బ్లూస్మార్ట్ సూట్‌కేస్: ప్రయాణంలో మీకు పర్సనల్ అసిస్టెంట్

ఆధునిక సాంకేతిక పోకడలతో ముందుకు సాగుతున్న మనిషి నిత్యం కొత్త ఆవిష్కరణలతో సంచలనాలు సృష్టిస్తున్నాడు. తాజాగా చోటుచేసుకున్న మరో ఆవిష్కరణ సాంకేతిక ప్రపంచాన్నే అబ్బురపరుస్తోంది.

Image source: indiegogo.com

బ్లూస్మార్ట్ అనే ప్రముఖ టెక్నాలజీ స్టార్టప్ ప్రపంచపు మొట్టమొదటి స్మార్ట్ కనెక్టువిటీ ప్రయాణ సూట్‌కేస్‌ను తయారు చేసింది. ప్రోటోటైప్ దశలో ఉన్న ఈ స్మార్ట్ ట్రావెల్ బ్యాగ్‌ను యాపిల్ అలానే ఆండ్రాయిడ్ స్మార్ట్‌ఫోన్‌లకు కనెక్ట్ చేసుకోవచ్చు.

బ్లూస్మార్ట్ క్యారీ‌ఆన్ స్మార్ట్ సూట్‌కేస్ ప్రత్యేకతలు:

- సూట్‌కేస్‌ను ఆండ్రాయిడ్ ఇంకా యాపిల్ ఫోన్‌లకు కనెక్ట్ చేసుకుని నియంత్రించుకునే సౌకర్యం,
- పటిష్టమైన సెక్యూరిటీ ఫీచర్లతో కూడిన డిజిటిల్ లాక్ సిస్టం,
- శక్తివంతమైన ఇన్‌బుల్ట్ బ్యాటరీ (మీ స్మార్ట్‌డివైస్‌లను 6సార్లు పూర్తిగా చార్జ్ చేసుకోవచ్చు),
- ప్రాక్సిమిటీ సెన్సార్,
- సూట్‌కేస్ ఎక్కడ ఉన్నా ఇట్టే కనిపెట్టేందుకు లొకేషన్ ట్రాకింగ్ ఫీచర్,
- మీరు చేసే ప్రయాణాలకు సంబంధించి సమగ్రమైన సమాచారాన్ని ఈ స్మార్ట్ సూట్‌కేస్ తన ట్రిప్ ట్రాకింగ్ ఫీచర్‌లో నిక్షిప్తం చేస్తుంది,

- బిల్ట్-ఇన్ డిజిటల్ స్కేల్ (ఈ ఫీచర్ ద్వారా సూట్‌కేస్ తన బరువును తానే తూకం వేసుకుని మీకు ఆ సమాచారాన్నితెలుపుతుంది).

ఆధునిక ప్రయాణ అవసరాలకు అనుగుణంగా డిజైన్ కాబడిన బ్లూస్మార్ట్ క్యారీ ‌ఆన్ స్మార్ట్ సూట్‌కేస్‌‌లు ప్రస్తుతం లిమిటెడ్ ఎడిషన్‌లో మాత్రమే లభ్యమవుతున్నాయి. ధర 250 డాలర్లు.