అమ్మకాల రికార్డ్‌ను బ్రేక్ చేస్తుందా..?

టాబ్లెట్ పీసీల అమ్మకాలలో రికార్డుల దిశగా పయనించిన ‘హెచ్‌పీ టచ్‌ప్యాడ్ టాబ్లెట్ పీసీ ’ మార్కెట్‌ను కుదిపేసిన విషయం తెలిసిందే. సక్సెస్ ఊపులో ఉన్న ఈ బ్రాండ్ 7 అంగుళాల డిస్‌ప్లే సైజ్‌తో మరో ఉత్తమ టాబ్లెట్‌ను విడుదల చేసేందుకు సన్నాహాలు చేస్తుంది. ‘హెచ్‌పీ ఓపల్’ వస్తున్న ఈ స్లిమ్ కంప్యూటింగ్ గ్యాడ్జెట్ ముఖ్య విశేషాలు:

* 7 అంగుళాల స్క్రీన్, * వెబ్ బేసిడ్ ఆపరేటింగ్ సిస్టం, * శక్తివంతమైన డ్యూయల్ కోర్ క్వాల్కమ్ APQ8060 ప్రాసెసర్, * ప్రాసెసర్ క్లాక్ వేగం 1.5 GHz,* 5 మెగా పిక్సల్ కెమెరా, * 3జి ఎఫ్ఎమ్ రేడియో.

టచ్‌ప్యాడ్ ఫీచర్లను పునికిపచ్చుకున్న ఓవల్ డిజైన్ విషయంలో ప్రత్యేకంగా ఆకట్టుకుంటుంది. డివైజ్ బ్యాక్ ప్యానల్ బ్లాక్ కలర్ ఫినిషింగ్‌తో ప్రొఫెషనల్ లుక్‌ను కలిగి ఉంటుంది. టాబ్లెట్ స్ర్కీన్ రేషియో 4:3, రిసల్యూషన్ 1024 x 768 పిక్సల్స్.  డివైజ్ ముందు భాగాన్ని పరిశీలిస్తే ఏర్పాటు చేసిన 7 అంగుళాల స్ర్కీన్ పూర్తిగా డామినేట్ చేస్తుంది.

మల్టీ టాస్కింగ్ యంత్రంలా ఈ డివైజ్ ఉపయోగపడుతుంది. బీట్స్ ఆడియో వ్యవస్థను టాబ్లెట్‌లో నిక్షిప్తం చేశారు. పీసీలో బుల్ట్ చేసిన స్పీకర్లు క్రిస్టల్ క్లియర్ ఆడియో అనుభూతికి లోను చేస్తాయి. అత్యాధునిక ఫీచర్లు, స్పెసిఫికేషన్‌లతో ఊరిస్తున్న ‘హెచ్‌పీ ఓపల్’ అతి త్వరలో వినియోగదారుల ముందుకు రానుంది.