వాట్సప్‌కు పేటీఎమ్ దిమ్మతిరిగే షాక్..!

తన ప్లాట్‌ఫామ్‌కు కొత్త ఫీచర్‌ను

పేటీఎం తన ప్లాట్‌ఫామ్‌కు కొత్త ఫీచర్‌ను జోడించనుందని, దీని ద్వారా యూజర్లు చాట్‌ చేసుకోవచ్చని, అలాగే ఆడియో, వీడియో, ఫోటోలను షేర్‌ చేసుకోవచ్చని ఈ వ్యవహారంతో సంబంధమున్న కొందరు తెలియజేశారు.

ఈ నెల చివరినాటికి

సాఫ్ట్‌ బ్యాంక్‌, అలీబాబా మద్దతునందిస్తున్న ఈ ప్రముఖ డిజిటల్ చెల్లింపు సంస్థ ఈ నెల చివరినాటికి ఈ యాప్‌ను లాంచ్‌ చేయనుంది.

దేశ ప్రజలను ఆకర్షించే విధంగా

ఇప్పటికే ఆహారం నుంచి..విమాన టికెట్ల దాకా ప్రతీదాన్ని కొనుగోలు చేసేందుకు అవకాశం కల్పిస్తున్న పేటీఎం దేశ ప్రజలను ఆకర్షించే విధంగా దీన్ని రూపొందించిందట.

ఈ యాప్‌ ద్వారా

ముఖ్యంగా ఈ యాప్‌ ద్వారా సందేశాలు, ఫోటోలు,ఆడియో, వీడియోలు షేర్‌ చేసుకునే సౌలభ్యాన్ని కల్పించనుందని పేరు చెప్పడానికి ఇష్టపడని అధికారి ఒకరు వెల్లడించారు. అయితే ఈ వార్తలపై అటు పేటీఎం, ఇటు వాట్సాప్‌ స్పందించాల్సి ఉంది.

ప్రస్తుతం 22. 5 కోట్లకు

కాగా పేటీఎం ప్రస్తుతం 22. 5 కోట్లకు (225 మిలియన్లు) పైగా వినియోగదారులను కలిగి ఉంది. మరోవైపు అత్యంత ప్రజాదరణతో దూసుకుపోతున్న వాట్సాప్‌ రోజువారీ వినియోగదారుల సంఖ్య ఇటీవల వందకోట్లను దాటేసింది.