ఎంఐ ప్రియులకు శుభవార్త.. పవర్ బ్యాంక్ పై డిస్కౌంట్లు

రెండు పవర్ బ్యాంకుల విశిష్టతలను చూస్తే.....

ఇక ఈ రెండు పవర్ బ్యాంకుల విశిష్టతలను చూస్తే 10000 ఎంఏహెచ్ మరియు 20000 ఎంఏహెచ్ రెండూ కూడా మేకిన్ ఇండియా ఇనిషియేటివ్ భాగంగానే స్థానికంగా తయారుచేశారు. వీటికి రెండు చొప్పున యూఎస్‌బీ ఔట్ పుట్స్ ఉన్నాయి. అలాగే లిథియం పాలిమర్ బ్యాటరీలను అమర్చారు. అలాగే వీటిలో టెక్సాస్ ఇన్‌స్ట్రూమెంట్స్ స్మార్ట్ కంట్రోల్ చిప్స్ ను పొందుపర్చారు. 10000 ఎంఏహెచ్ పవర్ బ్యాంకులో మెటాలిక్ డబుల్ అనొడైజ్డ్ డిజైన్ ఉంటే దీని మందం 14.2 ఎంఎంగా ఉంది. అలాగే దీని బరువు 245 గ్రాములు. ఇక 20000ఎంఏహెచ్ విషయానికి వస్తే పాలికార్పోనేట్ కేస్ తో పాటు బరువు 358 గ్రాములుగా ఉంది.

ఒక్కసారి చార్జ్ చేస్తే.....

అలాగే 10000 ఎంఏహెచ్ పవర్ బ్యాంకును ఒక్కసారి చార్జ్ చేస్తే మొత్తం 2.5 సార్లు పూర్తిగా స్థాయిలో 3000 ఎంఏహెచ్ బ్యాటరీ ఫోన్ ను చార్జ్ చేయవచ్చు. ఇక 20000ఎంఎహెచ్ లో క్విక్ చార్జ్ 3.0 టెక్నాలజీని వాడటం ద్వారా వేగంగా చార్జింగ్ పొందే సదుపాయాన్ని కల్పించారు.

మేకిన్ ఇండియాలో భాగంగా....

అలాగే ఎంఐ కు చెందిన పవర్ బ్యాంకులను షియోమీ ఇప్పటికే మేకిన్ ఇండియాలో భాగంగా దేశీయంగా ఉత్పత్తిని తయారు చేసింది. ఇప్పటికే ఆంధ్రప్రదేశ్ లోని శ్రీ సిటీలో రెండు స్మార్ట్ ఫోన్ మాన్యు ఫాక్చరింగ్ యూనిట్లను ఏర్పాటు చేశారు. ముఖ్యంగా పవర్ బ్యాంకుల తయారీకి స్థానికంగా తయారు చేసేందుకు చైనాలోని షెంజెన్ కు చెందిన హైపాడ్ టెక్నాలజీతో భాగస్వామ్య ఒప్పందం కుదుర్చుకొని ఉత్పత్తి ప్రారంభించారు. దీంతో పాటు నోయిడాలో సైతం మూడో మాన్యుఫాక్చరింగ్ యూనిట్ ను షియోమి ప్రారంభించింది. ఈ కొత్త యూనిట్ లో ప్రతీ నిమిషానికి వక పవర్ బ్యాంకు తయారు చేసే సామర్థ్యంతో ప్లాంటును ఏర్పాటు చేశారు. పవర్ బ్యాంకులకు సంబంధించిన నాణ్యతా ప్రమాణాలు గుర్తించడంతో పాటు డుప్లికేట్ల తయారీని అరికట్టేందుకు షియోమీ ప్రత్యేక రక్షణాత్మక చర్యలు చేపడుతోంది. ఇందులో భాగంగా ప్రత్యేక హోలోగ్రామ్, సెక్యూరిటీ కోడ్ ను జత చేస్తున్నారు. తద్వారా జెన్యూన్ మోడల్స్ ను గుర్తించే వీలుంది. దీంతో పాటు షియోమీ పెద్ద ఎత్తున మరిన్ని ప్రొడక్టులను భారత్ లో తయారు చేసి లాంచ్ చేసేందుకు ప్రయత్నాలు మొదలు పెట్టింది.