సోలార్‌ ప్యానళ్లతో పవర్‌ బ్యాంక్.. తక్కువ బరువు, మడతపెట్టేందుకు వీలున్న డిజైన్ సహా ఎన్నో ప్రత్యేకతలు..!

ప్రముఖ ఎలక్ట్రానిక్స్‌ గ్యాడ్జెట్‌ ల తయారీ సంస్థ అంబ్రేన్‌ వినూత్నమైన పవర్‌ బ్యాంక్‌ ను విడుదల చేసింది. తొలిసారిగా సోలార్‌తో ఛార్జింగ్‌ అయ్యేలా పవర్‌ బ్యాంక్‌ ను అందుబాటులోకి తీసుకొచ్చింది. అంబ్రేన్‌ సోలార్ 10k పేరుతో భారత్‌లో లాంచ్‌ చేసింది. ఈ పవర్ బ్యాంక్‌ ఫోర్‌ ఫోల్డ్‌ సోలార్‌ ప్యానల్‌ డిజైన్‌ను కలిగి ఉంది. దీంతోపాటు తేలికపాటి డిజైన్‌ను కలిగి ఉంటుందని సంస్థ చెబుతోంది. అత్యవసర పరిస్థితుల్లో ఉపయోగపడేలా ప్రత్యేక ఏర్పాట్లు ఇందులో ఉన్నాయని సంస్థ చెబుతోంది. విమాన ప్రయాణాల్లోనూ ఈ పవర్‌ బ్యాంక్‌ను వినియోగించుకొనేందుకు వీలుందని సంస్థ చెబుతోంది. ప్రస్తుతం కొనుగోలు చేసేందుకు ఈ సోలార్‌ పవర్‌ బ్యాంక్‌ అందుబాటులో ఉందని తెలిపింది.

అంబ్రేన్‌ సోలార్‌ 10k పవర్‌ బ్యాంక్‌ స్పెసిఫికేషన్‌లు, ఫీచర్‌లు :
ఈ అంబ్రేన్ పవర్‌ బ్యాంక్ మడతపెట్టేందుకు వీలున్న (Folding Solar Panels) సోలార్‌ ప్యానళ్లను కలిగి ఉంది. మరియు తక్కువ బరువుతో ఎక్కడికైనా సులభంగా తీసుకెళ్లేందుకు అనువుగా ఉంటుంది. ఈ సోలార్‌ 10k పవర్‌ బ్యాంక్‌ మల్టీ లేయర్‌ ను కలిగి ఉంటుంది. ఫలితంగా ఓవర్‌హీట్‌, ఓవర్‌ ఛార్జింగ్‌ సహా ఇతర ప్రమాదాల నుంచి రక్షిస్తుంది.

సూర్యరశ్మితో ఛార్జింగ్‌ :
ఈ అంబ్రేన్‌ సోలార్‌ 10k పవర్‌ బ్యాంక్‌ (Ambrane solar 10k power bank) 22.5w ఫాస్ట్‌ ఛార్జింగ్‌ సపోర్టుతో 10,000mAh సామర్థ్యాన్ని కలిగి ఉంది. ఛార్జింగ్‌ కోసం ప్రత్యేక సోలార్‌ ప్యానళ్లను కలిగి ఉంది. ఈ ప్యానళ్ల ద్వారా గరిష్ఠంగా 8.5W సోలార్‌ ఇన్‌పుట్‌ను అందించవచ్చు. సూర్యరశ్మి ఆధారంగా ఛార్జింగ్‌ కోసం గరిష్ఠంగా 5 రోజుల సమయం పడుతుందని సంస్థ చెబుతోంది.

ఈ అంబ్రేన్‌ సోలార్‌ పవర్‌ బ్యాంక్‌ బూస్టెడ్‌స్పీడ్‌ టెక్నాలజీను సపోర్టు చేస్తుంది. ఈ పవర్‌ బ్యాంక్‌తో స్మార్ట్‌ఫోన్‌లు, ట్యాబ్లెట్‌లు సహా USB-C, USB-A ఛార్జింగ్‌ పోర్టును సపోర్టు చేసే పరికరాలను ఛార్జింగ్‌ చేసుకొనేందుకు అవకాశం ఉంది. 20W PD ఛార్జర్‌తో 3.5 గంటలపాటు వినియోగించుకొనే పవర్‌ బ్యాంక్‌ను కేవలం గంటలోనే ఛార్జింగ్ చేయవచ్చు.

ఈ తరహా సోలార్‌ పవర్‌ బ్యాంక్‌లు ముఖ్యంగా పర్వతారోహకులు సహా ఎక్కువగా ప్రయాణాలు చేస్తున్న వారికి చాలా అనుకూలంగా ఉంటాయి. ఈ సోలార్‌ పవర్‌ బ్యాంక్‌ను అత్యవసర పరిస్థితుల్లోనూ ఉపయోగించుకొనలా రూపొందించారు. ఇందుకోసం డిజిటల్‌ LED డిస్‌ప్లే, టార్చ్ ఫంక్షన్‌, SOS సిగ్నలింగ్‌ వంటి ఫీచర్‌లను కలిగి ఉంది. విమాన ప్రయాణాల్లోనూ ఈ పవర్‌ బ్యాంక్‌ను వినియోగించేందుకు అనుమతి ఉందని అంబ్రేన్‌ సంస్థ చెబుతోంది.

ధర, సేల్ వివరాలు :
ప్రస్తుతం ఈ అంబ్రేన్ సోలార్‌ 10k పవర్‌ బ్యాంక్‌ ధర రూ.2799 గా ఉంది. అంబ్రేన్‌ ఇండియా అధికారిక వెబ్‌సైట్‌ సహా ప్రముఖ ఇ-కామర్స్‌ సంస్థలు ఫ్లిప్‌కార్ట్‌, అమెజాన్‌ ద్వారా కొనుగోలు చేయవచ్చు. ఈ పవర్‌ బ్యాంక్‌పై 6 నెలలపాటు వారంటీ ఇస్తున్నట్లు సంస్థ వెల్లడించింది. పర్యాటకులు సహా ఎక్కువగా దూరప్రాంత ప్రయాణాలు చేసే వారికి ఈ సోలార్ పవర్‌ బ్యాంక్‌ అనువుగా ఉంటుంది.