రాందేవ్ బాబా కింభో యాప్ చాలా డేంజర్,హెచ్చరిస్తున్న నిపుణులు !

గూగుల్‌, ఆపిల్‌లు..

ఎందుకు కింబో యాప్‌ను గూగుల్‌, ఆపిల్‌లు తమ సంబంధిత స్టోర్లలో డిలీట్‌ చేశాయో స్పష్టమైన కారణం తెలియడం లేదు. కానీ డెవలపర్లు మాత్రం ఈ యాప్‌ చాలా ప్రమాదకరమని, బగ్స్‌ ఉన్నట్టు చెబుతున్నారు.

స్వదేశీ యాప్‌, పాకిస్తానీ నటి ఫోటోను ప్రమోషన్‌

కాగా ఒక ట్విటర్‌ యూజర్‌, కింబో యాప్‌కు సంబంధించిన కొన్ని స్క్రీన్‌ షాట్లను షేర్‌ చేశాడు. దానిలో స్వదేశీ యాప్‌, పాకిస్తానీ నటి ఫోటోను ప్రమోషన్‌ కూడా వాడుతుందని, భారతీయుల కోసం రూపొందించిన ఈ స్వదేశీ యాప్‌లో పాకిస్తానీ నటి ఫోటో కనిపించడం ఏమిటని యూజర్లు ప్రశ్నిస్తున్నారు.

సెక్యురిటీ పరంగా ఈ యాప్‌లో పలు లోపాలు

ఇక ఆధార్‌ సెక్యురిటీ పరంగా ఈ యాప్‌లో పలు లోపాలున్నాయని ద ఫ్రెంచ్‌ సెక్యురిటీ రీసెర్చర్‌ ఇలియట్‌ ఆండర్సన్‌ అన్నారు. ఈ యాప్‌ చాలా బగ్స్‌తో కూడుకుని ఉందని, యూజర్లు ఈ యాప్‌ వాడుతూ పంపించుకున్న మెసేజ్‌లన్నీ తాను యాక్సస్‌ చేయగలుగుతున్నానని పేర్కొన్నారు.

పతంజలి కమ్యూనికేషన్స్‌ కూడా

పతంజలి కమ్యూనికేషన్స్‌ కూడా ఈ బగ్స్‌ను ఫిక్స్‌ చేయడంతోనే కింబో యాప్‌ను డిలీట్‌ చేసినట్టు పేర్కొన్నారు. ఈ యాప్‌ మొత్తం ఒక జోక్‌గా అభివర్ణించారు.

కింబోయాప్‌ పెద్ద జోక్‌..

కింబో ఆండ్రాయిడ్‌ యాప్‌ అనేది భద్రతా విపత్తు. యూజర్ల మెసేజ్‌లన్నీ నేను యాక్సస్‌ చేయగలను. ఈ కింబోయాప్‌ పెద్ద జోక్‌. ఈ సమయంలో దీన్ని ఇన్‌స్టాల్‌ చేసుకోకుండా ఉంటేనే మేలని ఇలియట్‌ ట్వీట్‌ చేశారు.

బోలో మెసెంజర్‌ను కాఫీ చేసిందనే..

దీంతో పాటు ఇది బోలో మెసెంజర్‌ను కాఫీ చేసిందనే ఆరోపణలతో కూడా కింబోను ప్లేస్టోర్‌, ఐఓఎస్‌ యాప్‌ స్టోర్‌ నుంచి డిలీట్‌ చేసినట్టు తెలుస్తోంది. కింబోయాప్‌ మరో అప్లికేషన్‌ కాపీ పేస్టని, వీటి స్క్రీన్‌షాట్లు, వివరాలు అన్నీ సమానంగా ఉన్నాయని ఇలియట్‌తో పాటు మరో ట్విటర్‌ యూజర్‌ కూడా ట్వీట్ చేశాడు.