కాల్ క్వాలిటీ చెక్ చేసకునేందుకు మైకాల్ యాప్

మొబైల్ యూజర్లు తమ కాల్ క్వాలిటీని చెక్ చేసుకునేందుకు గాను టెలికం రెగ్యులేటరీ అధారిటీ ఆఫ్ ఇండియా (ట్రాయ్), త్వరలో సరికొత్త యాప్‌ను అందుబాటులోకి తీసుకురాబోతోంది.

MyCall App పేరుతో విడుదల కాబోతోన్న ఈ అప్లికేషన్ ద్వారా మొబైల్ యూజర్లు తమ నెట్‌వర్క్ ఇస్తున్న కాల్ క్వాలిటీ పై రేటింగ్‌ను ఇచ్చే అవకాశం ఉంటుంది. మే నెలాఖరు నాటికి ఈ యాప్‌ను అందుబాటులోకి తీసుకురాబోతోన్నట్లు ట్రాయ్ చైర్మన్ ఆర్ఎస్ శర్మ తెలిపారు.

ట్రాయ్ అంచనాల ప్రకారం భారత్ లో దాదాపు 1.2 బిలియన్ మొబైల్ యూజర్లు ఉన్నారు. వీరిలో సగం మందైనా ఈ యాప్ ను ఉపయోగించుకున్నట్లయితే నెట్ వర్క్ పనితీరుకు సంబంధించి కస్టమర్స్ నుంచి స్పష్టమైన ఫీడ్ బ్యాక్ వ్యక్తమయ్యే అవకాశముంటుందని ట్రాయ్ ఆశాభావం వ్యక్తం చేస్తోంది.