టెలిగ్రామ్ ప్లాట్‌ఫారమ్‌లో యూజర్ల కోసం అందుబాటులో గల ఉత్తేజకరమైన ఫీచర్లు ఇవే...

స్లో మోడ్

టెలిగ్రామ్ అప్లికేషన్ స్లో మోడ్ ఫీచర్‌తో వస్తుంది. ఇది గ్రూప్ అడ్మిన్‌లకు నిజంగా సహాయపడుతుంది. నిర్దిష్ట సమూహానికి పెద్ద సంఖ్యలో మెసేజ్ లు పంపబడుతున్నప్పుడు గ్రూప్ అడ్మిన్‌లు అప్లికేషన్‌లోని స్లో మోడ్ ఫీచర్‌ని ఉపయోగించుకోవచ్చు. స్లో మోడ్ వేర్వేరు సమయ వ్యవధిలో ప్రారంభించబడుతుంది. ఉదాహరణకు స్లో మోడ్ 1 నిమిషం పాటు ప్రారంభించబడితే గ్రూప్ సభ్యులు 1 నిమిషానికి ఒక మెసేజ్ ని మాత్రమే పంపగలరు.

ఎడిటింగ్ సెండ్ మెసేజెస్

వినియోగదారులు తాము పంపిన మెసేజ్ లలో పొరపాట్లు చేశారని గ్రహించిన అనేక సందర్భాలు ఉండవచ్చు. అటువంటి సందర్భంలో టెలిగ్రామ్ తప్పుగా పంపిన మెసేజ్లను సవరించడంలో మీకు సహాయపడే కొన్ని ఫీచర్లను అందిస్తుంది. ఇందుకోసం మీరు చేయాల్సిందల్లా తప్పుగా పంపబడిన మెసేజ్ ని నొక్కి పట్టుకుని ఆపై టెక్స్ట్ ని సవరించడానికి "ఎడిట్" ఎంపిక మీద నొక్కండి.

పోల్స్

టెలిగ్రామ్ యాప్ ఇప్పుడు తన యొక్క వినియోగదారులకు ఛానెల్‌లు మరియు గ్రూపులలో పోల్‌లను నిర్వహించగల ఫీచర్‌ను అందిస్తుంది. ఈ ప్లాట్‌ఫారమ్ మూడు రకాల పోల్‌లను అందజేస్తుంది. అందులో ఒకటి ఎవరు దేనికి ఓటు వేశారో అందరూ చూడగలిగేలా కనిపించే విజిబుల్ పోల్స్, ఒక పోల్‌లో బహుళ సమాధానాలను నమోదు చేయడానికి వినియోగదారులను అనుమతించే బహుళ సమాధానాలు మరియు ఒకే సరైన సమాధానం ఉన్న క్విజ్ పోల్.

ఉచిత అపరిమిత ఆన్‌లైన్ స్టోరేజ్

టెలిగ్రామ్ యాప్ ఇప్పుడు క్లౌడ్ స్టోరేజ్ ఆప్షన్‌ను కూడా అందిస్తుంది. టెక్స్ట్ మెసేజ్‌లు, ఇమేజ్‌లు, లింక్‌లు, ఆడియో మరియు వీడియో నోట్స్, లొకేషన్‌లు, కాంటాక్ట్‌లు మరియు లింక్‌లు 1.5 GB కంటే పెద్దవి కానంత వరకు అన్ని సాధారణ ఫైల్ రకాలను స్టోర్ చేయడానికి మిమ్మల్ని అనుమతిస్తుంది. హోమ్‌పేజీలో కుడివైపు స్వైప్ చేసి "సేవ్ చేసిన మెసేజ్‌లు" ఎంచుకోవడం ద్వారా ఈ ఫీచర్‌ని యాక్సెస్ చేయవచ్చు.

Customisation

టెలిగ్రామ్ ప్లాట్‌ఫారమ్‌లో వినియోగదారులకు నిజంగా వ్యక్తిగతీకరించిన అనుభవాలను కలిగి ఉండే వివిధ అనుకూలీకరణ ఎంపికలతో వస్తుంది. వినియోగదారులు చాట్ బ్యాక్‌గ్రౌండ్, యాప్ కలర్ థీమ్, మెసేజ్ కార్నర్‌లు మరియు మరిన్నింటిని మార్చవచ్చు. వినియోగదారులు నైట్ మోడ్ మధ్య మారవచ్చు మరియు ఎమోజీల ప్రదర్శనను పెద్దదిగా చేయవచ్చు. ఈ ఫీచర్‌లను చాట్ సెట్టింగ్‌ల ఎంపికల క్రింద యాక్సెస్ చేయవచ్చు.