ధర రూ.19,990 కే Asus కొత్త ల్యాప్ టాప్ లాంచ్ అయింది! సేల్ వివరాలు

ప్రముఖ ల్యాప్ టాప్ తయారీ సంస్థ Asus క్రోమ్ బుక్ CX15 ల్యాప్‌టాప్ 15.6-అంగుళాల ఫుల్ హెచ్‌డి డిస్‌ప్లే, ఇంటెల్ సెలెరాన్ చిప్‌సెట్ మరియు గ్రాఫిక్స్ కార్డ్, హెచ్‌డి కెమెరా, 12 గంటల బ్యాటరీ బ్యాకప్ తో తక్కు ధరలో భారత మార్కెట్లో లాంచ్ చేయబడింది.

ASUS క్రోమ్ బుక్ CX15 స్పెసిఫికేషన్‌ల వివరాలు: ఈ ల్యాప్‌టాప్ 15.6-అంగుళాల (1920 x 1080 పిక్సెల్‌లు) ఫుల్ HD LED డిస్‌ప్లేను కలిగి ఉంది. ఇది బ్యాక్‌లిట్ యాంటీ గ్లేర్ డిస్‌ప్లే తో, ఈ డిస్ప్లే 220 నిట్స్ పీక్ బ్రైట్‌నెస్, 45% NTSC కలర్ గామట్‌తో వస్తుంది. ఈ ల్యాప్‌టాప్‌లో క్రోమ్ OS తో కూడిన ఇంటెల్ సెలెరోన్ N4500 చిప్‌సెట్ ఉంది. ఇది ఇంటెల్ UHD గ్రాఫిక్స్ 600 కార్డ్‌తో కూడా వస్తుంది. ఈ క్రోమ్ బుక్ ల్యాప్‌టాప్ 4GB RAM + 64GB మెమరీ మరియు 4GB RAM + 128GB మెమరీతో 2 వేరియంట్‌లలో అందుబాటులో ఉంది.

ఇందులో 8GB RAM + 64GB స్టోరేజ్ వేరియంట్ కూడా ఉంది. దీనికి పూర్తి-పరిమాణ ఎర్గోనామిక్ స్పిల్-రెసిస్టెంట్ కీబోర్డ్ అందించబడింది. ఈ కీబోర్డ్ 1.5mm కీ-ట్రావెల్ సపోర్ట్‌తో వస్తుంది. US MIL-STD 810H (US MIL-STD 810H) రక్షణ అందించబడింది. ఈ ఆసుస్ క్రోమ్ బుక్ ల్యాప్‌టాప్ వీడియో కాలింగ్ కోసం 720p రిజల్యూషన్‌తో HD కెమెరాను కలిగి ఉంది. అదేవిధంగా, ఇది కంబైన్డ్ హెడ్‌ఫోన్ మరియు మైక్రోఫోన్ జాక్, బిల్ట్-ఇన్ డ్యూయల్ స్పీకర్‌లతో వస్తుంది.

అలాగే, Asus క్రోమ్ బుక్ CX15 ల్యాప్‌టాప్ డ్యూయల్ బ్యాండ్ Wi-Fi 6, బ్లూటూత్ 5.2, 3.5mm హెడ్‌ఫోన్ జాక్, టైప్-A మరియు టైప్-C. USB పోర్ట్, మైక్రో SD కార్డ్ పోర్ట్ అందించబడ్డాయి. ఈ క్రోమ్ బుక్ ల్యాప్‌టాప్ 42wh మద్దతుతో రెండు-సెల్ బ్యాటరీతో వస్తుంది. ఈ బ్యాటరీని పూర్తిగా ఛార్జ్ చేసిన తర్వాత, ఇది 12 గంటల పాటు నిరంతర బ్యాకప్‌ను అందిస్తుంది. మొత్తంమీద ఈ క్రోమ్ ల్యాప్‌టాప్ బరువు 1.80 కిలోలు ఉండి, ట్రాన్స్‌పరెంట్ సిల్వర్ కలర్‌లో లభిస్తుంది.

ఈ Asus క్రోమ్ బుక్ ల్యాప్‌టాప్ యొక్క 4GB RAM + 64GB RAM మోడల్ ధర రూ. 19,990 గా నిర్ణయించారు. అదేవిధంగా 4 జీబీ ర్యామ్ + 128 జీబీ మెమరీ మోడల్ ధర రూ.20,990 గా, 8 జీబీ ర్యామ్ + 64 జీబీ మెమరీ మోడల్ ధర రూ.21,990 గా నిర్ణయించారు.

ఈ Asus క్రోమ్ బుక్ CX15 ల్యాప్‌టాప్ సెప్టెంబర్ 1 నుండి ఫ్లిప్‌కార్ట్ మరియు ASUS ఆన్‌లైన్ స్టోర్‌లో అమ్మకానికి అందుబాటులో ఉంది. ఈ Asus క్రోమ్ బుక్ CX15 ల్యాప్‌టాప్ పై ఫ్లిప్‌కార్ట్‌లో అదనంగా నిర్దిష్ట బ్యాంక్ కార్డ్‌లపై డిస్కౌంట్లను కూడా అందిస్తుంది. తక్కువ బడ్జెట్ ధరలో మంచి ల్యాప్‌టాప్ కోసం చూస్తున్న వారికి, ఈ Asus క్రోమ్ బుక్ CX15 ల్యాప్‌టాప్ మంచి ఎంపిక అవుతుంది.