రేపటి నుంచి రోజూ మారే పెట్రోల్ ధరలను ఈ యాప్ ద్వారా తెలుసుకోండి

కొత్త ధరల విధానం అమల్లోకి రాబోతోన్న నేపథ్యంలో రేపటి నుంచి పెట్రోల్ ధరలు రోజుకో విధంగా ఉండబోతున్నాయి. ఈ నేపథ్యంలో రోజుకోసారి మారిపోయే పెట్రోల్ ధరలను ఎప్పటికప్పుడు చెక్ చేసుకునే విధంగా ఇండియన్ ఆయిల్ కార్పొరేషన్ లిమిటెడ్ (ఐవోసీఎల్), Fuel@IOC పేరుతో సరికొత్త మొబైల్ యాప్‌ను విడుదల చేసింది.

పెట్రోల్ ధరల గురించిన రోజువారీ అప్‌డేట్‌లను ఈ యాప్ ద్వారా తెలుసుకునే వీలుంటుంది. ఆండ్రాయిడ్ స్మార్ట్‌ఫోన్ యూజర్లు ఈ యాప్‌ను గూగుల్ ప్లే స్టోర్ నుంచి తీసుకువచ్చు. యాపిల్ ఐఫోన్ యూజర్లు ఐట్యూన్స్ స్టోర్ ద్వారా యాప్‌ను పొందవచ్చు.

ఇండియన్ ఆయిల్ కార్పొరేషన్ లిమిటెడ్ అఫీషియల్ వెబ్‌సైట్‌లో కూడా ఈ ధరలు ఎప్పటికప్పుడు అప్‌డేట్ అవుతుంటాయి. ఒకవేళ ఎస్ఎంఎస్ ద్వారా పెట్రోల్ ధరలను తెలుసుకోవాలను కుంటున్నట్లయితే RSP అని టైప్ కొద్దిగా స్పేస్ ఇచ్చి మీ డీలర్‌కోడ్‌ను ఎంటర్ చేసి 92249-92249కు ఎస్ఎంఎస్ చేయండి. రిప్లై రూపంలో మీకు పెట్రోల్ ధర పంపబడుతుంది.