మీ సీపీయూ పెద్ద శబ్దాలతో మొరాయిస్తోందా ?

సీపీయూలో నాయిస్ లేని ఫ్యాన్ ఏర్పాటు చేసుకోండి..

సాధారణంగా ఫ్యాన్ ద్వారా మీ సీపీయూ నుంచి శబ్దం వస్తుంటుంది. అది చాలా వరకూ డిస్టర్బింగ్ గా ఉంటుంది. అయితే ఫ్యాన్ అనేది చాలా ముఖ్యం. లేకపోతే ర్యామ్ వేడెక్కి పీసీ పెర్ఫార్మెన్స్ నెమ్మదిస్తుంది. ప్రీమియం ఫ్యాన్స్ కాస్త ఎక్కువ ధర అయినప్పటికీ కొనుగోలు చేసి ఫిట్ చేస్తే సీపీయూలో శబ్దాలు తగ్గి స్మూత్ పెర్ఫార్మెన్స్ కనబరుస్తుంది.

యాంటీ వైబ్రేషన్ ఫ్యాన్ మౌంట్స్ ఏర్పాటు చేసుకోండి..

ప్రస్తుతం ఫ్యాన్స్ నుంచి సౌండ్ రాకుండా యాంటీ వైబ్రేషన్ ఫ్యాన్ మౌంట్స్ లభిస్తున్నాయి. వీటి ద్వారా కంప్యూటర్ కేస్ నుంచి ఫ్యాన్ ద్వారా వైబ్రేషన్స్ రాకుండా నిరోధించవచ్చు. తద్వారా శబ్దం రాకుండా జాగ్రత్త పడే అవకాశం ఉంది.

ఫ్యాన్ స్పీడ్ కంట్రోలర్ వాడకం..

సీపీయూ ఫ్యాన్ ను కంట్రోలర్ ఆప్షన్ ద్వారా కంట్రోల్ చేయడం వల్ల కూడా ఆటోమేటిగ్గా ఫ్యాన్ స్పీడ్ ను తగ్గించే వీలుంది. అలాగే టెంపరేచర్ కు అనుగుణంగా ఫ్యాన్ స్పీడ్ ను మార్చడం ద్వారా పీసీ శబ్దం కంట్రోల్ చేయవచ్చు.

సౌండ్ ప్రూఫ్ సీపీయూ కేస్ వాడండి..

సీపీయూ కేస్ లో నుంచి శబ్దం రాకుండా సౌండ్ ప్రూఫ్ సీపీయూ కేస్ వాడటం ద్వారా కూడా శబ్దాన్ని నిరోధించవచ్చు. సాధారణంగా ఈ కేస్ లు ప్రత్యేక సౌండింగ్ ప్రూఫ్ మెటీరియల్ తో తయారవుతాయి.

ఎక్కువ సామర్థ్యం ఉన్న హార్డ్ డ్రైవ్ వాడండి..

మీ పీసీ మొరాయించకుండా ఉండాలంటే ఎక్కువ సామర్థ్యం ఉన్న హార్డ్ డ్రైవ్ లను వాడవచ్చు. అలాగే సీపీయూ, జీపీయూలు వెలువరిచే వేడిని సైతం అరికట్టేందుకు అప్ గ్రేడెడ్ ఫ్యాన్స్ ను ఏర్పాటు చేసుకోవాలి.

వాటర్ కూలింగ్..

వాటర్ కూలింగ్ కొద్దిగా కష్టమైనది అయినప్పటికీ చిన్నపాటి సాధనాల ద్వారా చల్లబరచవచ్చు. అయితే కొద్దిగా జాగ్రత్త వహించాల్సి ఉంటుంది.

కేబులింగ్ వ్యవస్థను చక్కపెట్టడం..

సీపీయూ లోపల కేబుల్స్ ను ఒక క్రమపద్ధతిలో చక్కబరచడం ద్వారా హీట్ ఉత్పత్తి కాకుండా చర్యలు తీసుకోవచ్చు. కేబులింగ్ ను క్రమపద్ధతిలో చక్కబెట్టాలి.