వాట్సాప్ మరో కొత్త ఫీచర్!! గ్రూప్ చాట్‌లో 512 మందికి అనుమతి...

వాట్సాప్ గ్రూప్ చాట్‌లో గరిష్టంగా 512 మంది సభ్యుల చేరికకు అనుమతి

మెటా యాజమాన్యంలోని సోషల్ మెసేజింగ్ యాప్ వాట్సాప్ తన యొక్క ప్లాట్‌ఫారమ్ లోని వినియోగదారులను గ్రూప్ చాట్‌లో గరిష్టంగా 512 మంది సభ్యులను జోడించేలా కొత్త ఫీచర్‌ను ప్రారంభించనున్నట్లు తెలిసింది. వాట్సాప్ యొక్క తాజా అప్‌డేట్ తో వినియోగదారులందరికీ ఈ ఫీచర్ అందుబాటులోకి వస్తుందని WABInfo ఇటీవలి నివేదిక సూచించింది. ఈ ఫీచర్ విస్తృతంగా అందుబాటులోకి వచ్చింది. అయితే కొంతమంది వినియోగదారులు తమ వాట్సాప్‌లో ఫీచర్‌ను చూడడానికి 24 గంటలు వేచి ఉండాల్సి ఉంటుంది. ఈ ఫీచర్‌ను మే ప్రారంభంలో మెటా ప్రకటించింది.

వాట్సాప్ యొక్క తాజా అప్‌డేట్ లో ఇంతకుముందు ఫైల్‌ల షేరింగ్ లో 100MB పరిమితి నుండి 2GB వరకు పరిమితిని కూడా వాట్సాప్ పెంచుతోంది. వ్యక్తుల నుండి మరియు గ్రూప్ చాట్‌లలో వారు స్వీకరించే నిర్దిష్ట మెసేజ్ల గురించి ప్రజలు తమ భావాలను మరియు భావోద్వేగాలను టెక్స్ట్‌లో ప్రతిస్పందనలను పంపాల్సిన అవసరం లేకుండా త్వరగా వ్యక్తీకరించడంలో సహాయపడటానికి Meta-యాజమాన్య యాప్ ఇటీవల ఎమోజి రియాక్షన్ లను కూడా పరిచయం చేసింది.

డిలీట్ చేసిన మెసేజ్‌ల కోసం వాట్సాప్ కొత్తగా 'అన్‌డూ' ఆప్షన్‌ను కూడా పరీక్షిస్తున్నట్లు సమాచారం. యూజర్లు అనుకోకుండా 'డిలీట్ ఫర్ ఎవ్రీవన్'కి బదులుగా 'డిలీట్ ఫర్ మి' ఆప్షన్‌లను ఎంచుకున్నప్పుడు ఈ కొత్త ఫీచర్ ఉపయోగపడుతుంది. ఈ ఫీచర్ ఇంకా డెవలప్‌మెంట్‌లో ఉంది మరియు ఆండ్రాయిడ్‌లోని బీటా టెస్టర్‌లకు ఇంకా అందుబాటులో లేదు. మెసేజ్లను పంపిన తర్వాత వాటిని ఎడిట్ చేసే ఆప్షన్‌ను కూడా వాట్సాప్ జోడిస్తోంది. చాట్ నుండి పూర్తిగా తొలగించకుండా మరియు కొత్త మెసేజ్ ని వ్రాయకుండా వారి మెసేజ్లలో టైపింగ్ లోపాలను సరిదిద్దుకోవడానికి ఈ ఫీచర్ వినియోగదారులకు సహాయపడుతుంది.

WABetaInfo యొక్క నివేదిక ప్రకారం మీరు మీ యొక్క పాత స్మార్ట్‌ఫోన్ నుండి కొత్త ఫోన్ లో మీ వాట్సాప్ అకౌంటుతో లాగిన్ చేయడానికి ప్రయత్నిస్తున్నప్పుడు "డబుల్ వెరిఫికేషన్ కోడ్" ఫీచర్ ధృవీకరణ కోడ్ యొక్క మరొక దశను చూపుతుంది. ఈ నివేదిక ప్రకారం వాట్సాప్ అకౌంటులోకి లాగిన్ చేయడానికి మొదటి ప్రయత్నం విజయవంతమయినప్పటికీ కూడా మిగిలిన ప్రక్రియను పూర్తి చేయడానికి మరో ఆరు అంకెల కోడ్ అవసరం. ఎవరైనా వాట్సాప్ లోకి లాగిన్ చేయడానికి ప్రయత్నిస్తున్నారని నిర్ధారించుకోవడానికి ఫోన్ నంబర్ కి మరొక అదనపు మెసేజ్ పంపబడుతుంది. "ఇప్పటికే మరో ఫోన్‌లో వాట్సాప్ కోసం మీ యొక్క ఈ +********** నంబర్ ఉపయోగించబడుతోంది. మీ అకౌంట్ మీ నియంత్రణలో ఉందని నిర్ధారించుకోవడంలో సహాయం చేయడానికి మీరు తప్పనిసరిగా మరొక ధృవీకరణ కోడ్‌ను నిర్ధారించాలి. అదనపు భద్రత కోసం మీరు కోడ్‌ను పంపడానికి ముందు టైమర్ పూర్తయ్యే వరకు వేచి ఉండాలి. మీరు కోడ్‌ని స్వీకరించిన తరువాత దానిని ఇక్కడ నమోదు చేయండి." అనే మెసేజ్ తో కూడిన స్క్రీన్‌షాట్ ని WABetaInfo తన యొక్క లీక్ లో పోస్ట్ చేసింది.