సోనీ నుంచి అల్ట్రా హైస్పీడ్ మెమరీ కార్డులు

సురక్షితమైన డేటా స్టోరేజ్ ఇంకా వేగవంతమైన డేటా ట్రాన్స్‌ఫర్ వ్యవస్థతో కూడిన సరికొత్త అల్ట్రా హైస్పీడ్ ఎస్డీ కార్డులను సోనీ ఇండియా మార్కెట్లో విడుదల చేసింది. యూజెడ్ (UZ) సిరీస్ నుంచి విడుదలైన ఈ ఎస్డీ కార్డ్‌లను.. కెమెరా అలానే స్మార్ట్‌ఫోన్‌ అవసరాలకు ఉపయోగించుకోవచ్చు. 32 ఇంకా 64జీబి స్టోరేజ్ వేరియంట్‌లలో ఈ కార్డులను అందుబాటులో ఉంచారు. డేటా ట్రాన్స్‌ఫర్ వేగం 95ఎంబీ/ఎస్ (రీడ్), 90ఎంబీ/ఎస్ (రైట్). ప్రత్యేకమైన సోనీ ఫైల్ రెస్క్యూ సాఫ్ట్‌వేర్‌ను ఈ మెమరీ కార్డ్‌లు కలిగి ఉన్నాయి.

ఈ టెక్నాలజీ సాయంతో మెమరీ కార్డ్‌లో అనుకోకుండా డిలీట్ అయిన డేటాను తిరిగి రికవర్ చేసుకోవచ్చు. అన్ని రకాల ప్రతికూల వాతావరణాలను ఈ ఎస్డీ కార్డులు తట్టుకుంటాయి. 32జీబి వర్షన్ (SF-32UZ/T1) సోనీ యూహెచ్ఎస్ - 1 యూ3 మెమరీ కార్డ్ ధర రూ.5,339, 64జీబి వర్షన్ (SF- 64UZ/T1) సోనీ యూహెచ్ఎస్ - 1 యూ3 మెమరీ కార్డ్ ధర రూ.9,942. దేశ వ్యాప్తంగా ఉన్న అన్ని సోనీ సెంటర్లు అలానే ప్రముఖ ఎలక్ట్రానిక్ స్టోర్‌లలో ఈ అల్ట్రా హైస్పీడ్ మెమెరీ కార్డులు లభ్యమవుతాయి.

మీరు ఎంపిక చేసుకోబోయే స్మార్ట్‌ఫోన్ ఇంకా ట్యాబ్లెట్ పీసీకి సంబంధించిన ధరలను ఇక్కడ క్లిక్‌చేసి చూసుకోండి.

వివిధ మోడళ్ల స్మార్ట్‌ఫోన్‌లకు సంబంధించిన ఫోటో గ్యాలరీల కోసం క్లిక్ చేయండి.