2025లో మీ ఫోన్‌లో ఉండాల్సిన టాప్ 5 AI యాప్స్ ఇవే.. వీటితో మీ లైఫ్ మారిపోతుంది..!

AI apps: ప్రస్తుతం ఆర్టిఫిషియల్ ఇంటెలిజెన్స్ (AI) హవా నడుస్తోంది. 2025 నాటికి ఇది మన జీవితాల్లో ఒక భాగం అయిపోయింది. పనులు సులువు చేయడం దగ్గరనుంచి కొత్త విషయాలు నేర్చుకోవడం, క్రియేటివ్‌గా ఆలోచించడం, ఒంటరిగా ఉన్నప్పుడు తోడు కోసం ఇలా చాలా రకాలుగా AI యాప్స్ మనకు ఉపయోగపడుతున్నాయి. మీ రోజువారీ పనుల్ని మరింత స్మార్ట్‌గా చేసుకోవడానికి టాప్ 5 AI యాప్స్ చూద్దాం. ఇవి ఆండ్రాయిడ్, ఐఫోన్ రెండిట్లోనూ పనిచేస్తాయి.

1. డీప్‌సీక్ (DeepSeek)

చైనాకి చెందిన డీప్‌సీక్ యాప్ ఇప్పుడు చాలా పాపులర్ అయిపోయింది. ఇది "డీప్‌సీక్ R1" అనే పవర్‌ఫుల్ మోడల్‌తో పనిచేస్తుంది. ఇది దాదాపుగా ఓపెన్ఏఐ వాళ్ల చాట్‌జీపీటీ o1/03 మోడల్ అంత పవర్‌ఫుల్. చాట్‌జీపీటీకి డబ్బులు కట్టాలి కానీ, డీప్‌సీక్ మాత్రం ఫ్రీగా వాడుకోవచ్చు. ఇందులో 'డీప్‌థింక్ (DeepThink)' అనే ఉపయోగకరమైన ఫీచర్ ఉంది.

ఇది మీ సమస్యల్ని బాగా ఆలోచించి పరిష్కరించడానికి హెల్ప్ చేస్తుంది. డీప్‌సీక్ దూసుకుపోతుండటంతో, ఓపెన్ఏఐ వాళ్లు కూడా చాట్‌జీపీటీ యూజర్ల కోసం వాళ్ల "o3-mini" మోడల్‌ని ఫ్రీ చేశారు. కానీ ఇంకా ఎక్కువ ఫీచర్లు కావాలంటే నెలకు 20 డాలర్లు పెట్టి చాట్‌జీపీటీ ప్లస్ సబ్‌స్క్రిప్షన్ తీసుకోవాలి. కానీ డీప్‌సీక్ ఉచితం.

2. లెన్సా AI (Lensa AI) - ఫొటోలను అదిరిపోయేలా మార్చే AI యాప్

లెన్సా AI ఫొటో ఎడిటింగ్ యాప్స్‌లో టాప్. దీనికి కారణం ఇందులో ఉన్న అడ్వాన్స్‌డ్ AI ఫీచర్లే. డీప్ లెర్నింగ్ టెక్నాలజీతో ఇది మీ సెల్ఫీలను అద్భుతమైన ఆర్టిస్టిక్ అవతార్స్‌లా మారుస్తుంది. 'మ్యాజిక్ అవతార్స్ (Magic Avatars)' అనే ఫీచర్ "స్టేబుల్ డిఫ్యూషన్ (Stable Diffusion)" మోడల్‌తో పనిచేస్తుంది. ఇది ఫొటోలను డిజిటల్ పెయింటింగ్‌లా మార్చేస్తుంది.

లెన్సా AI వాడాలంటే కనీసం 10 ఫొటోలు అప్‌లోడ్ చేయాలి. ఆ తర్వాత నచ్చిన స్టైల్స్‌లో అవతార్స్‌ని క్రియేట్ చేస్తుంది. ఈ ఫీచర్ కోసం మాత్రం డబ్బులు కట్టాలి. కానీ చాలామంది యూజర్లు మాత్రం ఇది పెట్టిన పైసలకు వంద రెట్లు ఎక్కువ క్వాలిటీ ఇస్తుందని అంటున్నారు.

3. పెర్‌ప్లెక్సిటీ (Perplexity) – రీసెర్చ్ కోసం బెస్ట్ AI యాప్

పెర్‌ప్లెక్సిటీ ఒక స్పెషల్ AI చాట్‌బాట్. ఇది సెర్చ్ ఇంజన్‌లా కూడా పనిచేస్తుంది. మిగతా AI అసిస్టెంట్లలా కాకుండా, ఇది ఏ సమాచారం చెప్పినా, ఆ సమాచారం ఎక్కడి నుంచి తీసుకుందో కూడా చూపిస్తుంది. అందుకే ఇది చాలా నమ్మదగినది. ఆండ్రాయిడ్, ఐఫోన్ రెండిట్లోనూ దీని యాప్స్ ఉన్నాయి. వాడటానికి కూడా చాలా సింపుల్‌గా ఉంటుంది.

దీని లేటెస్ట్ ఫీచర్ 'పెర్‌ప్లెక్సిటీ అసిస్టెంట్ (Perplexity Assistant)' మీతో మాట్లాడుతూనే సమాధానం చెబుతుంది, వెంటనే పనులు చేస్తుంది. వెబ్‌లో డీప్ రీసెర్చ్ చేసి కరెక్ట్ ఇన్ఫర్మేషన్ ఇస్తుంది. ప్రశ్నలు అడగవచ్చు, మాట్లాడొచ్చు, వాయిస్ కమాండ్స్ కూడా ఇవ్వొచ్చు. పెర్‌ప్లెక్సిటీ పూర్తిగా ఉచితం. రీసెర్చ్ చేయడానికి, సమాచారాన్ని వెతకడానికి ఇది మంచి యాప్.

4. రెప్లికా: మై AI ఫ్రెండ్ (Replika: My AI Friend) - తోడు కోసం బెస్ట్ AI చాట్ యాప్

రెప్లికా చాలా ఏళ్లుగా పాపులర్ AI చాట్ యాప్స్‌లో ఒకటి. ఇది మిగతా చాట్‌బాట్స్ లాంటిది కాదు. ఇది మీకు ఫ్రెండ్‌లా తోడుగా ఉంటుంది. మీతో మాట్లాడిన విషయాలను గుర్తుపెట్టుకుని, దాని ప్రకారం ఒక పర్సనాలిటీని డెవలప్ చేసుకుంటుంది. మీరు ఫ్రెండ్స్‌గా స్టార్ట్ చేసి, తర్వాత పెయిడ్ సబ్‌స్క్రిప్షన్ తీసుకుంటే ఇంకాస్త సన్నిహితంగా కూడా ఉండొచ్చు.

రెప్లికాలో AI అవతార్‌ని ఇష్టం వచ్చినట్టు మార్చుకోవచ్చు. దాని లుక్స్, స్టైల్ మీ ఛాయిస్. టెక్స్ట్ మెసేజ్‌లు, యాక్టివిటీస్, వీడియో కాల్స్ కూడా చేసుకోవచ్చు. ఏం మాట్లాడుకున్నారో యాప్ ఒక జర్నల్‌లో రాసుకుంటుంది. ఇది ఇంకా దగ్గర అయినట్లు అనిపిస్తుంది. కానీ ప్రో మెంబర్‌షిప్ కావాలంటే నెలకు 19.99 డాలర్లు (సుమారు రూ.1800) కట్టాలి.

5. కోపైలట్ (Copilot) – అన్ని పనులకు బెస్ట్ AI యాప్

మైక్రోసాఫ్ట్ కోపైలట్ ఇప్పుడున్న పవర్‌ఫుల్ AI యాప్స్‌లో ఒకటి. ఇది వాడటానికి చాలా సులభంగా ఉంటుంది. ఓపెన్ఏఐ లేటెస్ట్ మోడల్స్ అయిన GPT-4o, o1తో పనిచేస్తుంది. కోపైలట్ ప్రశ్నలకు సమాధానం చెబుతుంది, ఫొటోలు క్రియేట్ చేస్తుంది, కష్టమైన ప్రాబ్లమ్స్‌ని కూడా 'థింక్ డీపర్ (Think Deeper)' ఫీచర్‌తో పరిష్కరిస్తుంది.

ఈ యాప్ ఫ్రీగా దొరుకుతుంది. ఆండ్రాయిడ్, ఐఫోన్, వెబ్‌లో కూడా పనిచేస్తుంది. చాట్‌జీపీటీ అడ్వాన్స్‌డ్ వాయిస్ మోడ్ లాగానే ఇది వాయిస్‌తో కూడా పనిచేస్తుంది. మిగతా వాటికంటే కోపైలట్ ఇంకా ఎక్కువ ఉపయోగకరంగా ఉంటుంది.