వాట్సప్‌లో మరో కొత్త ఫీచర్, ఐఫోన్ యూజర్లకు మాత్రమే !

వీడియో ప్లే..

గతంలో ఓ కన్వర్జేషన్‌లో భాగంగా యూట్యూబ్ లింకు రిసీవ్ చేసుకున్నప్పుడు దానిపై క్లిక్ చేస్తే.. అది యూట్యూబ్ పేజ్‌లోకి వెళ్లేది. కానీ ఇప్పుడీ కొత్త ఫీచర్‌తో అక్కడే వీడియో ప్లే అవుతుంది.

చాట్ నుంచి మరో చాట్‌లోకి వెళ్లినా..

అంతేకాదు మీరు ఓ చాట్ నుంచి మరో చాట్‌లోకి వెళ్లినా.. వీడియో ప్లే అవుతూనే ఉంటుంది. వాట్సప్ వీ2.17.81 అప్‌డేట్‌లో ఈ కొత్త ఫీచర్లు యాడ్ చేశారు. ఈ అప్‌డేట్‌ను తొలిసారి వాబీటాఇన్ఫో గుర్తించింది.

వాయిస్ రికార్డు చేయాలనుకున్నా

ఇక వాయిస్ రికార్డు చేయాలనుకున్నా కూడా ఆ బటన్ ప్రెస్ చేసి పట్టుకోవాల్సిన అవసరం లేకుండా లాక్ రికార్డింగ్ ఆప్షన్ తీసుకొచ్చారు. దానిపై స్వైప్ చేసి వాయిస్ మెసేజ్‌ను రికార్డు చేయొచ్చు. దీనివల్ల పెద్ద పెద్ద వాయిస్ మెసేజ్‌లను ఈజీగా రికార్డు చేసే అవకాశం యూజర్లకు కలుగుతుంది.

రెండు ఫీచర్లతో పాటు మరో అద్భుతమైన ఫీచర్‌..

ఈ రెండు ఫీచర్లతో పాటు మరో అద్భుతమైన ఫీచర్‌ను తీసుకురావడానికి వాట్సప్ ప్రయత్నిస్తున్నది. అదేంటంటే.. ఓ వాయిస్ కాల్ చేస్తున్న సమయంలో అందులో మాట్లాడుకుంటూనే వీడియో కాల్‌కు మారిపోయే అవకాశం ఉంటుంది. అయితే అవతలి వ్యక్తి వద్దనుకుంటే ఈ వీడియో కాల్‌ను రిజక్ట్ చేయొచ్చు.

ఆండ్రాయిడ్ యూజర్లకు..

ఆండ్రాయిడ్ యూజర్లకు ఈ ఫీచర్ అందుబాటులోకి తెచ్చేందుకు వాట్సప్ ప్రయత్నిస్తున్నది.