వాట్సాప్ ఛానెళ్లలో కొత్త ఫీచర్లు! ఎలా పనిచేస్తాయి, తెలుసుకోండి

వాట్సాప్ మాతృ సంస్థ మెటా తన వాట్సాప్ ఛానెల్ లల్లో కొత్త ఫీచర్లను లాంచ్ చేసింది. మెటా వ్యవస్థాపకుడు మరియు CEO అయిన మార్క్ జుకర్‌బర్గ్ ఈ వాట్సాప్ ఛానెల్‌ల కోసం కొత్త ఫీచర్ల వరుసగా పరిచయం చేశారు. ఈ అప్‌డేట్‌లలో పోల్‌లు, వాయిస్ అప్‌డేట్‌లు, స్టేటస్‌ను షేర్ చేయగల సామర్థ్యం మరియు బహుళ అడ్మిన్‌ల జోడింపు వంటి ఫీచర్లు ఉంటాయి.

వాయిస్ అప్‌డేట్‌లు మరియు పోల్స్ ఫీచర్ వివరాలు
ప్రముఖంగా గుర్తించదగిన కొత్త ఫీచర్లలో ఈ వాయిస్ అప్‌డేట్‌ ఫీచర్ ఉంది, ఇది వాయిస్ సందేశాల ద్వారా అప్‌డేట్‌లను పంచుకోవడానికి వినియోగదారులను అనుమతించే ప్రసిద్ధ ఫీచర్. వాట్సాప్‌లో ప్రతిరోజూ ఏడు బిలియన్ వాయిస్ సందేశాలు పంపబడుతున్నాయి.

ఈ ఫీచర్ ఇప్పుడు ఛానెల్‌లకు విస్తరించబడింది. అదనంగా, ఛానెల్‌లు ఇప్పుడు పోల్‌లతో వినియోగదారులను యాక్టీవ్ గా ఉంచగలవు. ఇది వ్యక్తులు తమ అభిప్రాయాలను పంచుకోవడానికి ఒక ఇంటరాక్టివ్ మార్గాన్ని అందిస్తుంది.

మెరుగైన అడ్మిన్ సామర్థ్యాలను ప్రవేశపెట్టారు
ఈ అప్‌డేట్ ఛానెల్‌ల నిర్వహణకు పెరిగిన కార్యాచరణను కూడా అందిస్తుంది. ఇప్పుడు, గరిష్టంగా 16 మంది నిర్వాహకులు లేదా అడ్మిన్ లు ఇప్పుడు ఈ ఛానెల్‌ లని నిర్వహించగలరు, మెరుగైన సమన్వయాన్ని సులభతరం చేయగలరు మరియు వినియోగదారులకు తాజా అప్‌డేట్‌లతో సమాచారం అందించగలరు.

విభిన్న శ్రేణి ఛానెల్‌ల ఆప్షన్ లు ఉంటాయి
వాట్సాప్ ఛానెల్‌లు ఇప్పటికే విభిన్నమైన కంటెంట్‌ను కలిగి ఉన్నాయి. వినియోగదారులు అనుసరించడానికి వేలాది ఛానెల్‌లు కూడా అందుబాటులో ఉన్నాయి. ముంబై ఇండియన్స్ వంటి స్పోర్ట్స్ టీమ్‌ల నుండి రామ్ చరణ్ మరియు కత్రినా కైఫ్ వంటి వినోద ప్రముఖుల వరకు మరియు మాస్టర్ యువర్ మనీ లేదా నేషనల్ జియోగ్రాఫిక్ వంటి ఇన్ఫర్మేటివ్ ఛానెల్‌లు కూడా ఉన్నాయి. వివిధ రకాల వినియోగదారులకు తగినట్లుగా వారి ఆసక్తులకు అనుగుణంగా కంటెంట్ యొక్క విస్తృత శ్రేణిలో అందిస్తుంది.

ప్రధాన యాప్‌లో ప్రైవేట్ అప్‌డేట్‌లు
వ్యక్తులు మరియు సంస్థల నుండి ముఖ్యమైన అప్‌డేట్‌లను స్వీకరించడానికి వినియోగదారులకు ఈ వాట్సాప్ ఛానెల్‌లు ప్రైవేట్ మార్గంగా పనిచేస్తాయి. ఈ అప్‌డేట్‌లు ప్రైవేట్ చాట్‌ల నుండి వేరుగా ఉంటాయి. వినియోగదారులు ప్రధాన వాట్సాప్ యాప్‌లోనే తాజా సమాచారంతో కనెక్ట్ అయ్యేందుకు ఉత్తమ మార్గాన్ని అందిస్తాయి.

ఇటీవలే, మెటా యాజమాన్యంలోని వాట్సాప్ iOS మరియు ఆండ్రాయిడ్ పరికరాలలో కొత్తగా పిన్ చేయబడిన మెసెజ్ ఫీచర్‌ను కూడా విడుదల చేస్తోంది. ఇది వినియోగదారులు వ్యక్తిగత లేదా గ్రూప్ చాట్ మెసెజ్ లను పిన్ చేయడానికి అనుమతిస్తుంది.

వాట్సాప్ ఒక గ్రూప్ లో లేదా వ్యక్తిగత సంభాషణలో మెసెజ్ లను పిన్ చేయడానికి వినియోగదారులను అనుమతిస్తుంది. అందువల్ల, వినియోగదారులకు సమయం చాలా ఆదా అవుతుంది. అయితే, ఇతర మెసేజింగ్ యాప్‌ల మాదిరిగా కాకుండా, వాట్సాప్‌లో మెసెజ్ లను గరిష్టంగా 30 రోజులు మాత్రమే పిన్ చేయవచ్చు, డిఫాల్ట్ ఎంపిక 7 రోజులు మరియు పిన్ చేయడానికి కనీస వ్యవధి 24 గంటలు ఉంటుంది.

WhatsApp లో మెసెజ్ లు పిన్ చేయడం ఎలా?
టెక్స్ట్, పోల్స్, ఎమోజి మరియు మిగిలిన వాటితో సహా సంభాషణలో ఏ రకమైన సందేశాన్ని అయినా వినియోగదారులు పిన్ చేయవచ్చని మెసేజింగ్ ప్లాట్‌ఫారమ్ స్పష్టం చేసింది. మెనూలోకి వెళ్లి, 'పిన్'పై క్లిక్ చేసి, పిన్ చేసిన మెసెజ్ వ్యవధిని ఎంచుకోవడం ద్వారా సందేశాన్ని పిన్ చేయవచ్చు.