Incognito modeలో చేసే వెబ్ బ్రౌజింగ్ సురక్షితమేనా..?

నెటిజనుల అభిప్రాయాలను తెలుసుకునేందుకు..

Incognito mode వినియోగం పట్ల నెటిజనులకు ఉన్న అభిప్రాయాలను తెలుసుకునే క్రమంలో అమెరికా అలానే జర్మనీకి చెందిన ప్రముఖ రిసెర్చర్ల బృందం ఓ ప్రత్యేకమైన స్టడీని కండక్ట్ చేసింది. ఈ స్టడీలో మొత్తం 450 మంది పాల్గొనగా, వారిలో ఒక్కొక్కరికి ఒక్కో టాస్కును రిసెర్చర్లు అసైన్ చేసారు. ఈ టాస్క్‌లో భాగంగా తమకు అసైన్ చేసిన పనులను వారు ఇన్‌కాగ్నిటో మోడ్‌లో పూర్తి చేయవల్సి ఉంటుంది. టాస్క్స్ పూర్తయిన అనంతరం స్టడీ ఫలితాలను విశ్లేషణ చేసిన రిసెర్చర్ల బృందం పలు ఆసక్తికర అభిప్రాయాలను సేకరించగలిగింది.

వేరు వేరు అభిప్రాయాలు..

ఈ స్టడీలో పాల్గోన్న 56.3% మంది ఇన్‌కాగ్నిటో మోడ్‌‌లో తాము చేసిన సెర్చ్ డేటా ఏ మాత్రం సేవ్ కాలేదని అభిప్రాయపడగా, 40.2% మంది మాత్రం ఇన్‌కాగ్నిటో మోడ్‌‌లో తమ లొకేషన్‌ను ఏ వెబ్‌సైట్ కూడా ట్రాక్ చేయలేదని నమ్మారు. మరో 22 నుంచి 37% మంది మాత్రం ఇన్‌కాగ్నిటో మోడ్‌‌లో తాము బ్రౌజ్ చేస్తున్నపుడు కంపెనీలు లేదా థర్డ్ పార్టీ సర్వీసులు డేటాను ఏ విధంగానూ యాక్సెస్ చేసుకోలేకపోయాయని అన్నారు. ఈ స్టడీలో పాల్గొన్న కొద్ది శాతం మంది మాత్రం ఇన్‌కాగ్నిటో మోడ్‌‌లో బ్రౌజ్ చేస్తునపుడు వైరస్ ప్రొటెక్షన్ బాగా పెరిగిందని తెలిపింది.

ఎవరికి తెలియదనుకుంటే పొరబడినట్లే...

వాస్తవానికి Incognito mode ద్వారా మీరు చేసే వెబ్ బ్రౌజింగ్ హిస్టరీ ఎవరికి తెలియదనుకుంటే పొరబడినట్లే. ఈ ప్రైవేటు బ్రౌజింగ్ మోడ్ ద్వారా మీరు చేసే బ్రౌజింగ్ హిస్టరీ లోకల్ డ్రైవ్‌లో మాత్రమే సేవ్ కాదు. మీ ఇంటర్నెట్ సర్వీస్‌ను మానిటర్ చేసేవారి డ్రైవ్‌లో బ్రౌజింగ్ హిస్టరీ మొత్తం సేవ్ అవుతుంది.

పూర్తిగా దాచబడినట్లు కాదు...

Incognito mode ద్వారా మీరు చేసే డౌన్‌లోడ్స్ అన్ని, మీ లోకల్ డ్రైవ్‌లోనే స్టోర్ అవుతాయి. ఇన్‌కాగ్నిటో అంటే దాచబడినా అని అర్థం. అలా అని పూర్తిగా దాచబడినట్లు కాదు. పలు కార్పొరేట్ కంపెనీలు పర్యవేక్షణ బృందం సహాయంతో ప్రైవేట్ బ్రౌజింగ్ సెషన్‌లో తమతమ ఉద్యోగుల విజిట్ చేసిన యూఆర్ఎల్స్ ను యాక్సెస్ చేసుకోగలుగుతున్నాయి.