వస్తున్నాయ్... త్వరలో!!

ప్రముఖ గ్లోబల్ కంపెనీ సిస్కో (Cisco) టాబ్లెట్ పీసీల వ్యాపారంలోకి అడుగుపెట్టిన విషయం తెలిసిందే. గత అగస్ట్ లో ‘7 అంగుళాల స్క్ర్రీన్ సైజులో ఆండ్రాయిడ్ ఆధారిత టాబ్లెట్ పీసీని ప్రవేశపెట్టిన ఈ కొత్త బ్రాండ్ వచ్చే ఏడాది సరికొత్త ప్రభంజనానికి తెరలేపనుంది. ’

2012లో సిస్కో విడుదలచేయుబోతున్న మరిన్ని టాబ్లెట్ పీసీలలో ఆధునిక ఆండ్రాయిడ్ వర్షన్ ఐస్ క్రీమ్ శాండ్ విచ్ ఆపరేటంగ్ వ్యవస్థను లోడ్ చేస్తున్నట్లు విశ్వసనీయ వర్గాలు ఉటంకిస్తున్నాయి. అదేవిధంగా ‘అత్యాధునిక సెక్యూరిటీ వ్యవస్థ’లను ఈ గ్యాడ్జెట్లలో పొందుపరచనున్నట్లు తెలుస్తోంది.

అన్ని వర్గాలు వినియోగదారులు ముఖ్యంగా బిజినెస్ వర్గాలను మరింత ఉపకరించే విధంగా యూజర్ ఫ్రెండ్లీ మరియు ఫ్లెక్సీబుల్ ఫీచర్లను నిక్షిప్తం చేసినట్లు విశ్లేషణలు స్పష్టం చేస్తున్నాయి. ఈ టాబ్లెట్ పీసీల ధర ఇతర స్పెసిఫికేషన్ల వివరాలు తెలియాల్సి ఉంది. డిజిటెల్ ప్రపంచంలో రోజు రోజుకు చోటుచేసుకుంటున్న అనూహ్య మార్పుల నేపధ్యంలో సిస్కో కొత్త సంస్కరణలకు శ్రీకారం చుడుతున్నట్లు తెలుస్తోంది.