ధర రూ.19999 5G ఫోన్‌ను రూ.14999 కే కొనుగోలు చేయవచ్చు.. 6000mAh బ్యాటరీ, 50MP కెమెరా సహా..!

శాంసంగ్‌ గెలాక్సీ M35 5G స్మార్ట్‌ఫోన్‌ (Samsung Galaxy M35 5G Smartphone) గత సంవత్సరం జులైలో భారత్ మార్కెట్‌లో విడుదల అయింది. ఈ హ్యాండ్‌సెట్‌ మిడ్‌రేంజ్‌లో అందుబాటులోకి వచ్చింది. ఈ ఫోన్‌ 6000mAh బ్యాటరీ, 50MP కెమెరా, ఫుల్‌ HD+ డిస్‌ప్లేను కలిగి ఉంది. ప్రస్తుతం ఈ స్మార్ట్‌ఫోన్‌ భారీ డిస్కౌంట్ ధరకు కొనుగోలు చేయవచ్చు. ఈ ఫోన్‌ పూర్తి స్పెసిఫికేషన్‌లు, ఫీచర్‌ల వివరాలు మీకోసం.

రూ.5000 డిస్కౌంట్‌ :
శాంసంగ్‌ గెలాక్సీ M35 5G హ్యాండ్‌సెట్‌ విడుదల సమయంలో 6GB ర్యామ్ + 128GB స్టోరేజీ ధర రూ.19999 గా ఉంది. ప్రస్తుతం అమెజాన్‌లో రూ.14999 కే కొనుగోలు చేయవచ్చు. అంటే రూ.5000 డిస్కౌంట్‌ను పొందవచ్చు. మరియు 8GB ర్యామ్ + 128GB స్టోరేజీ వేరియంట్ ధర రూ.21499 కి విడుదల కాగా.. ప్రస్తుతం రూ.16499 కే సొంతం చేసుకోవచ్చు.

కలర్‌ వేరియంట్స్‌ :
అదే 8GB ర్యామ్ + 256GB స్టోరేజీ వేరియంట్‌ ధర రూ.24499 కి విడుదల కాగా ప్రస్తుతం రూ.19499 కి కొనుగోలు చేయవచ్చు. ఈ హ్యాండ్‌సెట్‌ మూన్‌లైట్‌ బ్లూ, డే బ్రేక్‌ బ్లూ, థండర్‌ గ్రే కలర్‌ వేరియంట్స్‌లో ప్రస్తుతం కొనుగోలు చేసేందుకు అందుబాటులో ఉంది.

ప్రాసెసర్‌, OS :
గెలాక్సీ M35 5G స్మార్ట్‌ఫోన్‌ ఆక్టాకోర్‌ Exynos 1380 చిప్‌సెట్‌తో పనిచేస్తుంది. గ్రాఫిక్స్‌ టాస్క్‌ల కోసం కోసం Mali G68 MP5 GPU ప్రాసెసర్‌ను కూడా కలిగి ఉంది. ఈ హ్యాండ్‌సెట్‌ ఆండ్రాయిడ్‌ 14 ఆధారిత One UI 6 OS ను కలిగి ఉంది. వేపర్‌ కూలింగ్ ఛాంబర్‌ను కలిగి ఉంది.

భారీ బ్యాటరీ :
ఈ హ్యాండ్‌సెట్‌ 4 ఆండ్రాయిడ్‌ OS అప్‌డేట్స్‌తోపాటు 5 సంవత్సరాల వరకు సెక్యూరిటీ అప్‌డేట్స్‌ను పొందుతుందని శాంసంగ్‌ వెల్లడించింది. ఈ శాంసంగ్ స్మార్ట్‌ఫోన్ 25W ఫాస్ట్‌ ఛార్జింగ్‌ సపోర్టుతో 6000mAh బ్యాటరీతో పనిచేస్తోంది.

ఈ స్మార్ట్‌ఫోన్ 120Hz రీఫ్రెష్‌ రేట్‌తో 6.6 అంగుళాల FHD+ (1080*2340 పిక్సల్స్‌) సూపర్‌ అమోలెడ్ డిస్‌ప్లేను కలిగి ఉంది. 1000 నిట్స్‌ గరిష్ఠ బ్రైట్‌నెస్‌తో అందుబాటులోకి వచ్చింది. ఈ డిస్‌ప్లే కార్నింగ్ గొరిల్లా గ్లాస్‌ విక్టస్‌ ప్లస్‌ రక్షణను పొందుతుంది.

ఈ గెలాక్సీ హ్యాండ్‌సెట్ వెనుక వైపు ట్రిపుల్‌ కెమెరాలను కలిగి ఉంది. f/1.8 అపేచర్‌, OIS సపోర్టుతో 50MP ప్రైమరీ కెమెరాను కలిగి ఉంది. f/2.2 అపేచర్‌తో అల్ట్రావైడ్‌ యాంగిల్‌ కెమెరా, f/2.4 అపేచర్‌తో మ్యాక్రో యాంగిల్‌ కెమెరాను కలిగి ఉంది. f/2.2 అపేచర్‌తో 13MP సెల్ఫీ కెమెరాను అమర్చారు. ఈ కెమెరాలతో 30fps వద్ద అల్ట్రా HD రిజల్యూషన్‌తో వీడియోలను రికార్డు చేయవచ్చు.

ఈ హ్యాండ్‌సెట్‌ Knox సెక్యూరిటీ, డాల్బీ అట్మాస్‌ సపోర్టుతో స్టీరియో స్పీకర్‌లను కలిగి ఉంది. కనెక్టివిటీ కోసం 5G, 4G VoLTE, WiFi 6, బ్లూటూత్ 5.3, GPS, NFC, USB-C ఛార్జింగ్ పోర్టును కలిగి ఉంది. భద్రత కోసం సైడ్‌ మౌంటెడ్‌ ఫింగర్‌ ప్రింట్‌ సెన్సార్‌తో అందుబాటులో ఉంది.