భారీగా ఛార్జీల బాదుడు షురూ చేసిన వాట్సప్

బిజినెస్ వాడే వారికి..

పర్సనల్ యూజర్లు కాకుండా బిజినెస్ వాడే వారికి ఈ ఛార్జీలు ప్రస్తుతానికి విధిస్తున్నట్లు తెలుస్తోంది. అయితే ముందు ముందు యూజర్లకు కూడా ఛార్జీలు విధించే అవకాశం ఉన్నట్లు సమాచారం. దీనిపై వాట్సప్ ఇంకా ఎటువంటి ప్రకటనా చేయలేదు.

మెసేజ్‌లు పంపే వారి నుంచి ..

కాగా మార్కెటింగ్‌, కస్టమర్‌ సర్వీసు మెసేజ్‌లు పంపే వారి నుంచి ఇక ఛార్జీలు వసూలు చేయాలని ఫేస్‌బుక్‌కు చెందిన వాట్సప్‌ నిర్ణయించిందని తెలిసింది. 

రెవెన్యూ వృద్ధి లేకపోవడంతో..

యూసేజ్‌ తగ్గిపోవడం, రెవెన్యూ వృద్ధి లేకపోవడంతో, ఈ ఛార్జీలను విధిస్తున్నట్టు వాట్సప్‌ ప్రకటించింది.

మెసేజ్‌ డెలివరీ

పంపించిన మెసేజ్‌ డెలివరీ అయినట్టు తెలిసిన తర్వాత వెంటనే ఒక్కో మెసేజ్‌కు 0.5 సెంట్ల నుంచి 9 సెంట్ల వరకు ఛార్జీలు వసూలు చేస్తామని వాట్సాప్‌ తెలిపింది. దీంతో వాట్సప్‌ బిజినెస్‌ యూజర్లలో ఆందోళన నెలకొంది.

మన దేశంలో ఈ ఛార్జీలు..

దీని ప్రకారం మన దేశంలో ఈ ఛార్జీలు 34.16 పైసల నుంచి రూ.6.15 వరకు ఉంటాయి. ఆసక్తికర అంశం ఏంటంటే వాట్సప్‌ ప్రస్తుతం విధించబోతున్న ఈ ఛార్జీలు ఎస్‌ఎంఎస్‌ రేట్ల కంటే ఎక్కువగా ఉన్నాయి.

1 .5 బిలియన్‌ యూజర్లు

వాట్సప్‌కు మొత్తం 1 .5 బిలియన్‌ యూజర్లున్నారు. బిజినెస్‌లు చేసే వారు నోటిఫికేషన్లను పంపడానికి వాట్సప్‌ బిజినెస్‌ ఏపీఐను వాడుతున్నారు.

జనవరిలోనే ..

వాట్సప్‌ ఈ జనవరిలోనే చిన్న వ్యాపార అకౌంట్ల కోసం ఈ వాట్సప్‌ బిజినెస్‌ అప్లికేషన్‌ను తీసుకొచ్చింది. దీనిలో 30 లక్షల మందికి పైగా యాక్టివ్‌ యూజర్లున్నారు.

వాట్సప్‌ బిజినెస్‌ అప్లికేషన్‌

ఆ సమయంలోనే వాట్సప్‌ బిజినెస్‌ అప్లికేషన్‌ నుంచి ఛార్జీలు వసూలు చేసే ఉద్దేశ్యం ఉందని చీఫ్‌ ఆపరేటింగ్‌ ఆఫీసర్‌ మ్యాట్‌ ఐడెమా తెలిపారు.