మనుషులను మోసుకెళ్లే సూట్‌కేస్

ప్రయాణాల సమయంలో ఇక పై మీరు లగేజీని మోసుకువెళ్లాల్సిన అవసరం ఉండదు. అదే మిమ్మల్సి తీసుకువెళ్లే పరిస్థితులు రాబోతున్నాయి. చైనాకు చెందిన హె లియాంగ్సాయ్ అనే ఔత్సాహిక శాస్త్రవేత్త ఓ వినూత్న సూట్‌కేస్‌కు రూపకల్పన చేసారు. ఈ సూట్‌కేస్‌ను అవసరమైనపుడు స్కూటర్‌లా మార్చుకోవచ్చు. ఇందుకుగాను ప్రత్యేకమైన మోటార్ వ్యవస్థను సూట్‌కేస్‌లో ఏర్పాటు చేసారు.
 

ఈ సూట్‌కేస్ స్కూటర్ బరువు 7 కేజీలు. ఇద్దరు మనుషునులు మోసుకెళ్లగలదు. అవసరం లేనపుడు స్కూటర్ హ్యాండీల్‌ను సూట్‌కేస్‌లోనికి నెట్టేయవచ్చు. ఈ స్కూటర్‌ను నియంత్రించేందుక ప్రత్యేకమైన బ్రేక్వ్యవస్థతో పాటు లైట్‌లను అమర్చారు. గంటకు 20 కిలో మీటర్ల వేగంతో ఈ స్కూటర్ ప్రయాణిస్తుంది. ఏర్పాటు చేసిన ప్రత్యేకమైన బ్యాటరీ స్కూటర్‌కు ఇంధన శక్తిని సమకూరుస్తుంది. బ్యటరీని పూర్తిగా ఛార్జ్ చేసినట్లయితే ఈ సూట్‌కేస్ స్కూటర్ పై 50 నుంచి 60 కిలో మీటర్ల వరకు ప్రయాణించవచ్చు. జీపీఎస్ నేవిగేషన్, తెఫ్ట్ అలారమ్ వంటి ప్రత్యేక ఫీచర్లను ఈ సూట్‌కేస్ స్కూటర్‌లో నిక్షిప్తం చేసారు.

వాస్తవానికి హె లియాంగ్సాయ్ ఓ రైతు.. ఈ సూట్‌కేస్ స్కూటర్‌ను తయారు చేసేందుకు ఆయనకు 10 సంవత్సరాల కాలం పట్టింది. గతంలో కారు భద్రత పై లియాంగ్సాయ్ రూపొందించిన ఓ వ్యవస్థకు అమెరికా ఓ అవార్డును ప్రకటించింది. అయితే ఆ అవార్డను అందుకోవటానికి వెళ్లిన లియాంగ్సాయ్ తన లగేజీని మర్చిపోయారు. ఆ సమయంలో ఆయనకు సూట్‌కేస్ స్కూటర్ తయారు చేయాలన్న ఆలోచన వచ్చింది.

మీరు ఎంపిక చేసుకోబోయే స్మార్ట్‌ఫోన్ ఇంకా ట్యాబ్లెట్ పీసీకి సంబంధించిన ధరలను ఇక్కడ క్లిక్‌చేసి చూసుకోండి.

వివిధ మోడళ్ల స్మార్ట్‌ఫోన్‌లకు సంబంధించిన ఫోటో గ్యాలరీల కోసం క్లిక్ చేయండి.