మైక్రోసాఫ్ట్ తో కలిసి AI voice ఫీచర్ ను తీసుకు వచ్చిన Truecaller ! ఎలా సెట్ చేయాలి

ట్రూ కాలర్ యాప్, కాలర్ ID మరియు కాల్ బ్లాకింగ్ కోసం ఉపయోగించే అప్లికేషన్. ఇప్పుడు సమస్త మైక్రోసాఫ్ట్ తో తమ భాగస్వామ్యాన్ని ప్రకటించింది. మైక్రోసాఫ్ట్ యొక్క కొత్త వ్యక్తిగత వాయిస్ Ai సహాయం మరియు టెక్నాలజీ ని ఇష్టపడి ట్రూకాలర్ దానిని తన యాప్ కోసం తీసుకురావడానికి ఎదురుచూస్తోంది.

ఈ సహకారం Azure AI ప్రసంగం సహాయంతో చేయబడుతుంది. ట్రూ కాలర్ యాప్ యొక్క ప్రీమియమ్‌ సభ్యత్వం పొందిన వినియోగదారుల కోసం మాత్రమే ఈ ఫీచర్ అందుబాటులోకి వస్తుంది.

ఇప్పటికే ఉన్న Truecaller AI అసిస్టెంట్‌ని కంపెనీ 2022 లో పరిచయం చేసింది. ఈ టెక్నాలజీ కాల్‌లకు సమాధానం ఇవ్వడం, వాటిని స్క్రీనింగ్ చేయడం, మెసెజ్ లు తీసుకోవడం లేదా తర్వాత సమీక్ష కోసం కాల్‌లను రికార్డ్ చేయడం వంటి అనేక పనులను ఇప్పటికే చేయగలదు.

అయితే ఈ ఫీచర్ ఎంపిక చేసిన దేశాల్లో మాత్రమే అందుబాటులో ఉంది. అయితే, AI రోజురోజుకు అభివృద్ధి చెందుతున్న ప్రపంచంలో, ఈ ఫీచర్లు సరిపోవు. అందుకే, ట్రూ కాలర్ దీన్ని అప్‌గ్రేడ్ చేయాలని చూస్తోంది. ఎలాగో పరిశీలిద్దాం.

ట్రూ కాలర్ యొక్క వ్యక్తిగత వాయిస్ AI ఫీచర్
మైక్రోసాఫ్ట్‌తో కలిసి పని చేయడం ద్వారా, ట్రూకాలర్ ఇప్పుడు వినియోగదారులకు తమ వాయిస్ కు డిజిటల్ ప్రతిరూపాన్ని అందించగలదు. మెరుగుపరచబడిన AI అసిస్టెంట్ ఇక్కడ ప్రధాన పాత్ర వహిస్తుంది. ఈ ఫీచర్ గతంలో ఉపయోగించిన జెనరిక్ డిజిటల్ అసిస్టెన్స్ వాయిస్ లాగా కాకుండా యూజర్ వాయిస్ యొక్క ప్రామాణికమైన వెర్షన్‌ను వినడానికి కాలర్‌లను అందిస్తుంది.

ఈ ఫీచర్ యూజర్‌లు తమ కాల్‌ని ఎలా నిర్వహించాలో మెరుగుపరుస్తుందని మరియు వారి అనుభవాన్ని మెరుగుపరుస్తుందని ట్రూ కాలర్ విశ్వసిస్తుంది. మే 20, సోమవారం జరిగిన మైక్రోసాఫ్ట్ ఈవెంట్‌లో కంపెనీ ఈ ఫీచర్‌ను వీడియో ద్వారా ప్రదర్శించింది.

ట్రూకాలర్ ప్రొడక్ట్ డైరెక్టర్ మరియు జనరల్ మేనేజర్ రాఫెల్ మిమౌమ్ ఒక బ్లాగ్ పోస్ట్‌లో ఇలా పేర్కొన్నారు, "ఈ సంచలనాత్మక సామర్థ్యం వినియోగదారులకు పరిచయాన్ని మరియు సౌకర్యాన్ని అందించడమే కాకుండా, మా డిజిటల్ అసిస్టెంట్‌లతో మేము పరస్పర చర్చ విధానాన్ని మార్చడంలో AI యొక్క శక్తిని కూడా ప్రదర్శిస్తుంది."

ఇక్కడ భద్రతాపరమైన సమస్యలు ఎక్కువగానే ఉన్నప్పటికీ, మైక్రోసాఫ్ట్ భద్రతలను అమలు చేసింది. ఈ రక్షణలలో AI- రూపొందించిన వాయిస్‌లపై ఆటోమేటిక్ వాటర్‌మార్క్‌లు మరియు రికార్డ్ చేయబడిన వ్యక్తి నుండి అనుమతి అవసరమయ్యే యాక్సిస్ లు మరియు మోసాలను అరికట్టడానికి జాగ్రత్తలు వంటివి ఉంటాయి.

ట్రూ కాలర్ లో ఈ ఫీచర్‌ను ఎలా సెటప్ చేయాలి?
ట్రూ కాలర్ ప్రస్తుతానికి ఎంపిక చేసిన దేశాలకు మాత్రమే ఈ ఫీచర్‌ని అందుబాటులోకి తెచ్చింది మరియు ఇతర ప్రాంతాలకు కూడా దీన్ని త్వరలో విస్తరించే యోచనలో ఉంది. అయితే ప్రస్తుతానికి రోల్‌అవుట్‌ను ప్రారంభించిన దేశాలు భారతదేశం, USA, కెనడా, ఆస్ట్రేలియా, దక్షిణాఫ్రికా, స్వీడన్ మరియు చిలీ దేశాల వినియోగదారులకు అందుబాటులో ఉంది.

ఈ ఫీచర్‌ని సెటప్ చేయడానికి, అప్లికేషన్‌ను తాజా వెర్షన్‌కి అప్‌డేట్ చేయడం అవసరం. మరియు దీనికి ప్రీమియం సబ్‌స్క్రిప్షన్ కూడా అవసరం. ఈ రెండు దశలు పూర్తయిన తర్వాత, యాప్‌లో అసిస్టెంట్ సెట్టింగ్‌లను తెరిచి, మీ వాయిస్‌ని రికార్డ్ చేయడానికి మరియు సెటప్ చేయడానికి సూచనలను అనుసరించండి.