12 గంటల బ్యాటరీ బ్యాకప్‌తో ఏసర్ కొత్త ల్యాపీ

క్రోమ్‌బుక్ 15 పేరిట ఏస‌ర్ ఓ నూత‌న ల్యాప్‌టాప్‌ను విడుద‌ల చేసింది. రూ.25,543 ధ‌ర‌కు ఈ ల్యాప్‌టాప్ వినియోగ‌దారుల‌కు అక్టోబ‌ర్ నెల నుంచి ల‌భ్యం కానుంది. అల్యూమీనియం బాడి డిజైన్ తో వస్తున్న ఈ ల్యాపీ వినియోగదారులను అలరిస్తుందని కంపెనీ చెబుతోంది.

ఇందులో 15.6 ఇంచ్ ఫుల్ హెచ్‌డీ డిస్‌ప్లే, 1920 x 1080 పిక్స‌ల్స్ స్క్రీన్ రిజ‌ల్యూష‌న్‌, ఇంటెల్ క్వాడ్‌కోర్ ప్రాసెస‌ర్‌, 4/8 జీబీ ర్యామ్‌, 32/64 జీబీ స్టోరేజ్‌ ఉన్నాయి.

క్రోమ్ ఆప‌రేటింగ్ సిస్ట‌మ్‌, యూఎస్‌బీ టైప్ సి, వైఫై, బ్లూటూత్ 4.2, హెచ్‌డీఎంఐ పోర్ట్‌, ఫ్రంట్ ఫేసింగ్ హెచ్‌డీ వెబ్ కెమెరా, 12 గంట‌ల బ్యాట‌రీ బ్యాక‌ప్ వంటి ఫీచ‌ర్లు ఉన్నాయి.