వాట్సప్‌లోకి మరో రెండు ఆసక్తికర ఫీచర్లు

ప్రస్తుతం ఆండ్రాయిడ్, ఐఓఎస్ బీటా వెర్షన్‌లలో....

ఈ రెండు ఫీచర్లు ప్రస్తుతం ఆండ్రాయిడ్, ఐఓఎస్ బీటా వెర్షన్‌లలో వాట్సాప్ యూజర్లకు ఇప్పటికే లభిస్తున్నట్లు తెలిసింది. త్వరలోనే పూర్తి స్థాయిలో యూజర్లందరికీ ఈ ఫీచర్లు లభ్యం కానున్నాయి.

వాట్సప్ బీటా వర్షన్లు...

ముందే కావాలనుకుంటే వాట్సప్ బీటా వర్షన్లు 2.18.362 లేదా 2.18.363 వాడుతున్న వారు ఈ ఫీచర్స్ ఉపయోగించుకోవచ్చు. బీటా టెస్టర్ల రివ్యూ తర్వాత త్వరలో మిగతా యూజర్లకూ ఈ అప్‌డేట్స్ అందుతాయి. ఆ తర్వాత ఈ రెండు ఫీచర్లను ఉపయోగించుకోవచ్చు.

వరుసగా వాయిస్ మెసేజ్‌

ఈ ఫీచర్ వాట్సప్ బీటా వర్షన్‌ 2.18.362లో ఉంది. దీని ద్వారా యూజర్లు వాయిస్ మెసేజ్‌లు ఒకదాని తర్వాత ఒకటి ఆటోమెటిక్‌గా ప్లే అవుతాయి. రెండు కన్నా ఎక్కువ వాయిస్ మెసేజ్‌లు వరుసగా ఉంటే మొదటి ఆడియోను ప్లే చేస్తే చాలు మిగతావి ఆటోమెటిక్‌గా ప్లే అవుతాయి. ఇప్పుడు ఒక్కో ఆడియో ఫైల్‌ను మ్యాన్యువల్‌గా ప్లే చేయాల్సి వస్తుంది.

గ్రూప్ కాల్ షార్ట్‌కట్

దీంతో పాటుగా గ్రూప్ కాలింగ్ ఫీచర్‌లోవాట్సప్ చిన్న మార్పు చేయబోతోంది. గ్రూప్ ఛాట్‌లో కనిపించే కాలింగ్ ఐకాన్‌పై క్లిక్ చేస్తే ఆ గ్రూప్‌లో ఉన్న మెంబర్స్ అందరికీ కాల్ వెళ్తుంది. ఈ ఫీచర్ ద్వారా ఒకేసారి అందరికీ కాల్ కనెక్ట్ చేసుకునే సదుపాయం ఉంది.