ఈ యాప్ లతో జాగ్రత్త!! వెంటనే డెలిట్ చేయండి....

అయితే మీరు వీటిలో దేనినైనా పొరపాటున డౌన్‌లోడ్ చేసి ఉంటే కనుక వాటిని వెంటనే మీ యొక్క ఆండ్రాయిడ్ మొబైల్ నుండి అన్‌ఇన్‌స్టాల్ చేయండి. బ్రిటిష్ సైబర్‌ సెక్యూరిటీ సంస్థ గుర్తించిన 15 హానికరమైన యాప్ వివరాలు తెలుసుకోవడానికి మరింత ముందుకు చదవండి.

హానికరమైన ఈ 15యాప్ లలో ఎక్కువ భాగం ‘ఇమేజ్ ఎడిటర్', ‘బ్యాక్‌గ్రౌండ్ కటౌట్', ‘ఆటోకట్ ఫోటో' మరియు ‘ఆటోకట్ పిక్చర్' వంటి పేర్లతో గల ఫోటో ఎడిటింగ్ యాప్‌లు ఎక్కువగా కనిపిస్తాయి. కొన్ని మొబైల్‌లో స్కానింగ్ ఫంక్షన్‌ను అందిస్తున్నాయి. మీకు సంబంధించినంతవరకు ఈ పనికిరాని రోగ్ యాప్ లు ఏమైనా ఉన్నాయా అని మీ మొబైల్‌లో ఒకసారి తనిఖీ చేయండి. ఒక వేళ మీరు వీటిని పొరపాటున డౌన్లోడ్ చేసి ఉంటే కనుక వెంటనే వాటిని అన్‌ఇన్‌స్టాల్ చేయండి. ఆసక్తికరమైన విషయం ఏమిటంటే ఈ 15 యాప్ లు 2019 జనవరి మరియు జూలై మధ్య కనిపించాయి. మొత్తం మీద వీటిని ఇప్పటికే 1.3 మిలియన్ మంది డౌన్‌లోడ్ చేసుకున్నారు..

తొలగించిన15 యాప్ లు

ఇమేజ్ మ్యాజిక్,జనరేట్ Elves, సేవ్‌ఎక్సపెన్స్, క్యూఆర్ ఆర్టిఫ్యాక్ట్, ఫైండ్ యువర్ ఫోన్‌, స్కావెంజర్ స్పీడ్, ఆటో కటౌట్ ప్రో, రీడ్ క్యూఆర్ కోడ్, ఫ్లాష్ ఆన్ కాల్స్ & మెసేజ్, ఫోటో బ్యాక్ గ్రౌండ్, ఇమేజ్‌ప్రాసెసింగ్, బ్యాక్ గ్రౌండ్ కటౌట్, బ్యాక్ గ్రౌండ్ కటౌట్ (హాల్టర్‌మోర్ అభివృద్ధి చేసింది), ఆటో కట్ అవుట్ మరియు ఆటో కట్ అవుట్ 2019 మొదలైనవి ఉన్నాయి.

పరిశోధనా బృందం గుర్తించినట్లు ఈ యాప్ ల నుండి వచ్చే ప్రమాదం అవి అంత తేలికగా చూపించవు. సాధారణంగా గేర్ ఆకారంలో ఉన్న సెట్టింగుల చిహ్నాన్ని నొక్కండి. తరువాత యాప్ లు & నోటిఫికేషన్ల పేజీకి వెళ్లడం మీకు ఉత్తమ మార్గం. మీ ఫోన్‌లో ఇటీవల ఉపయోగించిన యాప్ ల విభాగంలో పైన పేర్కొన్న 15 యాప్ లలో దేనినైనా మీరు కనుగొంటే కనుక వెంటనే దానిని క్లోజ్ చేసి ఆపై వెంటనే వాటిని అన్‌ఇన్‌స్టాల్ చేయండి. ఈ హానికరమైన యాప్ లలో కొన్ని మీ ప్రైవేట్ డేటాను నేరుగా దొంగలించగలవు.

ఆండ్రాయిడ్ ఫోన్ వినియోగదారులు ఏవైనా యాప్ లు ఉచితంగా లభిస్తున్నాయని వాటిని డౌన్‌లోడ్ చేయకూడదు. యాప్ ను అభివృద్ధి చేయడానికి ఎక్కువగా ఖర్చు చేసి ఉంటారు అది మీకు ఖచ్చితంగా ఉచితంగా ఇవ్వరు. యాప్ లలో ప్రకటనలు ఉంటాయి ఈ ప్రకటనలు చాలా
ఖరీదైనవి మరియు ప్రమాదకరమైనవి. కొంతమంది ప్రకటనదారులు వారి ప్రకటనలలో హానికరమైన కంటెంట్‌ను ప్రయోగిస్తారు. ఇది మీ మొబైల్‌ను త్వరగా యాక్సిస్ చేయగల సామర్థ్యాన్ని కలిగి ఉంటుంది. మీరు మీ మొబైల్‌లో పొరపాటున బ్యాంకింగ్ కు సంబందించిన సమాచారం వంటి వ్యక్తిగత డేటాను ఉంచినట్లయితే ఇటువంటి యాప్ లను డౌన్‌లోడ్ చేసుకొనేటప్పుడు చాలా జాగ్రత్తగా ఉండాలి.