సరసమైన ధర వద్ద లాంగ్ టర్మ్ ప్లాన్‌లను అందిస్తున్న నెట్‌ఫ్లిక్స్

ప్రతి స్టూడియో మరియు ఎంటర్టైన్మెంట్ సంస్థలు వీడియో స్ట్రీమింగ్‌లో తమను తాము పై భాగాన్ని కోరుకుంటున్నందున ‘స్ట్రీమింగ్ వార్స్' ప్రారంభమైంది. పోటీని అధిగమించడానికి నెట్‌ఫ్లిక్స్ ఈ ఏడాది ప్రారంభం నుండి ఇండియాలో రూ.199 కు ఓన్లీ-మొబైల్ ప్లాన్‌ను అందించడం ప్రారంభించింది. ఇప్పుడు కొన్ని నివేదికల ప్రకారం స్ట్రీమింగ్ దిగ్గజం నెట్‌ఫ్లిక్స్ సాధారణ నెలవారీ ప్లాన్‌ల కంటే 50 శాతం తక్కువ ధర వద్ద దీర్ఘకాలిక ప్లాన్‌లను అందించడానికి చూస్తున్నది.

ఇండియా మార్కెట్లలో వీడియో స్ట్రీమింగ్ సర్వీస్ నెట్‌ఫ్లిక్స్ కోసం ప్రత్యేక గుర్తింపు ఉంది. ఈ సంస్థ 2016 లో మొదటిసారిగా ఇండియాలోకి ప్రవేశించింది. అప్పటినుంచి క్యారియర్లు అందించే చౌకైన మొబైల్ డేటా ప్లాన్‌ల కారణంగా ఇది అద్భుతమైన విజయాన్ని సాధించింది. అందువల్లనే ఎక్కువ మంది చందాదారులను సంపాదించడానికి తక్కువ ధరకు మొబైల్-మాత్రమే ప్రణాళికలను ప్రవేశపెట్టాలని కంపెనీ ఎంచుకుంది. అయినప్పటికీ నెట్‌ఫ్లిక్స్ ఇప్పటికీ అమెజాన్ యొక్క ప్రైమ్ సబ్‌స్క్రిప్షన్ సర్వీస్ కంటే ఇది వెనుకంజలో ఉంది. అమెజాన్ ప్రైమ్ అన్ని ఇతర సేవలు కలిసి సంవత్సరానికి 999 రూపాయల ధర వద్ద అందుబాటులో ఉంది.

వీడియో స్ట్రీమింగ్ సర్వీసులకు మార్కెట్ లో వున్న తీవ్రమైన పోటీ మరియు చందా ఫీజుల పెంపు కారణంగా ప్రపంచ స్థాయిలో నెట్‌ఫ్లిక్స్ తమ చందాదారులను అధిక మొత్తంలో కోల్పోతోంది. ఈ కారణాల కారణంగా స్ట్రీమింగ్ దిగ్గజం నెట్‌ఫ్లిక్స్ వీడియో స్ట్రీమింగ్ సర్వీసులలో చాలా బాగా అభివృద్ధి చెందుతున్న ఇండియా మార్కెట్లో ఇప్పుడు మరింత సరసమైన దీర్ఘకాలిక ప్లాన్‌లను పరీక్షిస్తున్నారు. ప్రస్తుతానికి ఈ దీర్ఘకాలిక ప్లాన్‌లు పరీక్షా దశలో ఉన్నందున క్రొత్తవారికి మరియు తిరిగి పొందాలనుకునే చందాదారులకు మాత్రమే అందుబాటులో ఉన్నాయి.

నెట్‌ఫ్లిక్స్ ఇండియాలో అందించే దీర్ఘకాలిక ప్లాన్‌ల ధరల వివరాలు

1. 3 నెలలకు - Rs 1,919
2. 6 నెలలకు - Rs 3,359
3. 12 నెలలకు - Rs 4,799