‘ఆపిల్’ సరికొత్త మ్యాక్ ఆపరేటింగ్ సిస్టమ్..?

అత్యాధునిక ఆపరేటింగ్ వ్యవస్థతో ‘ఆపిల్’మరో సారి వార్తల్లో నిలిచింది. నేటి తరం కోరుకుంటన్న సురక్షిత సాంకేతికత పై దృష్టిసారించిన ‘ఆపిల్’ ఓ కొత్త ఆపరేటింగ్ వ్యవస్థను మార్కెట్లో ప్రవేశపెట్టుంది.

‘Mac OS X Lion 10.7.2’ ఆపరేటింగ్ వ్యవస్థను అపడేటెడ్ సెక్యూరుటీ ఫీచర్లతో డిజైన్ చేసింది. ఆపిల్ కంప్యూటర్లతో పాటు ల్యాప్ టాప్ పీసీలలో ఈ సరికొత్త ఆపరేటింగ్ వ్యవస్థను లోడ్ చేసుకోవచ్చు.

ప్రపంచ వ్యాప్తంగా కంప్యూటింగ్ వ్యవస్థను బెంబేలెత్తిస్తున్న ‘హ్యాకింగ్’, ‘మాల్ వేర్’ తదితర ప్రమాదాలను సరికొత్త ఆపిల్ మ్యాక్ ఆపరేటింగ్ వ్యవస్థ సమర్ధవంతంగా ఎదుర్కొగలదు. ఈ ఆపరేటింగ్ వ్యవస్థ మీ చెంత ఉంటే, మీ గ్యాడ్జెట్ లోని డేటా, ఈ మెయిల్స్ తదితర ముఖ్య సమాచారం సురక్షితంగా ఉన్నట్లే.

రిమోట్ ఆధారిత టెక్నాలజీని ఈ ఆపరేటింగ్ వ్యవస్థలో ప్రవేశపెట్టినట్లు తెలుస్తోంది. యూజర్ ఫ్రెండ్లీ అప్లికేషన్లతో రూపొందించిన ‘Mac OS X Lion 10.7.2’ వినియోగదారులకు మరింత లబ్ధి చేకూరుస్తుందని విశ్లేషక వర్గాలు పేర్కొంటున్నాయి. ‘మ్యాక్ వినియోగదారులు’ ఈ ఆధునిక వర్షన్ ఆపరేటింగ్ వ్యవస్థను సంబంధిత సైట్లలోకి ప్రవేశించి ఉచితంగా ‘డౌన్ లోడ్’ చేసుకోవచ్చు.