‘ఆరు’ నెలల్లోనే ప్రమోషన్...?

జూన్ 2011లో విడుదలైన ‘హువావీ మీడియా ప్యాడ్’ టాబ్లెటీ పీసీకి ప్రమోషన్ లభించింది. ఆండ్రాయిడ్ హనీకూంబ్ ఆపరేటింగ్ సిస్టం, డ్యూయల్ కోర్ 1.2 GHz ప్రాసెసర్‌ వంటి బలమైన ఫీచర్లతో విడుదలైన ఈ కంప్యూటింగ్ డివైజ్ అప్పట్లో సంచలనాన్ని మూటగట్టుకుంది. టెక్నాలజీ మరింత వృద్థి చెందిన నేపధ్యంలో గ్యాడ్జెట్ పని వేగాన్ని పెంచుతూ ఆండ్రాయిడ్ హనీకూంబ్ ఆపరేటింగ్ సిస్టం స్థానంలో ఆండ్రాయిడ్ లేటెస్ట్ వర్షన్ ఐస్‌క్రీమ్ శాండ్‌విచ్ ఆపరేటింగ్ సిస్టంను అప్‌గ్రేడ్ చేశారు. ఈ టాబ్లెట్ ఇతర ఫీచర్లను పరిశీలిస్తే..

7 అంగుళాల గ్లేర్ ఐపీఎస్ ఎల్‌సీడీ డిస్‌ప్లే పటిష్టమైన రిసల్యూషన్‌తో హై క్వాలిటీ విజువల్స్‌ను విడుదల చేస్తుంది. టాబ్లెట్ వెనుక భాగంలో ఏర్పాటు చేసిన 5 మెగా పిక్సల్ కెమెరా మన్నికైన క్లారిటీతో వీడియోను రికార్డ్ చేస్తుంది. ఫ్రంట్ కెమెరా 1.3 మెగా పిక్సల్. పొందుపరిచిన వై-ఫై వ్యవస్థ డివైజ్ ఇంటర్నెట్ వేగాన్ని మరింత పుంజుకునేలా చేస్తుంది. HSDPA నెట్‌వర్క్ డౌన్‌లోడ్ వేగం 14.4 Mbps. నిక్షిప్తం చేసిన ఇంటిగ్రేటెడ్ బ్లూటూత్ వేగవంతమైన డేటా ట్రాన్స్‌ఫరింగ్‌కు దోహదపడుతుంది.

పిసీకి ఈ తాజా అప్‌డేట్ మరింత బలాన్ని చేకూరుస్తుంది. ఇన్‌బుల్ట్ చేసిన మరిన్న అప్లికేషన్‌లు వినియోగదారుడి కంప్యూటింగ్ అవసరాలను పూర్తి స్థాయిలో తీరుస్తాయి. అప్‌డేటెడ్ హువావీ మీడియా ప్యాడ్ ఇండియన్ మార్కెట్ ధర రూ.29,000 ఉండొచ్చని మార్కెట్ వర్గాలు అంచనా వేస్తున్నాయి.