6.9 అంగుళాల డిస్‌ప్లే, 50MP కెమెరా, 6000mAh బ్యాటరీ 5G స్మార్ట్‌ఫోన్‌పై డిస్కౌంట్‌!

పోకో సంస్థ భారత్ మార్కెట్‌ లో ఈ సంవత్సరం జనవరి నెలలో పోకో M8 5G స్మార్ట్‌ఫోన్‌ లాంచ్ అయింది. బడ్జెట్ ధరలో అందుబాటులోకి వచ్చింది. ఈ ఫోన్ 3D కర్వడ్‌ డిస్‌ప్లే, స్నాప్‌డ్రాగన్ 6 జెన్‌ 3 చిప్‌, ఆండ్రాయిడ్ 15 ఆధారిత OS పైన పనిచేస్తోంది. 50MP కెమెరా, 5520mAh బ్యాటరీతో పనిచేస్తోంది. అయితే గత డిసెంబర్ నెలలో విడుదల అయిన పోకో C85 5G స్మార్ట్‌ఫోన్‌ ను ప్రస్తుతం డిస్కౌంట్ ధరకు కొనుగోలు చేయవచ్చు. ఈ ఫోన్ 50MP కెమెరా, 6000mAh బ్యాటరీ వంటి ఆకట్టుకొనే స్పెసిఫికేషన్లను కలిగి ఉంది. ఈ ఫోన్ పూర్తి స్పెసిఫికేషన్‌లు, ఫీచర్ల వివరాలు.

భారత్‌ మార్కెట్‌ లో పోకో C85 5G స్మార్ట్‌ఫోన్‌ (Poco C85 5G Smartphone Price cut) విడుదల సమయంలో 4GB ర్యామ్‌ + 128GB స్టోరేజీ ధర రూ.11999, 6GB ర్యామ్ + 128GB స్టోరేజీ ధర రూ.12999, 8GB ర్యామ్ + 128GB స్టోరేజీ ధర రూ.14499 గా ఉండేది.

రూ.1000 డిస్కౌంట్‌ :
ప్రస్తుతం ఫ్లిప్‌కార్ట్‌ (Flipkart) మూడు వేరియంట్స్‌ ను డిస్కౌంట్ ధరకు కొనుగోలు చేయవచ్చు. ఈ ఫోన్‌లను వరుసగా రూ.10999, రూ.11999, రూ.13499 ధరకు కొనుగోలు చేయవచ్చు. అంటే కేవలం రెండు నెలల్లోనే రూ.1000 డిస్కౌంట్ ధరకు అందుబాటులోకి వచ్చింది. దీంతోపాటు బ్యాంకు కార్డులపై అదనపు డిస్కౌంట్‌ ను కూడా పొందవచ్చు.

భారీ డిస్‌ప్లే :
పోకో C85 5G స్మార్ట్‌ఫోన్‌ 6.9 అంగుళాల HD+ LCD డిస్‌ప్లేను కలిగి ఉంది. ఈ డిస్‌ప్లే 120Hz రీఫ్రెష్‌ రేట్‌, 810 నిట్స్‌ పీక్‌ బ్రైట్‌నెస్‌ ను కలిగి ఉంది. దీంతోపాటు TUV Low Blue లైట్‌, TUV సర్కాడియన్‌, TUV ఫ్లిక్కర్‌ ఫ్రీ సర్టిఫికేషన్లను కలిగి ఉంది.

4 సంవత్సరాల వరకు అప్‌డేట్స్ :
ఈ హ్యాండ్‌సెట్ మీడియాటెక్‌ డైమెన్సిటీ 6300 చిప్‌సెట్‌ ను కలిగి ఉంది. ఆండ్రాయిడ్ 15 ఆధారిత HyperOS పైన పనిచేస్తోంది. ఈ ఫోన్ 2 ఆండ్రాయిడ్ OS అప్‌డేట్స్, 4 సంవత్సరాల వరకు సెక్యూరిటీ అప్‌డేట్స్‌ ను పొందుతుంది.

50MP కెమెరా, 6000mAh బ్యాటరీ :
కెమెరా విభాగం పరంగా 50MP AI ప్రైమరీ కెమెరా, మరో లెన్స్‌ ఉంది. దీంతోపాటు LED ఫ్లాష్ లైట్‌ ఉంది. వీటితోపాటు 8MP సెల్ఫీ కెమెరాను కలిగి ఉంది. ఈ హ్యాండ్‌సెట్‌ 33W ఫాస్ట్‌ ఛార్జింగ్‌ సపోర్టుతో 6000mAh బ్యాటరీతో పనిచేస్తోంది.

కనెక్టివిటీ పరంగా 5G, 4G LTE, బ్లూటూత్ 5.4, వైఫై, 3.5mm ఆడియో జాక్‌, USB-C ఛార్జింగ్‌ పోర్టును కలిగి ఉంది. ఈ ఫోన్ డ్యూయల్‌ టోన్‌ ఫినిష్‌ ను కలిగి ఉంది. IP64 రేటింగ్‌ తో డస్ట్‌, వాటర్‌ రెసిస్టెంట్‌ గా ఉంది. ఈ ఫోన్ మిస్టిక్‌ పర్పుల్‌, పవర్‌ బ్లాక్‌, స్ప్రింగ్‌ గ్రీన్‌ కలర్‌ వేరియంట్స్‌ లో లభిస్తోంది.