50dB ANC, 61 గంటల బ్యాటరీ లైఫ్.. CMF నుంచి బడ్స్ 2 ప్లస్, బడ్స్ 2, బడ్స్ 2a ఇండియాలో విడుదల..

CMF Buds 2a, Buds 2, Buds 2 Plus TWS Launched: టెక్నాలజీ ప్రియులకు గుడ్ న్యూస్. CMF కంపెనీ ఇండియాలో ఒకేసారి మూడు కొత్త ట్రూ వైర్‌లెస్ స్టీరియో (TWS) ఇయర్‌ఫోన్లను విడుదల చేసింది. అవే CMF బడ్స్ 2a, CMF బడ్స్ 2, CMF బడ్స్ 2 ప్లస్. ఈ కొత్త మోడల్స్ అన్నీ అదిరిపోయే ఫీచర్లతో వస్తున్నాయి. ముఖ్యంగా, బయటి శబ్దాలను అడ్డుకునే యాక్టివ్ నాయిస్ క్యాన్సిలేషన్ (ANC) ఉంది.

ఎక్కువ సేపు పనిచేసే బ్యాటరీ, చూడటానికి స్టైలిష్‌గా ఉండే డిజైన్ వీటి సొంతం. ఒక్కసారి ఛార్జ్ చేస్తే ఏకంగా 14 గంటల వరకు పాటలు వినొచ్చు, ఛార్జింగ్ కేస్‌తో కలిపి అయితే 61 గంటలకు పైగా బ్యాటరీ లైఫ్ వస్తుంది. తక్కువ ధరకే ఎక్కువ ఫీచర్లు అందించడమే ఈ కొత్త CMF బడ్స్ లక్ష్యం.

* CMF బడ్స్ 2a, బడ్స్ 2, బడ్స్ 2 ప్లస్ ధర ఎంత..?
CMF బడ్స్ 2a ధర రూ.2,199 కాగా CMF బడ్స్ 2 ధర రూ.2,699. CMF బడ్స్ 2 ప్లస్ అన్నిటికంటే ప్రీమియం మోడల్, దీని ధర రూ.3,299. ఈ మూడు మోడల్స్ కూడా ప్రముఖ ఆన్‌లైన్ స్టోర్ ఫ్లిప్‌కార్ట్ (Flipkart)లో అందుబాటులో ఉంటాయి.

రంగుల విషయానికొస్తే CMF బడ్స్ 2a డార్క్ గ్రే, ఆరెంజ్, లైట్ గ్రే రంగులలో లభిస్తుంది. CMF బడ్స్ 2 డార్క్ గ్రే, ఆరెంజ్, లైట్ గ్రీన్ రంగులలో లభిస్తుంది. CMF బడ్స్ 2 ప్లస్ బ్లూ లైట్ గ్రే రంగులలో లభిస్తుంది.

* CMF బడ్స్ 2a, బడ్స్ 2 బడ్స్ 2 ప్లస్ ఫీచర్లు..
సౌండ్ క్వాలిటీ విషయానికి వస్తే బడ్స్ 2aలో 12.4mm బయో-ఫైబర్ డ్రైవర్లు ఉన్నాయి. డిరాక్ (Dirac) సంస్థ ట్యూనింగ్ చేయడం వల్ల సౌండ్ చాలా బాగుంటుంది. బడ్స్ 2లో 11mm PMI డ్రైవర్లు, డిరాక్ ఆప్టియో (Dirac Opteo) ట్యూనింగ్, N52 మాగ్నెట్స్ ఉన్నాయి. దీనివల్ల బాస్ (Bass) చాలా డీప్‌గా వస్తుంది.

బడ్స్ 2 ప్లస్‌లో 12mm LCP డ్రైవర్లు అమర్చారు. ఇది LDAC ఆడియో ఫార్మాట్‌ను సపోర్ట్ చేస్తుంది. హై-రెస్ వైర్‌లెస్ ఆడియో సర్టిఫికేషన్ పొందింది. అంటే, చాలా స్పష్టమైన, హై క్వాలిటీ ఆడియో వినొచ్చు. ఈ ప్లస్ మోడల్‌లో మీ వినికిడిని బట్టి సౌండ్‌ను మార్చుకునే "పర్సనల్ సౌండ్ ప్రొఫైల్" అనే ప్రత్యేక ఫీచర్ ఉంది.

* నాయిస్ క్యాన్సిలేషన్
బడ్స్ 2aలో 42dB వరకు శబ్దాలను తగ్గిస్తుంది (ANC). బయట ఏం జరుగుతుందో వినాలనుకుంటే 'ట్రాన్స్‌పరెన్సీ మోడ్' కూడా ఉంది. బడ్స్ 2లో ఇంకాస్త మెరుగ్గా 48dB వరకు హైబ్రిడ్ ANC టెక్నాలజీతో శబ్దాలను తగ్గిస్తుంది. బడ్స్ 2 ప్లస్‌లో అన్నిటికంటే శక్తివంతమైనది, 50dB వరకు శబ్దాలను అడ్డుకుంటుంది.

ఇందులో పరిసరాలకు తగ్గట్టు ఆటోమేటిక్‌గా నాయిస్ క్యాన్సిలేషన్‌ను అడ్జస్ట్ చేసే 'స్మార్ట్ అడాప్టివ్ మోడ్' కూడా ఉంది. అన్ని మోడల్స్‌లో గాలి శబ్దాన్ని తగ్గించే టెక్నాలజీ (Wind Noise Reduction 3.0), అల్ట్రా బాస్ టెక్నాలజీ 2.0, కాల్స్ మాట్లాడేటప్పుడు బయటి శబ్దాలను తగ్గించడం, స్పేషియల్ ఆడియో ఎఫెక్ట్స్ వంటి ఫీచర్లు ఉన్నాయి.

* కాల్స్, గేమింగ్, ఇతర ఫీచర్లు
బడ్స్ 2aలో నాలుగు (4) HD మైక్రోఫోన్లు, క్లియర్ వాయిస్ టెక్నాలజీ ఉన్నాయి. దీనివల్ల కాల్స్ స్పష్టంగా వినిపిస్తాయి. బడ్స్ 2, బడ్స్ 2 ప్లస్ రెండింటిలో ఆరు (6) HD మైక్రోఫోన్లు, ఇంకా మెరుగైన క్లియర్ వాయిస్ టెక్నాలజీ 3.0 ఉన్నాయి. ఇక అన్నిటిలోనూ ఒకేసారి రెండు డివైజ్‌లకు కనెక్ట్ చేసుకోవచ్చు.

వీటిని కంట్రోల్ చేయడానికి నథింగ్ ఎక్స్ (Nothing X) అనే యాప్ ఉంది. గేమింగ్, ఇతర ఫీచర్ల విషయానికి వస్తే, గేమ్స్ ఆడేటప్పుడు లేదా వీడియోలు చూసేటప్పుడు సౌండ్ ఆలస్యం కాకుండా ఉండటానికి తక్కువ లేటెన్సీ (110ms వరకు) సపోర్ట్ ఉంది. బడ్స్ 2aకి IP54 రేటింగ్ ఉంది.

* బ్యాటరీ లైఫ్, ఛార్జింగ్ వివరాలు
బడ్స్ 2, బడ్స్ 2 ప్లస్‌లో కొంచెం మెరుగైన IP55 రేటింగ్ ఉంది. CMF బడ్స్ 2a, బడ్స్ 2, బడ్స్ 2 ప్లస్ బ్యాటరీ లైఫ్, ఛార్జింగ్ వివరాలు చూస్తే, బ్యాటరీ లైఫ్ విషయంలో ఈ బడ్స్ అదరగొడుతున్నాయి.

CMF బడ్స్ 2aలో ప్రతి ఇయర్‌బడ్‌లో 43mAh, కేస్‌లో 460mAh బ్యాటరీ ఉంటుంది. ANC ఆఫ్ చేస్తే 8 గంటల వరకు, కేస్‌తో కలిపి మొత్తం 35.5 గంటల వరకు పాటలు వినొచ్చు. కేవలం 10 నిమిషాలు (ఫాస్ట్ ఛార్జింగ్) ఛార్జ్ చేస్తే చాలు, 5.5 గంటల పాటు మ్యూజిక్ ఎంజాయ్ చేయొచ్చు.

CMF బడ్స్ 2 ను పరిశీలిస్తే, ప్రతి ఇయర్‌బడ్‌లో 53mAh బ్యాటరీ ఉంటుంది. దీనితో ఒక్కసారి ఛార్జ్ చేస్తే ఏకంగా 13.5 గంటల వరకు ప్లేబ్యాక్ లభిస్తుంది, ఇక ఛార్జింగ్ కేస్‌తో కలిపితే మొత్తం 55 గంటల వరకు నిరంతరాయంగా వాడుకోవచ్చు. అత్యవసర సమయాల్లో, కేవలం 10 నిమిషాల ఫాస్ట్ ఛార్జింగ్‌తోనే దాదాపు 7.5 గంటల ప్లేబ్యాక్ సమయం పొందవచ్చు.

* ప్రీమియం మోడల్ బ్యాటరీ
ఇకపోతే, వీటిలో ప్రీమియం మోడల్ అయిన CMF బడ్స్ 2 ప్లస్, బ్యాటరీ విషయంలో మరింత ముందుంది. ANC ఆఫ్ చేసి ఒక్కసారి ఛార్జ్ చేస్తే ఇది ఏకంగా 14 గంటల పాటు నాన్‌స్టాప్‌గా పనిచేస్తుంది. ఛార్జింగ్ కేస్‌తో కలిపితే మొత్తం 61.5 గంటల భారీ బ్యాటరీ లైఫ్ దీని సొంతం.

అద్భుతమైన విషయం ఏంటంటే, కేవలం 10 నిమిషాల క్విక్ ఛార్జింగ్‌తోనే ఇది 8.5 గంటల ప్లేబ్యాక్ సమయాన్ని అందిస్తుంది. అందువల్ల, తక్కువ ధరలో అదిరిపోయే ఫీచర్లతో పాటు, ముఖ్యంగా ఎక్కువ సేపు పనిచేసే బ్యాటరీ లైఫ్ కావాలనుకునే వారికి ఈ కొత్త CMF బడ్స్ కచ్చితంగా ఒక మంచి ఆప్షన్ అని చెప్పవచ్చు.