టాప్ బిజినెస్ పీపుల్ ఇన్‌స్టాల్ చేసుకున్న యాప్స్ ఇవే !

కాంటాక్చువల్లీ :

బిజినెస్ పీపుల్ కి అత్యంత కీలకమైనవి కాంటాక్ట్స్. మరి ఆ కాంటాక్ట్స్ ను అనేవి ఇప్పుడు పలు రూపాలుగా మారిపోయాయి. కొందరు ప్రత్యక్షంగా ఫోన్ నెంబర్ల రూపంలో ఉంటే, కొందరు సోషల్ నెట్ వర్క్ రూపంలో కాంటాక్ట్ లో ఉంటున్నారు. అయితే ఈ కాంటాక్చువల్లీ అటు కాల్ లాగ్స్, ఫోన్ కాంటాక్ట్స్, కాల్స్ అండ్ ఫాలో అప్స్, మెసేజింగ్ వంటి ఆప్షన్స్ తో పాటు ఫేస్ బుక్, మెయిల్ చింప్, ట్విట్టర్, జీమెయిల్, ఔట్ లుక్ లాంటి అనేక మార్గాలను ఒకే వేదికపైకి తెచ్చే వినూత్నమైన యాప్ ఇది. ముఖ్యంగా ఎప్పుడు ఏ సమయంలో ఎవరితో మాట్లాడాలి. మెసేజ్ పెట్టాలి అనే విషయంలో ఈ యాప్ అందించే రిమైండర్స్ చాలా కీలకమైనవి.

ఫీడ్లీ :

బిజినెస్ ప్రపంచంలోని లేటెస్ట్ హాపెనింగ్స్, ఇండస్ట్రీలలో మార్పులు, వ్యాపార ప్రపంచాన్ని ఎప్పటికప్పుడు అప్ డేటెడ్ గా ఉంచే యాప్ ఫీడ్లీ. ఈ యాప్ ప్రతీ ఒక్క వ్యాపారవేత్త స్మార్ట్ ఫోన్ లో ఫీడ్ చేసుకోవాల్సిన యాప్.

బిజినెస్ కార్డ్ రీడర్ :

బిజినెస్ ప్రపంచంలో పబ్లిక్ రిలేషన్స్ అనేవి అత్యంత కీలకం అందుకే ప్రతీ ఒక్కరు తమ హోదాను, పేరును విజిటింగ్ కార్డుతో పరిచయం చేసుకుంటారు. అయితే ఎక్కువ మొత్తంలో కార్డులను క్యారీ చేయడం కష్టం. అలాంటి సమయంలోనే బిజినెస్ కార్డ్ రీడర్ ఉపయోగపడుతుంది. కార్డును స్కాన్ చేసి సమాచారమంతా స్టోర్ చేసుకొని డేటాబేస్ లా పనిచేస్తుంది.

ట్రిపిట్ :

బిజినెస్ ప్రపంచంలో ట్రావెలింగ్ అనేది చాలా అవసరం. అయితే ట్రిపిట్ యాప్ ఒక రకంగా మీ ట్రావెల్ మేనేజర్, ఇందులో సమస్త ప్రయాణ సమాచారం దొరుకుతుంది. అంతేకాదు, కార్ రెంటల్స్, క్యాబ్ బుకింగ్, ఫ్లైట్ బుకింగ్స్, హోటల్ రూమ్స్ ఇలా సమస్త సమాచారాన్ని ఈ యాప్ అందిస్తుంది.

బేస్ కాంప్ :

మీరు ఒక వేళ పలు ప్రాజెక్టులకు మేనేజర్ గా వ్యవహరిస్తున్నారు అనుకుంటే అప్పుడు ఈ బేస్ కాంప్ యాప్ తప్పకుండా మీకు ఉపయోగపడుతుంది. ఈ యాప్ ద్వారా వేర్వేరు ప్రాజెక్టుల వివరాలను ఒకే దగ్గర స్టోర్ చేసుకొని మానిటర్ చేయవచ్చు. ప్రాజెక్టు ఎంత వరకూ వచ్చింది లేనిది ఇట్టే కనిపెట్టవచ్చు.

ఎక్స్ పెన్సిఫై :

మీ కంపెనీ ఆర్థిక నిర్వహణపై ఓ కన్నేసి ఉంచే యాప్ ఇది. దీని ద్వారా కంపెనీలో ఉద్యోగులు దుబారాగా చేసే ఖర్చులను అరికడుతుంది. అంతేకాదు ఉద్యోగుల సమయాన్ని వేస్ట్ చేయకుండా కాపాడటమే ఈ యాప్ ఉద్దేశ్యం.
పీ క్లౌడ్ :
మీ ఫైల్స్ డేటాను భద్ర పరిచే అద్భుతం పీ క్లౌడ్, ఈ యాప్ ద్వారా ఎలాంటి హాకింగ్ సమస్య దరిచేరకుండా మీ డేటాను భద్రపరుచుకోవచ్చు. ఈ యాప్ వాడకం కూడా చాలా సులభం.
ఫ్రెష్ బుక్స్ :
ఇది వన్ టైం అకౌంటింగ్ యాప్, కంపెనీ ఫైనాన్షియల్ పొజిషన్ ను ఎప్పటికప్పుడు తెలుసుకోవడంతో పాటు ఆడిటింగ్ చేసుకొనే వీలుంది.

ది స్ట్రీట్ :

ఇక బిజినెస్ పీపుల్ ఎక్కవగా ఇష్టపడే సబ్జెక్ట్ ఏదైనా ఉందంటే, అది ట్రేడింగ్ అనే చెప్పవచ్చు, అది ఈక్విటీ అయినా కావచ్చు. లేదా కమోడిటీస్, కరెన్సీ ఇలా ఏదైనా ట్రేడింగ్ ప్లాట్ ఫారం మీద బిజినెస్ పీపుల్ కన్నేసి ఉంచుతారు. మరి అలాంటి వారి కోసమే ది స్ట్రీట్ యాప్ ముందుకు వచ్చింది. ఈ యాప్ ద్వారా స్టాక్ మార్కెట్ సరళిని తెలుసుకోవచ్చు.
ఉబెర్ :
ఫైనల్ గా చివరిగా ఉబెర్.. ఇది బిజినెస్ పీపుల్ కి ఎలా ఉపయోగపడుతుంది అని ఆశ్చర్య పోవచ్చు. కానీ అయితే ఉబెర్ ఇప్పుడు సరికొత్త ఆప్షన్ తో ముందుకు వచ్చింది. అదే ఉబెర్ ఫర్ బిజినెస్ ఈ ఆప్షన్ ద్వారా పలు కంపెనీలు వారి ఎంప్లాయీస్ ట్రాన్స్ పోర్ట్ కోసం ఈ సేవలను వాడుకుంటున్నాయి.