంది.

రోబోకు 6 చక్రాలు:

స్కౌట్స్ రోబోను వాషింగ్టన్ లోని స్నోహోమిష్‌ కంట్రీలో ప్రయోగాత్మకంగా పరీక్షించారు. లేత నీలం రంగులో బాక్సు పరిమాణంలో ఉన్న ఈ రోబోకు 6 చక్రాలు అమర్చారు. ఇరుకువీధుల్లో, కాలిబాటలో సులభంగా తిరగగలిగేలా వీటిని రూపొందించారు. ప్రస్తుతం ఈ రోబో వెంట ఓ ఉద్యోగిని పంపుతూ దాని పనితీరును విశ్లేషిస్తున్నామని అమెజాన్ కంపెనీ ప్రతినిధి తెలిపారు. తమ చుట్టుపక్కల ఉండే మనుషులు, జంతువులను గమనిస్తూ జాగ్రత్తగా ముందుకు సాగేలా ఈ యంత్రాన్ని అభివృద్ధి చేశామన్నారు.