WhatsApp ద్వారా విదేశాలకు డబ్బు పంపేందుకు కొత్త ఫీచర్! వివరాలు

వాట్సాప్ కొత్త లీక్ అయిన నివేదిక ప్రకారం, యాప్ యొక్క ఇన్-యాప్ యూనిఫైడ్ పేమెంట్స్ ఇంటర్‌ఫేస్ (UPI) సేవల ద్వారా అంతర్జాతీయ చెల్లింపులను ప్రారంభించే పనిలో ఉంది. వాట్సాప్ చెల్లింపులు లేదా WhatsApp Pay మొదటిసారిగా భారతీయ వినియోగదారుల కోసం నవంబర్ 2020లో యాప్‌లో పేమెంట్ సేవలు పరిచయం చేసింది.

అప్పటికి ప్రత్యర్థి ప్లాట్‌ఫారమ్‌లు స్థాపించబడినందున చెల్లింపుల రంగంలోకి వాట్సాప్ యొక్క ప్రవేశం ఆలస్యంగా పరిగణించబడింది. ప్రస్తుతం,ఈ ప్రముఖ మెసేజింగ్ ప్లాట్‌ఫారమ్ తన ఆర్థిక సేవల యొక్క వినియోగదారుల స్థావరాన్ని పెంచడానికి మూడు నెలల వరకు పరిమితితో అంతర్జాతీయ చెల్లింపులను తీసుకురావాలని చూస్తున్నట్లు టీజర్ విడుదలైంది.

ఈ ఫీచర్ గురించిన సమాచారాన్ని ప్రముఖ టిప్‌స్టర్ @AssembleDebug షేర్ చేసారు. అతను X (గతంలో Twitter అని పిలిచేవారు)లో ఒక పోస్ట్‌లో, "భారతీయ వినియోగదారుల కోసం UPI ద్వారా వాట్సాప్ లో అంతర్జాతీయ చెల్లింపులు రాబోతున్నాయి. ఇది ప్రస్తుతం వినియోగదారులకు అందుబాటులో లేదు. కానీ నేను దాని గురించి గూగుల్‌లో ఏమీ కనుగొనలేకపోయాను కాబట్టి వాట్సాప్ దానిపై పని చేస్తూ ఉండవచ్చు అని చెప్పారు"

దీనికి సంబందించిన స్క్రీన్‌షాట్‌లను కూడా టిప్‌స్టర్ పంచుకున్నారు, కానీ ఏ బీటా వెర్షన్‌ను జోడించారో వివరాలు వెల్లడించలేదు.

ఈ స్క్రీన్‌షాట్‌లో, Forgot UPI PIN ఎంపిక కింద ఉన్న చెల్లింపుల మెనులో కొత్త ఎంపికను చూడవచ్చు. ఈ ఫీచర్ అంతర్జాతీయ చెల్లింపులు అని లేబుల్ చేయబడింది మరియు క్లిక్ చేసినప్పుడు, వినియోగదారులు ఫీచర్ కోసం ప్రారంభ మరియు ముగింపు తేదీలను ఎంచుకుని, దాన్ని ఆన్ చేయగల ప్రత్యేక స్క్రీన్‌ను తెరుస్తుంది. ఈ స్క్రీన్‌షాట్ ప్రకారం, ఫీచర్‌ను ఆన్ చేయడానికి వినియోగదారులు UPI పిన్‌ను నమోదు చేయాల్సి ఉంటుంది.

అంతర్జాతీయ చెల్లింపులు భారతీయ బ్యాంకు ఖాతా ఉన్న వినియోగదారులు అంతర్జాతీయ వ్యాపారులను ఎంపిక చేసుకోవడానికి మరియు లావాదేవీలను పూర్తి చేయడానికి డబ్బు పంపడానికి అనుమతిస్తాయి. అంతర్జాతీయ UPI సేవలను బ్యాంకులు, ప్రారంభించిన దేశాల్లో మాత్రమే ఈ ఫీచర్ పని చేస్తుంది.

భారతదేశంలో, UPI ద్వారా అంతర్జాతీయ చెల్లింపుల గడువు ఆటోమేటిక్ గా ముగుస్తుంది, ఆ తర్వాత దాన్ని మళ్లీ మాన్యువల్‌గా యాక్టివేట్ చేయాలి. టిప్‌స్టర్ ప్రకారం, వాట్సాప్‌లో ఈ వ్యవధి మూడు నెలలు ఉండవచ్చు. దీనికి విరుద్ధంగా, గూగుల్ పే ఏడు రోజుల లావాదేవీల వ్యవధిని అందిస్తుంది. ముఖ్యంగా, గూగుల్ పే, ఫోన్ పే మరియు UPI స్పేస్‌లోని కొన్ని ఇతర ప్రధాన ప్లేయర్‌లు ఇప్పటికే ఈ సేవ లను అందిస్తున్నాయి.

వాట్సాప్ మరిన్ని కొత్త ఫీచర్లను కూడా త్వరలో విడుదల చేస్తున్నట్లు ప్రకటించింది. వాట్సాప్ ప్లాట్‌ఫారమ్‌లో కొత్తగా లాంచ్ చేయబడిన ఫీచర్ తో వినియోగదారులు మూడు చాట్‌లను పిన్ చేయడానికి అవకాశం ఉంటుంది. ఇంతకు ముందు, వినియోగదారులు ఈ ప్లాట్‌ఫారమ్‌లో ఒక మెసేజ్ మాత్రమే పిన్ చేయడానికి అవకాశం ఉండేది.

జనరేటివ్ AI ఫీచర్ ద్వారా ఫోటో ఎడిటర్ ఫీచర్ కూడా అందించబడుతుందని నివేదికలు తెలియచేస్తున్నాయి. రాబోయే ఈ ఫీచర్ వినియోగదారులు తమ ఫోటోలను రూపొందించిన AI- పవర్ ఎడిటింగ్ టూల్‌ని ఉపయోగించి ఎడిట్ చేసుకోవడానికి అనుమతిస్తుంది.