వాటి మధ్య ‘అగ్గి’ రాజుకుంటుంది..!!

Posted By: Staff

వాటి మధ్య ‘అగ్గి’ రాజుకుంటుంది..!!

ప్రస్తుత టాబ్లెట్ మార్కెట్లో అగ్గి రాజుకుంటుంది.. ప్రపంచ దిగ్గజ బ్రాండ్లు ఆధునిక సాంకేతికతను ఆయుధాలుగా ప్రదర్శిస్తూ నువ్వా.. నేనా అని పోటి పడుతున్నాయి. ‘స్మార్ట్ ఫోన్ల’ అమ్మకాల స్థాయికి ‘టాబ్లెట్’ మార్కెట్ ఎదిగిందంటే ప్రపచం వ్యావ్తంగా వీటి ఉధృతి ఏ మేరకు పాకిందో అర్ధమవుతుంది. ఏ కంపెనీ ఎన్నెన్ని మోడళ్ల ప్రవేశపెట్టినా అవి హిట్టా, ఫ్లాపా అని తెల్చేల్సింది చివరిగా వినియోగదారులు మాత్రమే...

సాంకేతిక ప్రపంచంలో రారాజుగా నిలిచిన ‘ఆపిల్’ను ఢీకునేందుకు ‘ఏసర్’ బరిలోకి దూకింది. ఐప్యాడ్ - 2ను ఎదుర్కొనేందుకు, ‘ఏసర్ ఐకోనియా ట్యాబ్ 500’ పేరుతో టాబ్లెట్ పీసీని మార్కెట్లో విడుదల చేసింది. జనాధారణ అధికంగా ఉన్న ‘ఆపిల్ ఐప్యాడ్ -2’ పై ఇప్పటికే అంచనాలు తారా స్థాయికి చేరుకున్నాయి. ఐప్యాడ్ -2కు ధీటుగా నిలబడే క్రమంలో ‘ఏసర్’ ఆకర్షణీయమైన ఫీచర్లను ‘ట్యాబ్ 500’లో పొందుపరిచింది.

ఎల్‌ఈఢి సామర్ధ్యం గల టీఎఫ్టీ టచ్ స్క్రీన్, 768 X 1024 పిక్సల్ రిసల్యూషన్‌తో ఐప్యాడ్ ఇప్పటికే పలువురు మనసులను దోచుకుంది. 10.1 అంగుళాల స్క్రీన్‌తో వస్తున్న ‘ఏసర్’ 800 X 1280 పిక్సల్ రిసల్యూషన్ కలిగి ఐప్యాడ్ - 2కి ఎదురొగ్గి నిలబడింది. పొందుపరిచిన మల్టీటచ్ ఇన్‌పుట్, గైరో సెన్సార్ వంటి వ్యవస్థలు ‘ట్యాబ్ 500’కి అదనపు ఆకర్షణగా నిలిచాయి. ‘ఐప్యాడ్ -2’లో పొందుపరిచిన ఫింగర్ ప్రింట్ వ్యవస్థ, ధృడత్వం కలిగిన ఓలియో ఫోబిక్ సరఫేస్, గైరో సెన్సార్, యాక్సి‌స్ సెన్సార్ వంటి ప్రత్యేకతలు వినియోగదారునికి లబ్థి చేకూరుస్తాయి. ఇక మెమరీ విషయానికి వస్తే ‘ఐప్యాడ్ -2’ 16,32,64 జీబీల సామర్ధ్యం కలిగి ఉండగా. ‘ఏసర్’ 32జీబీ సామర్ధ్యం కలిగి ఉంది.

‘ట్యాబ్ 500’లో పొందుపరిచిన 5 మెగా పిక్సల్ కెమెరా ఎల్‌ఈడీ ఫ్లాష్‌తో 2592 X 1944ను సపోర్టు చేస్తుంది. ‘ఐప్యాడ్ - 2’లో కెమెరా సౌలభ్యతను పరిశీలిస్తే 0.7 మెగా పిక్సల్ కెమెరా 960 X 720 కలిగి ఉంటుంది. ప్రొసెసర్ విషయానికి వస్తే ఈ రెండు గ్యాడ్జెట్లలోనూ ఒకటే సామర్థ్యం గల 1GHz డ్యూయల్ కోర్ ఆర్మ్ కోర్టెక్స్ A9 వ్యవస్థను పొందుపరిచారు. ఇక చిప్ సెట్ల విషయానికి వస్తే ‘ఆపిల్’లో A5 చిప్ సెట్, ‘ఏసర్’లో టెగ్రా 2 T20 చిప్ సెట్లు దర్శనమిస్తాయి. డిజిటల్ కంపాస్, ఎంపి3, ఎంపీ4 వంటి అంశాలు రెండు డివైజుల్లోనూ ఒకే విధంగా ఉంటాయి.

Please Wait while comments are loading...
Opinion Poll

Social Counting