డేటా సేవ్ చేసే LinkedIn లైట్ యాప్ !
లింక్డ్ ఇన్ లైట్ మొబైల్ యాప్ను లాంచ్ చేసిన ప్రొఫెషనల్ నెట్వర్కింగ్ ప్లాట్ఫామ్
ఫేస్బుక్, ట్విటర్ ఇప్పుడు లింక్డ్ఇన్. మైక్రోసాప్ట్ కంపెనీకి చెందిన ప్రొఫెషనల్ నెట్వర్కింగ్ ప్లాట్ఫామ్ లింక్డ్ఇన్ లైట్ మొబైల్ యాప్ను లాంచ్ చేసింది. ఎక్కువ మంది వినియోగదారులకు చేరాలనే ఉద్దేశ్యంతో మొదటిసారిగా ఇండియాలోని కస్టమర్లకే ఈ యాప్ను అందుబాటులోకి తెచ్చింది. మొబైల్లో లింక్డ్ఇన్ వాడుతున్నప్పుడు డేటాతో ఎదురయ్యే సమస్యల్ని ఎదుర్కొవడానికి ఈ లైట్ వెర్షన్ ఉపయోగపడుతుంది.

ట్విటర్, ఫేస్బుక్ తర్వాత ఆండ్రాయిడ్ ఫోన్ల కోసం లింక్డ్ఇన్ లైట్ యాప్ను రిలీజ్ చేసిన మూడో కంపెనీ ఇది . అయితే లింక్డ్ఇన్ రెడీ చేసిన లింక్డ్ఇన్ లైట్ 1ఎంబీ కన్నా తక్కువ సైజులో ఉంటుంది. త్వరలోనే ఈ యాప్ను 60దేశాల్లో రిలీజ్ చేసేందుకు సంస్థ ప్రయత్నలు చేస్తోంది. స్లో కనెక్టివీటి ఉన్న ఆండ్రాయిడ్ ఫోన్లకు కూడా లింక్డ్ ఇన్ లైట్ వెర్షన్ ఎంతగానో ఉపయోగపడుతుంది. ఈ లైట్ వెర్షన్ 80శాతం డేటాను వాడటాన్ని తగ్గిస్తుంది. అంతే కాదు 5సెకన్లలోపే పేజీలను లోడ్ చేస్తుంది.

ఈ యాప్ గూగుల్ ప్లే స్టోర్ నుంచి ఫ్రీగా డౌన్లోడ్ చేసుకోవచ్చు. ఎలాంటి ఆప్షన్లు వాడాలో తెలిపేందుకు ఎక్కువ సమయం తీసుకోకపోవడం ఈ యాప్ ప్రత్యేకత. ఫస్ట్ టైం యాప్ ఓపెన్ చేయగానే కొన్ని వివరాలు నింపాల్సి ఉంటుంది. కానీ ఈ యాప్ హోం పేజీ చాలా ఈజీగా ఉంటుందని లింక్డ్ఇన్ లైట్ తెలిపింది. ఇక జాబ్స్ , ఆపర్చునిటీస్ , నెట్వర్క్, ప్రొఫైల్ వివరాలు పేజీకి చివర్లో ఉంటాయి. అంతేకాదు నెట్వర్క్లోకి వెళ్లితే కనెక్షన్, పెండింగ్ ఇన్విటేషన్స్ వంటి సూచనలు కూడా ఉంటాయి.


Click it and Unblock the Notifications








