వాట్సప్ యూజర్ల డేటా చౌర్యం,పేమెంట్ చేస్తే అంతే సంగతులు !

మెంట్స్ ఫీచర్‌తో..

వాట్సప్‌లో పేమెంట్స్ ఫీచర్‌తో నగదు పంపుకునే యూజర్లకు చెందిన వర్చువల్ పేమెంట్ అడ్రస్‌లు, ఈ-మెయిల్ ఐడీలు, బ్యాంక్ అకౌంట్ వివరాలను వాట్సప్ సేకరించి వాటిని ఫేస్‌బుక్‌తో పంచుకుంటున్నదని పలువురు నిర్దారించారు.

వాట్సప్ ప్రైవసీ స్టేట్‌మెంట్‌లో..

ఈ విషయం సాక్షాత్తూ వాట్సప్ ప్రైవసీ స్టేట్‌మెంట్‌లోనే ఉండడం గ‌మనించదగ్గ విషయం. వాట్సప్‌లో యూజర్ల సమాచారాన్ని సురక్షితంగా ఉంచడం కోసం, ఎలాంటి ఫ్రాడ్‌లు జరగకుండా సేఫ్టీ, సెక్యూరిటీని కల్పించడం కోసం యూజర్ల సమాచారాన్ని కలెక్ట్ చేసి థర్డ్ పార్టీ సర్వీస్ ప్రొవైడర్లలో ఒకటైన ఫేస్‌బుక్‌తో ఆ సమాచారాన్ని పంచుకుంటామని వాట్సాప్ ప్రైవసీ స్టేట్‌మెంట్‌లో స్పష్టంగా ఉంది.

 

వాట్సప్‌ను వివరణ కోరగా..

దీంతో ఇప్పుడు వాట్సప్‌లో పేమెంట్స్ ఫీచర్‌ను వాడుకుంటున్న యూజర్ల సమాచారం కూడా ఫేస్‌బుక్ వద్ద ఉన్నదని నిపుణులు అభిప్రాయపడుతున్నారు. ఇదే విషయంపై మన దేశంలోని ఓ ప్రముఖ న్యూస్ చానల్ వాట్సప్‌ను వివరణ కోరగా వారు స్పందించలేదు.

ఆందోళన అవసరం లేదని..

కాగా తమ యూజర్ల వాట్సప్ సమాచారాన్ని తాము చాలా తక్కువగా కలెక్ట్ చేస్తామని, ఆ విషయంలో ఆందోళన అవసరం లేదని వాట్సప్ ఇటీవలే ఒక ప్రకటనలో తెలియజేసింది.

నగదు ట్రాన్స్‌ఫర్ కోసం..

బ్యాంకులు, ప్రభుత్వానికి చెందిన మనీ ట్రాన్స్‌ఫర్ యాప్‌లు కూడా ఇలా వాట్సప్, ఫోన్ పే, పేటీఎం లాంటి థర్డ్ పార్టీ యాప్‌లను నగదు ట్రాన్స్‌ఫర్ కోసం వాడే ముందు ఎవరైనా ఆలోచించి నిర్ణయం తీసుకుంటే మంచిదని నిపుణులు అభిప్రాయపడుతున్నారు.