భారత్‌లోనే డేటా సెంటర్‌ను ఏర్పాటు చేస్తాం : జియోమీ

జియోమీ స్మార్ట్‌ఫోన్‌లలో సెక్యూరిటీ పరమైన లోపాలున్నట్లు భారత వైమానిక దళం హెచ్చరికలు జారీ చేసిన నేపధ్యంలో సదరు చైనా మొబైల్ ఫోన్‌ల తయారీ కంపెనీ అప్రమత్తమైంది. ఈ క్రమంలో, తమ స్మార్ట్‌ఫోన్‌ల పై నెలకున్న అనుమానాలను నివృత్తి చేసే యత్నాలను జియోమీ ప్రారంభించింది. తాజా వివాదం నేపథ్యంలో తమ క్లౌడ్ డేటా సెంటర్‌ను భారత్‌లోనే ఏర్పాటు చేయనున్నట్లు జియోమీ ప్రకటించింది.

డేటా సెంటర్‌ను భారత్‌లోనే నెలకొల్పటం వల్ల ఇక్కడి వినియోగదారుల డేటా భద్రతకు ఏ విధమైన ఇబ్బందులు తలెత్తవని జియోమీ భావిస్తోంది. ఈ అంశం పై జియెమీ సంస్థ అధ్యక్షుడు హ్యూగో బెర్రా స్పందిస్తూ అమెజాన్.కామ్ భాగస్వామ్యంతో భారత్‌లో వచ్చే ఏడాది ఏర్పాటు చేయనున్న ఈ డేటా సెంటర్‌కు ‘యాపిల్ ఆఫ్ చైనా' అని నామకరణం చేస్తామని తెలిపారు. ఇప్పటికే తమ ఖాతాదారుల డేటాను చైనా నుంచి యూఎస్, సింగపూర్ సర్వర్లకు తరలించే కార్యక్రమాన్ని జియోమీ చేపట్టిందని హ్యూగో బెర్రా ఈ సందర్భంగా గుర్తు చేసారు.

బడ్జెట్ ఫ్రెండ్లీ ధర ట్యాగ్‌లతో లభ్యమవుతోన్న జియోమీ స్మార్ట్‌ఫోన్‌లకు భారత్ మార్కెట్లో మంచి గిరాకీనే ఉంది. ఇండియన్ మార్కెట్లో వారానికి లక్ష స్మార్టో‌ఫోన్‌లను విక్రయించేలానే లక్ష్యంతో ముందుకు సాగుతోన్న జియోమీకి ఈ వివాదం పెద్ద ఎదురుదెబ్బేనని విశ్లేషకులు అంచనావేస్తున్నారు.

మీరు ఎంపిక చేసుకోబోయే స్మార్ట్‌ఫోన్ ఇంకా ట్యాబ్లెట్ పీసీకి సంబంధించిన ధరలను ఇక్కడ క్లిక్‌చేసి చూసుకోండి.వివిధ మోడళ్ల స్మార్ట్‌ఫోన్‌లకు సంబంధించిన ఫోటో గ్యాలరీల కోసం క్లిక్ చేయండి.