120 అంగుళాల FHD స్క్రీన్, 500 ల్యూమెన్స్, 18W సౌండ్, 2.5 గంటల బ్యాటరీతో బెన్‌క్యూ GV50 ప్రొజెక్టర్ విడుదల..!

BenQ GV50 projector : ప్రముఖ ఎలక్ట్రానిక్స్ కంపెనీ బెన్‌క్యూ (BenQ), భారతదేశంలో తమ లేటెస్ట్ స్మార్ట్ పోర్టబుల్ ప్రొజెక్టర్ GV50 ను విడుదల చేసింది. చిన్న సైజులో ఉండి, ఎక్కడికైనా సులభంగా తీసుకెళ్లగలిగే ఈ ఫుల్ HD (1080p) లేజర్ ప్రొజెక్టర్, గూగుల్ టీవీ, అంతర్నిర్మిత నెట్‌ఫ్లిక్స్ (Netflix), అదిరిపోయే సౌండ్ సిస్టమ్ వంటి ఎన్నో ఆధునిక ఫీచర్లతో వస్తుంది.

ఇంట్లో లేదా బయట (Outdoor) ఎక్కడైనా సరే, పెద్దగా సెటప్‌లతో శ్రమ పడకుండా సినిమా థియేటర్ అనుభూతిని పొందాలనుకునే వారి కోసం దీన్ని ప్రత్యేకంగా డిజైన్ చేశారు. ఇది వివిధ యాంగిల్స్‌లో ప్రొజెక్ట్ చేయగలదు, దానంతట అదే చిత్రాన్ని సరిచేసుకోగలదు (Smart Auto-Calibration), వైర్‌లెస్‌గా ఫోన్ నుంచి కంటెంట్ ప్లే చేయగలదు.

* ఎక్కడ, ఎప్పుడు కొనొచ్చు..?
ఈ బెన్‌క్యూ GV50 ప్రొజెక్టర్‌ను ప్రస్తుతం భారతదేశంలో ప్రత్యేక ప్రారంభ ధర రూ.69,990కే ప్రీ-ఆర్డర్ చేసుకోవచ్చు. ఏప్రిల్ 22 వరకు అమెజాన్ (Amazon), బెన్‌క్యూ అధికారిక ఇ-స్టోర్ (BenQ e-store)లలో ప్రీ-బుకింగ్స్ అందుబాటులో ఉంటాయి. ఏప్రిల్ 22 నుంచి రెగ్యులర్ అమ్మకాలు మొదలవుతాయి. ఈ ప్రొజెక్టర్‌పై బెన్‌క్యూ రెండేళ్ల క్యారీ-ఇన్ వారంటీని కూడా అందిస్తోంది.

* స్మార్ట్ ఫీచర్లు

* గూగుల్ టీవీ, నెట్‌ఫ్లిక్స్ లు:
ఈ GV50 ప్రొజెక్టర్ గూగుల్ టీవీ ఆపరేటింగ్ సిస్టమ్‌తో వస్తుంది. అంటే మీకు ఇష్టమైన యాప్స్, గేమ్స్ అన్నీ వాడుకోవచ్చు. అంతేకాదు, లైసెన్స్ పొందిన నెట్‌ఫ్లిక్స్ యాప్ కూడా ఇందులోనే ఇన్‌స్టాల్ అయి వస్తుంది. కాబట్టి బాక్స్ ఓపెన్ చేయగానే మీకు నచ్చిన సినిమాలు, సిరీస్‌లు స్ట్రీమ్ చేసుకోవచ్చు.

* సులభమైన కంట్రోల్, కనెక్టివిటీ
స్మార్ట్‌ఫోన్‌నే రిమోట్‌లా వాడుకోవడానికి 'స్మార్ట్‌రిమోట్' (SmartRemote) యాప్ ఉంది. ప్రొజెక్టర్ పైనే జాయ్‌స్టిక్ లాంటి బటన్ కూడా ఉంటుంది, దీనితో నావిగేట్ చేయడం చాలా ఈజీ. డేటా పంపడానికి, ఫోన్ స్క్రీన్‌ను ప్రొజెక్టర్‌పై చూపించడానికి USB-C పోర్ట్ ఉంది. దీని ద్వారా స్మార్ట్‌ఫోన్‌కి లేదా నింటెండో స్విచ్ (Nintendo Switch) గేమింగ్ కన్సోల్‌కి ఛార్జింగ్ పెట్టుకోవచ్చు.

* పిక్చర్ క్వాలిటీ, ప్రొజెక్షన్
GV50 ప్రొజెక్టర్ 500 ANSI ల్యూమెన్స్ బ్రైట్‌నెస్‌తో, 120 అంగుళాల వరకు పెద్ద స్క్రీన్‌పై ఫుల్ HD (1080p) క్వాలిటీ చిత్రాన్ని ప్రొజెక్ట్ చేయగలదు. HDR10, HLG టెక్నాలజీల సపోర్ట్ వల్ల రంగులు మరింత స్పష్టంగా, కాంట్రాస్ట్ అద్భుతంగా ఉంటాయి. బెన్‌క్యూ వారి 'సినీమాటిక్ కలర్' టెక్నాలజీ Rec. 709 రంగులను చాలా కచ్చితత్వంతో చూపిస్తుంది.

సినిమా థియేటర్లలో వాడే స్టాండర్డ్ తో కలర్స్ కనిపిస్తాయని కంపెనీయే చెబుతోంది. అలాగే దీనిలోని లేజర్ లైట్ సోర్స్ సుమారు 30,000 గంటల వరకు పనిచేస్తుంది, అంటే ఏళ్ల తరబడి లైట్ మార్చాల్సిన అవసరం ఉండదు. దీనివల్ల చాలా ఖర్చు ఆదా అవుతుంది. శ్రమ తప్పుతుంది.

* స్మార్ట్ అడ్జస్ట్‌మెంట్స్
ఆటో-ఫోకస్ (దానంతట అదే ఫోకస్ సరిచేసుకోవడం), 2D ఆటో కీస్టోన్ కరెక్షన్ (చిత్రం వంకరగా ఉంటే నిటారుగా చేయడం), అడ్డంకులను గుర్తించి చిత్రాన్ని సరిచేయడం (Obstacle Avoidance) వంటి స్మార్ట్ ఫీచర్లు ఉన్నాయి. వీటి వల్ల మీరు ప్రొజెక్టర్‌ను ఎక్కడ పెట్టినా, ఎప్పుడూ క్లియర్ అండ్ పర్ఫెక్ట్ ఇమేజ్ వస్తుంది.

ఫ్లెక్సిబుల్ ప్రొజెక్షన్ ఇందులో అందించడం జరిగింది. అంటే ఈ ప్రొజెక్టర్‌ను 135-డిగ్రీల వరకు పైకి తిప్పి సీలింగ్‌పై కూడా ప్రొజెక్ట్ చేయవచ్చు. దీనివల్ల ఎలాంటి ఇబ్బందులు ఉండవు. ఎక్కడంటే అక్కడ సినిమాలను ప్రాజెక్ట్ చేసుకోవచ్చు. డిజిటల్ జూమ్, లెన్స్ షిఫ్ట్, రెండు-దశల టిల్ట్ వంటి ఆప్షన్లు కూడా ఉన్నాయి.

* సౌండ్, బ్యాటరీ
ఇందులో డాల్బీ ఆడియో (Dolby Audio) సపోర్ట్‌తో 18W పవర్ గల 2.1 ఛానల్ స్పీకర్లు (రెండు స్పీకర్లు + ఒక సబ్ వూఫర్) ఉన్నాయి. ఇవి మంచి బాస్‌తో, సినిమా డైలాగ్స్, మ్యూజిక్ వినడానికి చాలా బాగుంటాయి. వేరే స్పీకర్లు అవసరం లేకుండానే మంచి సౌండ్ అనుభూతిని పొందవచ్చు.

* బ్యాటరీ బ్యాకప్
GV50లో అంతర్నిర్మిత బ్యాటరీ (Built-in battery) ఉంది. ఒక్కసారి ఛార్జ్ చేస్తే సుమారు 150 నిమిషాలు (అంటే 2.5 గంటలు) వీడియో చూడవచ్చు లేదా 280 నిమిషాలు (అంటే 4.5 గంటలకు పైగా) బ్లూటూత్ ద్వారా పాటలు వినవచ్చు. కరెంట్ లేని చోట లేదా బయట ప్రయాణాల్లో ఇది చాలా ఉపయోగపడుతుంది.

* గేమింగ్, ఇంకా ఏమేం చేయొచ్చు..
సాధారణంగా గేమ్స్ ఆడేవారికి (Casual Gamers) కూడా ఇది మంచి ఆప్షన్. కేవలం 22.4ms తక్కువ ఇన్‌పుట్ లాగ్ ఉండటం వల్ల గేమ్‌ప్లే చాలా స్మూత్‌గా ఉంటుంది. ఈ ప్రొజెక్టర్ తేలికగా, చిన్నగా ఉండటం వల్ల ఎక్కడికైనా ఈజీగా తీసుకెళ్లొచ్చు. దీనికి ప్రత్యేకంగా స్క్రీన్ కూడా అవసరం లేదు, గోడ మీద లేదా ఏదైనా తెల్లని ఉపరితలంపై ప్రొజెక్ట్ చేసుకోవచ్చు.

ఇంట్లో వరుసగా సినిమాలు చూడాలన్నా, ఫ్రెండ్స్‌తో కలిసి బయట ఓపెన్ ఎయిర్‌లో మూవీ నైట్ ఎంజాయ్ చేయాలన్నా... బెన్‌క్యూ GV50 అన్నింటికీ సిద్ధంగా ఉంటుంది.