ఫేస్‌బుక్‌కి బానిస అయినవారికి అదిరిపోయే శుభవార్త

యాక్టివేట్ ఎలా

ఈ ఫీచర్‌ను యూజర్లు ఫేస్‌బుక్ యాప్‌లోకి వెళ్లి మోర్ ట్యాబ్‌లో ఉండే సెట్టింగ్స్ అండ్ ప్రైవసీ విభాగంలో పొందవచ్చు. అక్కడే యువర్ టైం ఆన్ ఫేస్‌బుక్ అనే ఆప్షన్ కనిపిస్తుంది. దాన్ని ఎంచుకుంటే పైన చెప్పిన విధంగా ఈ ఫీచర్‌ను ఉపయోగించుకోవచ్చు.

నిర్ణీత సమయం

ఫేస్‌బుక్‌లో నిర్ణీత సమయం మాత్రమే గడపాలని కోరుకునే వారు అందుకు అనుగుణంగా ఈ ఫీచర్ సహాయంతో ఫేస్‌బుక్ యాప్‌లో రిమైండర్ సెట్ చేసుకోవచ్చు. దీంతో నిర్దేశిత సమయం ఫేస్‌బుక్‌లో గడపగానే యూజర్‌కు వెంటనే అలర్ట్ వస్తుంది. దాంతో ఫేస్‌బుక్‌ను వాడడం ఆపేయవచ్చు.

గడిపిన సమయాన్ని

ఇందులో రోజూవారీగా మీరు గడిపిన సమయాన్ని ఇందులో చూసుకోవచ్చు. నిర్ణీత సమయానికి అలర్ట్‌ పెట్టుకొని ఫేస్‌బుక్‌లో మీరు గడిపే సమయాన్ని కంట్రోల్‌ చేసుకోవచ్చు. నిర్ణీత పరిమితి తర్వాత నోటిఫికేషన్లను నిలిపివేసేలా సెట్టింగ్స్‌ను ఏర్పాటు చేశారు.

ఎంతవరకు ఉపయోగకరం

అయితే ఇది ఎంతవరకు ఉపయోగకరం అన్న వాదన కూడా తెరపైకి వస్తోంది. చిన్న నోటిఫికేషన్‌ వస్తే అది తెరిస్తే ఆ సమయాన్ని కూడా ఫేస్‌బుక్‌ గణిస్తుందనీ, ఈ క్రమంలో క్వాలిటీగా గడిపిన సమయాన్ని ఎలా గణిస్తారని టెక్‌ నిపుణులు ప్రశ్నిస్తున్నారు.

ఏయే విషయాలను చూస్తున్నామో..

అయితే ఫేస్‌బుక్‌లో నిత్యం ఎన్ని గంటల పాటు గడుపుతున్నామో తెలుసుకునేందుకు ఆ సంస్థ ఈ ఫీచర్‌ను ప్రవేశపెట్టింది కానీ.. ఫేస్‌బుక్‌లో మనం ఎక్కువగా ఏయే విషయాలను చూస్తున్నామో తెలిపేందుకు మాత్రం ఈ ఫీచర్ ఉపయోగపడదు. అయితే త్వరలోనే ఈ ఫీచర్‌లో ఆ సదుపాయాన్ని కూడా ఫేస్‌బుక్ అందించవచ్చని తెలిసింది.