ప్రమాదంలో 800 యాప్స్..

గూగుల్ ప్లే స్టోర్‌లో 'Xavier'అనే ప్రమాదక మాల్వేర్‌ను గుర్తించినట్లు గ్లోబల్ సెక్యూరిటీ సంస్థ ట్రెండ్ మైక్రో తెలిపింది. ప్లే స్టోర్‌లో లభిస్తోన్న 800కే పైగా యాప్‌లలో ఈ ట్రోజాన్ ఆండ్రాయిడ్ మాల్వేర్‌ను గుర్తించామని సదరు సెక్యూరిటీ సంస్థ చెబుతోంది.

యాప్ స్టోర్‌లో ఉచితంగా దొరుకుతోన్న ఫోటో ఎడిటింగ్, రింగ్‌టోన్ మేకింగ్, వాల్‌పేపర్ యాప్‌‌లలో ఈ మాల్వేర్ ముందుగానే ఇన్‌స్టాల్ అయి ఉందట. ఇప్పటికే ఈ యాప్‌లను లక్షల సంఖ్యలో యూజర్లు డౌన్‌లోడ్ చేసుకున్నారని తెలుస్తోంది.

ఈ మాల్వేర్ యూజర్ డేటాను చాలా సైలెంట్‌గా దొంగలించి string encryption, internet data encryption emulator detection పద్ధతుల్లో చాలా రహస్యంగా హ్యాకర్లకు చేరవేస్తోందట. మాల్వేర్ పసిగిట్టే గూగుల్ స్కాన్ సిస్టం కూడా ఈ మాలర్వేను డిటెక్ట్ చేయలేకపోవటం విశేషం. Xavier మాల్వేర్ మీ స్మార్ట్‌ఫోన్‌లోకి చొరబడకుండా ఉండాలంటే గుర్తుతెలియని యాప్స్‌కు దూరంగా ఉండటం మంచిది.