హైదరాబాద్‌లో ‘పబ్లిక్ వై-ఫై’ సర్వీసులను ఆవిష్కరించిన ఎయిర్‌టెల్

ప్రముఖ టెలికామ్ ఆపరేటర్ ఎయిర్‌టెల్, తెలంగాణ రాష్ట్ర ప్రభుత్వాలు సంయుక్తంగా ‘పబ్లిక్ వై-ఫై' సర్వీసులను శుక్రవారం హైదరాబాద్ నగరంలో ప్రారంభించాయి. తెలంగాణ రాష్ట్ర ఐటీ శాఖ మంత్రి కేటీ రామారావు ఈ ప్రయోగాత్మక పబ్లిక్ వై-ఫై సేవలను లాంఛనంగా ప్రారంభించారు. హైటెక్ సిటీ, మాదాపూర్, కొండాపూర్ ప్ర్రాంతాలలోని సుమారు ఎనిమిద కిలోమీటర్ల పరిధి మేర 17 పబ్లిక్ లోకేషన్‌లలో ఈ ఉచిత వై-ఫై సేవలను అందుబాటులోకి తీసుకువచ్చారు.

ఈ పబ్లిక్ వైఫై లోకేషన్‌ల వద్ద ఒక్కో వినియోగదారుడు రోజుకు 750 ఎంబి వరకు ఉచిత ఇంటర్నెట్‌ను వినియోగించుకోవచ్చని భారతి ఎయిర్‌టెల్ - ఆంధ్రప్రదేశ్, తెలంగాణ రాష్ట్ర విభాగాల సీఈఓ వెంకటేషన్ విజయరాఘవన్ వెల్లడించారు.

ఆవిష్కరణ సందర్భంగా మంత్రి కేటీఆర్ మాట్లాడుతూ త్వరలోనే హైదరాబాద్ నగరాన్ని వై-ఫై నగరంగా అభివృద్థి చేస్తామని, ఈ సేవలను అందించేందుకు గాను త్వరలోనే టెండర్లను ఆహ్వానిస్తామని తెలిపారు. ప్రస్తుతం ఎయిర్‌టెల్ సహకారంతో ఈ 17 పబ్లిక్ సెంటర్లను ప్రయోగాత్మకంగా ప్రారంభిస్తున్నట్లు మంత్రి పేర్కొన్నారు. నాలుగు నెలల్లో హైదరాబాద్ నగరాన్ని వై-ఫై నగరంగా తీర్చిదిద్దుతామని మంత్రి స్పష్టం చేసారు.

మీరు ఎంపిక చేసుకోబోయే స్మార్ట్‌ఫోన్ ఇంకా ట్యాబ్లెట్ పీసీకి సంబంధించిన ధరలను ఇక్కడ క్లిక్‌చేసి చూసుకోండి.

వివిధ మోడళ్ల స్మార్ట్‌ఫోన్‌లకు సంబంధించిన ఫోటో గ్యాలరీల కోసం క్లిక్ చేయండి.