కేంద్రం దెబ్బకి యూజర్లకి దిమ్మతిరిగే షాకిచ్చిన వాట్సప్

వాట్సప్ జారీ చేసిన ప్రకటనలో

వాట్సప్‌ మెసేజ్‌లు, ఇమేజ్‌లు, వీడియోలు పెద్ద మొత్తంలో ప్రచారం కాకుండా ఉండేందుకు వాట్సప్‌ గట్టి చర్యలు తీసుకుంటోంది. ఇందులో భాగంగా వాట్సప్ జారీ చేసిన ప్రకటనలో.. వాట్సప్‌లో ఫార్వర్డ్‌ అ‍య్యే టెస్ట్‌పై పరిమితి విధించినట్టు వాట్సప్‌ ప్రకటించింది.

ఐదు చాట్లకు మాత్రమే

కేవలం ఐదు చాట్లకు మాత్రమే మెసేజ్‌ ఫార్వర్డ్‌ అయ్యేలా నిర్దేశించింది. అదేవిధంగా మీడియా మెసేజ్‌లకు క్విక్‌ ఫార్వర్డ్‌ బటన్‌ను తీసేసింది.

భారత్‌లోనే మెసేజ్‌లు, వీడియోలు, ఫోటోలు

ప్రపంచవ్యాప్తంగా ఉన్న దేశాల కంటే, భారత్‌లోనే మెసేజ్‌లు, వీడియోలు, ఫోటోలు ఎక్కువగా ఫార్వర్డ్‌ అవుతున్నాయని వాట్సప్‌ తెలిపింది. ఒకేసారి మల్టిపుల్‌ చాట్లకు మెసేజ్‌ను ఫార్వర్డ్‌ చేసుకునేలా వాట్సప్‌ ఫీచర్‌ను కొన్నేళ్ల క్రితమే తీసుకొచ్చింది.

పెద్ద ఎత్తున్న మెసేజ్‌లు

ప్రస్తుతం పెద్ద ఎత్తున్న మెసేజ్‌లు ఫార్వర్డ్‌ అవుతూ... అనాగరిక ధోరణులు పెరుగుతుండటంతో, ఐదు చాట్లకు మాత్రమే మెసేజ్‌ను ఫార్వర్డ్‌ చేసుకునేలా అవకాశం కల్పిస్తోంది.

ఓరిజినల్‌ ఏదో గుర్తించేందుకు

ఈ ఫార్వర్డ్‌ మెసేజ్‌లో ఓరిజినల్‌ ఏదో గుర్తించేందుకు వాట్సప్‌ గత నెలలోనే ఫార్వర్డ్‌ లేబుల్‌ ఫీచర్‌ను తీసుకొచ్చింది.

దాడులు పెరుగుతుండటంతో

వాట్సప్‌ ఫార్వర్డ్‌ మెసేజ్‌లతో దేశంలో భారీ ఎత్తున దాడులు పెరుగుతుండటంతో, వాట్సప్‌కు కేంద్ర ప్రభుత్వం నోటీసులు జారీ చేసింది.

కేంద్ర నోటీసులకు స్పందించిన వాట్సప్‌

కేంద్ర నోటీసులకు స్పందించిన వాట్సప్‌, టెక్నాలజీని వాడుకుని, కొత్త ఫీచర్లతో ఫార్వర్డ్‌ మెసేజ్‌లను గుర్తిస్తామని, ఈ సమస్యను పరిష్కరిస్తామని తెలిపింది.