సులువైన ఫోటోగ్రఫీ కోసం శామ్‌సంగ్ MV800

టెలివిజన్, స్మార్ట్ ఫోన్, టాబ్లెట్ ఉత్పాదక రంగాల్లో క్రీయాశీలక పాత్ర పోషిస్తున్న శామ్‌సంగ్ ఇటీవల కాలంలో డిజిటల్ కెమెరాల ఉత్పత్తి పై ద్ళష్టిసారించింది. ఫోటోగ్రఫీ పై పట్టులేని వారు సైతం ఈ కెమెరాను సులువుగా ఆపరేట్ చేయ్యవచ్చు. ఈ డివైజ్‌లో ఏర్పాటు చేసిన ఫ్లిప్-ఔట్ డిస్‌ప్లే వ్యవస్థ దాదాపు అన్ని కోణాలలోని చిత్రాలను ఉత్తమ క్వాలిటితో క్యాప్చర్ చేస్తుంది. అన్ని రకాలైన వినియోగదారులను ఆకర్షించేవిధంగా ఉన్నతమైన ఫీచర్లను ఈ కెమెరాలో నిక్షిప్తం చేశారు.

శామ్‌సంగ్ MV800 ముఖ్య ఫీచర్లు:

*16.15 మెగా పిక్సల్ రిసల్యూషన్, * సీసీడీ సెన్సార్, * 5x ఆప్టికల్ జూమ్, * 10ఎంబీ ఇంటర్నల్ మెమెరీ, * డ్యూయల్ ఇమేజ్ స్టెబిలైజేషన్, * స్మార్ట్ ఆటో ఫీచర్, * స్మార్ట్ ఆల్బమ్ వ్యవస్థ, * స్మార్ట్ ఫేస్ రికగ్నిషన్, * స్మార్ట్ మూవీ అప్లికేషన్, * 10 ఎంబీ ఇంటర్నల్ మెమెరీ, * స్టీరియో మైక్రో ఫోన్, * మోనో స్పీకర్ వ్యవస్ధ, * హెచ్డీఎమ్ఐ సపోర్ట్, * యూఎస్బీ 2.0 కనెక్టువిటీ, * ఇంటెల్లీ స్టూడియో సాఫ్ట్‌వేర్ వ్యవస్థ.

నాజూకైన శ్రేణిలో ఈ కెమెరా డిజైన్ కాబడింది. ఏర్పాటు చేసిన హోమ్, ప్లేబ్యాక్ బటన్ వ్యవస్థలు సులువైన ఆపరేటింగ్‌కు దోహదపడతాయి. టచ్ స్ర్కీన్ వ్యవస్థ మరో ప్రత్యేక ఆకర్షణగా నిలుస్తుంది. ఈ వ్యవస్థ సౌలభ్యతతో వినియోగదారుడు సీన్ మోడ్‌లను సులువుగా ఎడ్జస్ట్ చేసుకోవచ్చు. వీడియోలను హై డెఫినిషన్ క్లారిటీతో రికార్డ్ చేసుకోవచ్చు. సుదీర్ఘమైన బ్యాకప్‌నిచ్చే BP70A బ్యాటరీని కెమెరాలో ఏర్పాటు చేశారు. ఇండియన్ మార్కెట్లో శామ్‌సంగ్ MV800 విలువ రూ.15,000.