‘అసస్ టఫ్’.. ఈ టాబ్లెట్ చాలా హాట్ గురూ!!

Posted By: Staff

‘అసస్ టఫ్’.. ఈ టాబ్లెట్ చాలా హాట్ గురూ!!

ప్రఖ్యాత బహుళ జాతీయ సాంకేతిక పరికరాల తయారీదారు ‘అసస్’ సాంకేతిక ప్రేమికులను ఆశ్చర్యచకితులను చేసే సరికొత్త ఆవిష్కరణకు నాంది పలకబోతుంది. ఇప్పటి వరకు అనేక రకాల టాబ్లెట్ పీసీలను మనం చూశాం. అయితే ఇప్పుడు ‘అసస్’ ప్రవేశపెట్టబోతున్న అత్యాధునిక ఆండ్రాయిడ్ ఆధారిత టాబ్లెట్ పటిష్ట వ్యవస్ధను కలిగి ఉంటుంది.

ఈ టాబ్లెట్ పీసీలో ఏర్పాటు చేసిన ప్రత్యేక ఫీచర్లను మీరు పరిశీలిస్తే అదరహో అనాల్సిందే. ధృడమైన వ్యవస్థతో రూపొందించబడిన 7 అంగుళాల ‘అసస్’ టాబ్లెట్ పీసీని, నీటిలో ముంచినా ఏటువంటి ప్రమాదం ఉండదు. టాబ్లెట్ డిస్ ప్లే భాగంలో ఏర్పాటు చేసిన ‘డస్ట్ రెసిస్టెంట్’, దుమ్ము, ధూళి నుంచి సంరక్షిస్తుంది. యాధృచ్ఛికంగా సంభవించే విద్యుత్ షాక్, తదితర ప్రమాదర వైబ్రేషన్లను ఈ ధృడమైన టాబ్లెట్ తట్టుకోగలదు.

ఇక ఫీచర్లను పరిశీలిస్తే, గూగుల్ ఆండ్రాయిడ్ హనీకూంబ్ 3.2 ఆపరేటింగ్ వ్యవస్ధ ఆధారితంగా ఈ టాబ్లెట్ పీసీ పనిచేస్తుంది. డ్యూయల్ కోర్ 1GHz NVIDIA టెగ్రా 2 ప్రొసెసర్‌ను టాబ్లెట్‌లో అనుసంధానించారు. ఈ గ్యాడ్జెట్ స్టోరేజి సామర్ధ్యం 16జీబీ. ఇంకా మెమరీ కావాలనుకున్నవారు ఎక్సప్యాండబుల్ మెమరీ ఎస్డీ‌ కార్డ్‌స్లాట్ ద్వారా వృద్ధి చేసుకోవచ్చు. ఆధునిక బ్లూటూత్, వై - ఫై ఆప్లికేషన్లు సమాచార వ్యవస్థను మరింత పటిష్టతం చేస్తాయి.

7 అంగుళాల మల్టీ టచ్‌స్ర్కీన్ డిస్‌ప్లే, 5 మెగా పిక్సల్ రేర్ కెమెరా వ్యవస్థలు వినియోగదారుడికి మరింత లబ్ధి చేకూరుస్తాయి. ఈ ఏడాది చివరిలో విడుదల కానున్న ఈ టాబ్లెట్ పీసీకి సంబంధించిన ధర విషయం తెలియాల్సి ఉంది.

Please Wait while comments are loading...
Opinion Poll

Social Counting