ఇండియాలో వాట్సప్ కొత్త రూల్స్ తెలుసుకోండి

ఐదు చాట్ల పరిమితిని..

గత నెలలోనే ఈ ఐదు చాట్ల పరిమితిని ప్రారంభించబోతున్నట్లు వాట్సప్ ప్రకటించిన విషయం తెలిసిందే. వాట్సప్ లేటెస్ట్ వర్షన్ వాడే యూజర్లకు ఈ వారం నుంచే కొత్త పరిమితులు ప్రారంభమైనట్లు ఓ ప్రకటనలో కంపెనీ తెలిపింది.

నకిలీ వార్తలను ఎలా గుర్తించాలి..

నకిలీ వార్తలను ఎలా గుర్తించాలి, వాటిని ఎలా నియంత్రించాలన్నదానిపై యూజర్లకు అవగాహన కలిగించేందుకు ఓ కొత్త వీడియోను కూడా పబ్లిష్ చేసింది.

మెసేజ్‌లకు ఫార్వర్డ్ లేబుల్..

మెసేజ్‌లకు ఫార్వర్డ్ లేబుల్ ఉండటంతోపాటు ఒరిజినల్ మెసేజ్‌ను ఎవరు సృష్టించారో తెలియని సందర్భాల్లో ఒకటికి రెండుసార్లు నిజానిజాలను చెక్ చేసుకోవాలని చెప్పేలా ఓ సందేశాత్మక వీడియోను విడుదల చేసినట్లు కూడా సంస్థ చెప్పింది.

ప్రపంచవ్యాప్తంగా గరిష్ఠంగా 20 మందికి

ప్రపంచవ్యాప్తంగా ఫార్వర్డ్ మెసేజ్‌లను గరిష్ఠంగా 20 మందికి పంపించుకునేలా వాట్సప్ అవకాశం కల్పించింది. దీనిని ఇండియాలో మాత్రం ఐదుగురికే పరిమితం చేసింది.

ప్రైవేట్ మెసేజింగ్ యాప్‌

వాట్సప్ ప్రైవేట్ మెసేజింగ్ యాప్‌గా ప్రజల ముందుకు వచ్చిందని, ఈ మార్పులు ద్వారా దానిని అలాగే ఉంచాలన్నదే తమ ఉద్దేశమని కంపెనీ స్పష్టంచేసింది.

పిక్చర్ ఇన్ పిక్చర్ వీడియో

దీంతో పాటు మరో కొత్త ఫీచర్ యూజర్లకు అందుబాటులోకి రానుంది. పిక్చర్ ఇన్ పిక్చర్ వీడియో పేరిట తొలుత ఆండ్రాయిడ్ ప్లాట్‌ఫాంపై ఈ ఫీచర్ లభ్యం కానుంది.

వాట్సప్‌లో వచ్చే ఇన్‌స్టాగ్రాం,యూట్యూబ్ వీడియోలను..

ఈ ఫీచర్ వల్ల యూజర్లు తమకు వాట్సప్‌లో వచ్చే ఇన్‌స్టాగ్రాం, యూట్యూబ్ వీడియోలను వాట్సప్ యాప్ క్లోజ్ చేయకుండానే అదే స్క్రీన్‌లో చిన్న విండోలో ఆ వీడియోలను చూడవచ్చు.

ఆండ్రాయిడ్ ప్లాట్‌ఫాంపై

కాగా ఇప్పటికే ఆండ్రాయిడ్ ప్లాట్‌ఫాంపై వాట్సప్ బీటా వెర్షన్‌ను వాడుతున్న యూజర్లకు ఈ ఫీచర్ అందుబాటులో ఉంది. త్వరలోనే పూర్తి స్థాయిలో ఇతర యూజర్లకు ఈ ఫీచర్ లభిస్తుంది.