స్టీవ్‌ జాబ్స్ భర్త్‌డే గిఫ్ట్ ఇదేనా..?

టెక్ ప్రపంచానికి తీరని శోకాన్ని మిగిల్చిన ఆపిల్ ఫౌండర్ దివంగత స్టీవ్ జాబ్స్ పుట్టిన రోజు వేడుకలు దగ్గర పడుతున్నాయి. ఫిబ్రవరి 14న జరిగే వేడుకులను ఘనంగా నిర్వహించేందుకు ఆపిల్ కసరత్తులు చేస్తున్నట్లు తెలుస్తోంది. ఈ టెక్ రారాజు భర్త్‌డే గిఫ్ట్‌గా ‘ఐప్యాడ్ 3’ని లాంఛ్ చేసే యోచనలో ఆపిల్ వర్గాలు భావిస్తున్నట్లు తెలుస్తోంది. అనుకన్న దాని ప్రకారం ఈ నెల 9న లాస్‌వేగాస్‌లో జరిగే ‘కన్స్యూమర్ ఎలక్ట్రానిక్ షో’లో ‘ఐప్యాడ్ 3’ను ఎగ్జిబిట్ చేయ్యాల్సి ఉంది. అయితే అనివార్య కారణాల వల్ల ఈ ప్రదర్శన వాయిదా పడింది.

‘ఐప్యాడ్ 3’ విడుదల సమయం దగ్గర పడుతున్న నేపధ్యంలో అటు అభిమానులు, ఇటు మార్కెట్ వర్గాల్లో అంచనాలు తారాస్థాయికి చేరుకున్నాయి. ఈ ఉత్కంఠను మరింత పెంచుతూ ‘ఐప్యాడ్ 3’ పై రోజుకో పుకారు పుట్టుకొస్తుంది. తాజాగా మరో గుసగుస వెబ్ ప్రపంచంలో హల్‌చల్ చేస్తుంది. ఆపిల్ గ్యాడ్జెట్‌లకు విడిభాగాలను సమకూర్చే వారి నుంచి ఈ రూమర్ వ్యాప్తించందటంతో ఆసక్తి మరింత పెరిగింది.

అత్యాధునిక ‘IGZO’ డిస్‌ప్లే ప్యానల్‌ను ఐప్యాడ్3‌లో ఏర్పాటు చేసినట్లు ‘డిగిటైమ్స్’ సంచలన వివరాలను వెల్లడించిది. ఇప్పటి వరకు ఆపిల్ ద్వారా విడుదలైన ఐప్యాడ్, ఐప్యాడ్ 2, ఐ ఫోన్ 4, ఐఫోన్ 4Sలలో ఇన్ - ప్లెయిన్ స్విచ్చింగ్ డిస్‌ప్లే ప్యానల్ వ్యవస్థను ఏర్పాటు చేశారు. (ఇండియమ్ గాలియమ్ జింక్ ఆక్సైడ్’గా పిలవబడే IGZO డిస్‌ప్లే పిక్సల్ సాంద్రత అంగుళానికి 330 పిక్సల్స్. ఈ ఆధునిక డిస్‌ప్లే రెట్టింపైన పనితీరు కలిగి తక్కువ పవర్‌ను ఖర్చు చేస్తుంది.