WhatsApp 'డెలీట్ ఫర్ ఎవరీవన్ ' కొత్త ఫీచర్లో సరికొత్త అప్‌డేట్...

ప్రస్తుతం వినియోగదారులు "1 గంట, 8 నిమిషాలు, 16 సెకన్లు" వ్యవధిలో పంపిన మెసేజ్లను తొలగించవచ్చు. కొత్త నివేదిక ప్రకారం వాట్సాప్ ఈ పరిమితిని 2 రోజుల 12 గంటలకు పెంచవచ్చు. ఇది 1 గంట 8 నిమిషాల వ్యవధి నుండి గణనీయమైన అప్‌గ్రేడ్ అవుతుంది. యాప్ బీటా వెర్షన్‌లోని అన్ని తాజా ఫీచర్‌లను ట్రాక్ చేసే వెబ్‌సైట్ WABetaInfo ద్వారా కొత్త ఫీచర్ గుర్తించబడింది. ఈ కొత్త ఫీచర్ యాప్ బీటా వెర్షన్‌లో గుర్తించబడింది. అయితే, ఇది బీటా వినియోగదారులందరికీ అందుబాటులో లేదు. కొత్త ఫీచర్ అభివృద్ధి దశలో ఉన్నట్లు నివేదించబడింది. దీని గురించి వివరాలు పూర్తిగా తెలుసుకోవడానికి ముందుకు చదవండి.

'డెలీట్ ఫర్ ఎవరీవన్ ' టైమ్ లిమిట్

ఇంతకుముందు WABetaInfo ఇదే వెబ్‌సైట్ వాట్సాప్ యొక్క డెలీట్ ఫర్ ఎవరీవన్ ఫీచర్ 7 రోజుల 8 నిమిషాల కాల పరిమితిని పరీక్షిస్తున్నట్లు నివేదించింది. ఆ సమయ పరిమితి అభివృద్ధిలో ఉంది మరియు తుది సంస్కరణకు చేరుకోలేదు అని పేర్కొన్నది. తుది రోల్ అవుట్ చేయడానికి ముందు వాట్సాప్ సమయ పరిమితిని మరింత మార్చే అవకాశం ఉంది. వాట్సాప్ ఈ కొత్త సమయ పరిమితిని ఎందుకు తొలగించిందో మేము ఖచ్చితంగా చెప్పలేము. బహుశా ఒక వారం వ్యవధి వినియోగదారులకు కూడా కొంచెం తక్కువ ఆచరణాత్మకంగా అనిపించవచ్చు.

వాట్సాప్ భారతదేశంలో 20 లక్షల అకౌంటులను నిషేధించింది

భారత్‌లో 20 లక్షలకు పైగా అకౌంటులను నిషేధించినట్లు వాట్సాప్ ఇటీవల ప్రకటించింది. ఈ అకౌంటులు భారతదేశ చట్టాలను లేదా వాట్సాప్ సేవా నిబంధనలను ఉల్లంఘించినందున నిషేధించబడ్డాయి. భారతదేశంలోని వినియోగదారుల నుండి వచ్చిన 303 బ్యాన్ అప్పీళ్లకు ప్రతిస్పందనగా వాట్సాప్ 23 అకౌంటులను నిషేధించింది.

వాట్సాప్‌కు ఫిర్యాదులను రెండు విధాలుగా పంపవచ్చు. ఇందులో మొదటిది వాట్సాప్ సేవా నిబంధనల ఉల్లంఘనలకు సంబంధించి [email protected]కు ఇమెయిల్‌ల ద్వారా పంపడం లేదా సహాయ కేంద్రంలో ప్రచురించబడిన వాట్సాప్లోని అకౌంట్ల గురించిన ప్రశ్నలను మెయిల్స్ ద్వారా ఇండియా గ్రీవెన్స్ ఆఫీసర్‌కు పోస్ట్ ద్వారా పంపవచ్చు.

ఆండ్రాయిడ్ యూజర్ల కోసం వాట్సాప్ యొక్క 2.22.3.5 వెర్షన్ మరియు iOS కోసం వాట్సాప్ యొక్క 22.2.72 వెర్షన్‌లో వాట్సాప్ యొక్క కొత్త ఫీచర్ ట్రాకర్ WABetaInfo ద్వారా వినియోగదారులకు యాప్‌లో మద్దతును అందించే ఫీచర్ గుర్తించబడింది. సెట్టింగ్‌లు > హెల్ప్ > కాంటాక్ట్ అస్ ని సందర్శించడం ద్వారా మెటా యాజమాన్యంలోని సర్వీసును గుర్తించవచ్చు. ఇప్పుడు రెండు ప్లాట్‌ఫారమ్‌లలోని బీటా పరీక్షకులకు సందేశం కనిపిస్తుంది. "మేము మీకు వాట్సాప్ చాట్‌లో ప్రతిస్పందిస్తాము." వాట్సాప్ దాని ధృవీకరించబడిన అకౌంట్ ద్వారా యాప్‌లో మెసేజ్ ద్వారా వినియోగదారులను సంప్రదిస్తుంది. ఇది వాస్తవంగా వాట్సాప్ నుండి వచ్చిన మెసేజ్ అని నిరూపించడానికి ఆకుపచ్చ టిక్ మార్క్‌ను కలిగి ఉంటుంది.

వాట్సాప్ iOSలో కొత్త నోటిఫికేషన్ సెట్టింగ్‌లపై కూడా పనిచేస్తోందని నివేదించబడింది. ఇది వినియోగదారులు నోటిఫికేషన్ సౌండ్‌లను నిర్వహించడానికి మరియు వారు ఏ నోటిఫికేషన్‌లను స్వీకరించాలనుకుంటున్నారో ఎంచుకోవడానికి అనుమతిస్తుంది. అదేవిధంగా వాట్సాప్ రాబోయే వెర్షన్ యాప్‌లో వినియోగదారులకు మెసేజ్ ప్రతిచర్యల వివరాలను కూడా చూపుతుంది. తక్షణ మెసేజ్ సర్వీస్ కొత్త పెన్సిల్ టూల్లతో సహా ఫోటోలు మరియు వీడియోల కోసం దాని అంతర్నిర్మిత డ్రాయింగ్ టూల్లను మెరుగుపరచడంలో కూడా పని చేస్తోంది. ఈ కొత్త సర్వీస్ భవిష్యత్ తేదీలో విడుదల చేయగల బ్లర్ ఇమేజ్ టూల్‌పై కూడా పని చేస్తోంది.